1. Rajengro liil 20:11 - O Debleskro Drom 2021 (Sinte)

¹¹ Kote penas o baro rai Ahab: “Penenn leske: Kowa, kai pandell o charo trul peste, te djal lo an o kurepen, hunte krell kek baro rakepen. Kowa, kai well pale dran o kurepen nai krell pes bares.”

O Debleskro Lab 2024 (Sinte-Manouche)

¹¹ Kote penas o baro ray Ahab: “Penenn leske: Kova, kay pandell o rharo troul peste, te djal lo an o kourepen, hounte krell kek baro rakepen. Kova, kay vell pale dran o kourepen nay krell pes bares.”

1. Rajengro liil 20:11 ပူးပေါင်းရင်းမြစ်များ

2. Rajengro liil 3:21

Har i Moabarja shunan, kai kol triin bare raja pengre lurdentsa pre wan, te kurenn le pen lentsa, dan jon i tsele murshen khetne gole, kai phuro doha his, kai nai djan an o kurepen, un anan len pash i themeskri rig, kai o them Israel well.

Hiob 41:8

Un jek shuppa tchiwell pes jaake ap i wawar, te nai djal kek ducho mashkral lende dren.

Gosewe laba 27:1

Ma share tut pral kowa, hoi hi tut glan o wawar diwes! Tu djineh gar, hoi tuke ko diwes anell.

Sikepaskro 9:11

Pale dikom, har ap kai phub djala: O sikeder naashepaskro well gar glanstunes an. O sorleder kurepaskro hi gar o feteder lurdo. Sikle menshe hi gar kolla, konen o budeder chapen hi. I gosewe hi gar i brawele. Kowa, kai tchomone mishto haiwell, hi gar kowa, kai an-diklo hi. O tsiro un i bacht penenn, har hakeneske djal.

Jeremia 46:17

Kharenn ko lab o Faraestar, ko rajestar pral o them Egiptia: ‘Baro Mujeskro, koleskro tsiro trujel hi’.

Jeremia 9:23

Koon kamell pes te sharell, kowa te sharell pes, kai job prindjrell man, un te haiwell job, kai me o baro Dewel hom. Me krau miro dji pre i menshenge, un krau, hoi tchatcho un mishto hi ap i phub. Sawo koowa hi mishto glan mire jaka. Kowa penau me, o baro Dewel.

Mateo 26:75

Un o Petreske wan o Jesuseskre laba an o shero, hoi job leske penas: “O bashno dell gar gole jaake rah, har tu man gar triin kope buchoste dal.” Un o Petro djas dran o baro wudar win, un rowas soreles.

1. Samuel 14:6

Un o Jonatan penas ap ko terno mursheste, kai leskro kurepaskro koowa hidjrell: “Ab, mer djas pash kol chalende, kai koi wergel jak denn. Nai hi, te well o baro Dewel menge ap i rig. Te krell lo kowa, hi jek, kitse mer ham, bud oder gar bud.”