1. Rajengro liil 20:16 - O Debleskro Drom 2021 (Sinte)

^16-17 Un jon djan win dran o foro, har mashkral diwes his. Un kol terne mursha djan glan win. Un o Ben-Hadad pijas pes mates an i plachtene khera, job un kol wawar 32 (trijanda-dui) bare raja, kai ap leskri rig his. Koi was leske penlo kol murshendar, kolen job bitchras, te denn le jak: “Mursha wenna dran Samaria win.”

O Debleskro Lab 2024 (Sinte-Manouche)

^16-17 Oun yon djan vin dran o foro, har mashkral dives his. Oun kol terne morsha djan glan vin. Oun o Ben-Hadad piyas pes mates an i plarhtene khera, yob oun kol vavar 32 (triyanda-te-douy) bare raya, kay ap leskri rig his. Koy vas leske penlo kol morshendar, kolen yob bičras, te denn le yak: “Morsha venna dran Samaria vin.”

1. Rajengro liil 20:16 ပူးပေါင်းရင်းမြစ်များ

1. Rajengro liil 16:7

Kowa, hoi penas o baro Dewel ap peskro rakepaskro, o Jehu, kol laba pral o Baasha, kowa was pral koleste dran ko tselo tchilatchepen, hoi o Baasha kras glan o baro Debleste. Job kras peske mule debla, un kolentsa choiras job o baro Debles. Ninna mukas job i tsele tchawen o Jerobeamestar te marell. Doleske djas leske har koleskri familja.

1. Rajengro liil 16:9

Un o Simri, ko pralstuno pral o paash i wurdjendar, kras pes tchorchanes wawarentsa khetne, te marell lo o Ela. His i diwes, kai his o Ela an o kheer ko pralstunestar pral o rajeskro kheer an Tirza. Ko pralstuno kharas Arza. Un o Ela pijas kote un was mato.

1. Rajengro liil 20:15

Kote mukas o Ahab kol terne murshen glan te stakrell, kolengre pralstune pral o them tardo hi. Un jon his 232 (dui-sheel-trijanda-dui) mursha. Un pal lende mukas lo i tsele lurden an Israel glan te stakrell. Kolla his 7.000 (efta-serja).

1. Rajengro liil 22:31

O rai o themestar Syria penas kol pralstunenge pral leskre wurdja – kolla his 32 (trijanda-te-dui) mursha: “Ma kurenn tumen i lurdentsa, gar i tiknentsa witar gar i barentsa! Djan kokres ap o rajeste pral o them Israel pre!”

Gosewe laba 20:1

Te pijeh i sorelo pipen, weh diwjo un saneh pral lautereske. Kowa, kai jaake bud pijell, te well lo mato, koles hi kek goswepen.

Jesaja 5:22

Djungeles djal kolenge, kai hi tchatche mursha pash o pipen, un sorele mursha te krenn le chatchedi.

Jesaja 54:15

Dik, ninna te djan le ap tute pre, well kowa gar mandar. Koon kurell pes tuha, kowa well dino un perell.

Hosea 4:11

Mool – phuri mool un newi mool – krenn, te haiwenn i menshe buder gar, hoi latcho un hoi tchilatcho hi.

Amos 6:7

Doleske wenn tumer i glanstune kolendar, kai wenn pandles krik anlo. Tumaro shukar djipen un pipaskro tsiro hi trujel.