1. Rajengro liil 20:21 - O Debleskro Drom 2021 (Sinte)

²¹ Un o Ahab, ko baro rai dran Israel, djas win un kuras pes i kurepangre wurdjentsa, un das i Syrarja an i baro marepen.

O Debleskro Lab 2024 (Sinte-Manouche)

²¹ Oun o Ahab, ko baro ray dran Israel, djas vin oun kouras pes i kourepangre vourdyentsa, oun das i Syrarya an i baro marepen.

1. Rajengro liil 20:21 ပူးပေါင်းရင်းမြစ်များ

1. Rajengro liil 20:20

koi maran le hakenes, kai tchiwas pes lenge an o drom. Un i Syrarja nashan penge, un i Israelitarja nashan lenge palla. Un o Ben-Hadad, ko baro rai pral Syria, nashas peske ap i grai, un leskre kurepangre wurdja khetne leha.

1. Rajengro liil 20:22

Kote was ko Debleskro rakepaskro pash o baro rajeste dran Israel, un penas ap leste: “De jak, kre tut sorelo, te djiness un haiwess, hoi te kress. Ko baro rai dran Syria well palpale, te hi kau bersh trujel, te kurell lo pes tuha.”

2. Rajengro liil 3:18

Kowa hi kek baro koowa o baro Debleske. Job dell ninna kol Moabarja an tumare wasta.

2. Rajengro liil 3:24

Un har jon pash koi platsa wan, kai i Israelitarja his, wan kolla win, un dan kol Moabarjen. Un jon nashan krik lendar. Un i Israelitarja lan len palla un dan len.

Josua 10:20

Un o Josua peskre murshentsa maran len jaake phares khetne, te atchan lendar buder gar bud. Un kolla, kai nashan nai penge, nashan an kol forja, kai pre-tchidde barra trul lende his.

Čačepangre 11:33

Un job maras len bare dawentsa un las lengre forja dren, hoi mank Aroer, Minnit un Abel-Keramim tchiddo hi. Kolla his biish forja. Jaake wan i Ammonarja tiknes kerdo glan i Israelitarja.

Čačepangre 3:28

un das gole: “Sik, awenn mange palla! O baro Dewel das i Moabarja, kai tumen tele rikrenn, an tumaro wast.” Un koi nashan le tele, leske palla pash o pani Jordan, un dan garda ap kol platse, kai i menshe ap i wawar rig djan, un mukan kekes wergel.

1. Samuel 17:52

Un i tsele lurde dran Israel un dran Juda djan glan, dan i bari kurepaskri gole, un lan kol Filistarja palla jaake dur, bis te wan le pash o foro Gat un glan i bare wudja o forestar Ekron. Un i mule Filistarja his tchiddo ap o drom mank Shaarajim un Gat un Ekron.

1. Samuel 19:8

Un pale was i baro kurepen, un o David djas win te marell lo pes i Filistarentsa. Un job das len jaake soreles, te hunte nashan le.