1. Rajengro liil 20:15 - O Debleskro Drom 2021 (Sinte)

¹⁵ Kote mukas o Ahab kol terne murshen glan te stakrell, kolengre pralstune pral o them tardo hi. Un jon his 232 (dui-sheel-trijanda-dui) mursha. Un pal lende mukas lo i tsele lurden an Israel glan te stakrell. Kolla his 7.000 (efta-serja).

O Debleskro Lab 2024 (Sinte-Manouche)

¹⁵ Kote moukas o Ahab kol terne morshen glan te stakrell, kolengre pralstoune pral o them tardo hi. Oun yon his 232 (douy-sheel-triyanda-te-douy) morsha. Oun pal lende moukas lo i tsele lourden an Israel glan te stakrell. Kolla his 7.000 (efta-zerya).

1. Rajengro liil 20:15 ပူးပေါင်းရင်းမြစ်များ

1. Rajengro liil 19:18

Un me mukau efta serja (7.000) murshen djido an Israel, kolla kai peran gar ap pengre tchanga glan o debleste Baal un tchumras les gar.”

1. Rajengro liil 20:14

O Ahab putchas: “Koon mendar hunte kurell pes lentsa?” O Debleskro rakepaskro penas: “O baro Dewel penell: I terne mursha, kolengre pralstune pral o them tardo hi.” Un job putchas dureder: “Koon djal glanstunes an o kurepen?” Un job penas: “Tu!”

1. Rajengro liil 20:16

Un jon djan win dran o foro, har mashkral diwes his. Un kol terne mursha djan glan win. Un o Ben-Hadad pijas pes mates an i plachtene khera, job un kol wawar 32 (trijanda-dui) bare raja, kai ap leskri rig his. Koi was leske penlo kol murshendar, kolen job bitchras, te denn le jak: “Mursha wenna dran Samaria win.”

2. Rajengro liil 13:7

Jaake atchan o rajeske Joahas kek lurde pral, har kokres 50 (paash-sheel) klissepangre, deesh kurepangre wurdja un 10.000 (deesh-serja) pirengre lurde; Kol tsele wawar maras o baro rai pral o them Syria un kras, te wan le har i phubjakri tchik ap o drom.

2. Familjakro liil 14:11

Un o baro Dewel das i Kusharja glan o Asa un i menshende dran Juda jaake, kai jon nashan penge an i daar.

Debleskri gili 33:16

I baro rai bud lurdentsa well gar dran peskri soor o sorleder an o kurepen. Un i tchatcho mursh, koles bud soor hi, well gar dran peskri soor win lino dran o kurepen.

Čačepangre 7:16

Un dran kol triin shelendar tchiwas job triin kope sheel murshen khetne. Un hakenes das lo i phurdepaskri un i khoro. Un an ko khoro his i kasht, hoi chatchell.

Čačepangre 7:7

Un o baro Dewel penas ap o Gideon: “Kol triin-shelentsa, kai o pani pengre tchipjentsa pijan, kamau me i Midianarja an tiro wast te dell, un o Israel dran lengre wasta win te lell. Kol wawar lurden muk khere te djal!”

1. Samuel 14:2

O Saul his ko tsireske beshdo tel o phabjengro ruk, hoi hi tardo an Migron, gar dur o forestar Gibea. Pash leste his jaake 600 (shob-sheel) lurde.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”