1. Rajengro liil 2:9 - O Debleskro Drom 2021 (Sinte)

⁹ Kau koowa hunte less tu an tiro wast. Tu hal i gosewo mursh un tu djineh, hoi hunte kress leha. Job hi i phuro mursh. Muk les gar an o latchepen te merell! Muk les mulo te dell!”

O Debleskro Lab 2024 (Sinte-Manouche)

⁹ Kava koova hounte less tou an tiro vast. Tou hal i gosevo morsh oun tou djineh, hoy hounte kress leha. Yob hi i phouro morsh. Mouk les gar an o lačepen te merell! Mouk les moulo te dell!”

1. Rajengro liil 2:9 ပူးပေါင်းရင်းမြစ်များ

1. Mose 42:38

“Na-a”, penas o Jakob. “Miro tchawo djal gar tumentsa! Leskro phraal hi mulo. Un job kokres atchas mange leskri datar i Rachel. Me hom i phuro rom. Te taprels les i bibacht ap o drom, meraus i bari dukatar.”

1. Mose 44:31

Leskro dji hi pandlo ap ko tchaweste. Man wals doosh, te merals maro phuro dad i dukatar.

1. Mose 9:6

O Dewel kras o menshes, jaake har job hi. Doleske hunte well kowa mulo dino i menshestar, kai i menshes mulo das.

2. Samuel 16:5

Un o baro rai David was an o foro Bahurim. Koi was i mursh dran ko foro win. Kowa his o Sauleskre menshendar. Job kharas Shimi. Leskro dad his o Gera. O Shimi was pash o Davideste un praassas les,

2. Samuel 3:39

Ninna te makan jon man djeteha dren, te wap baro rai, hom kau diwes gar sorelo. Kal mursha, kolengri dai i Zeruja hi, hi sorleder har me. O baro Dewel mu dell koles tchilatchepen pale, kai tchilatchepen kras!”

1. Rajengro liil 2:6

Kre leha jaake har glan tire jaka mishto hi! Job hi kanna i phuro mursh. Muk les gar an o latchepen te merell!

1. Rajengro liil 3:12

Doleske krau jaake har tu kowa mandar mangal. Me dau tut i gosewo dji, te haiwess halauter, hoi glan tute wella. Jaake his pash kekeste glan tute. Un pal tute well witar kek, har tu hal.

1. Rajengro liil 3:28

Un an o tselo them Israel shunan le ko tchatcho lab, hoi o baro rai hatsas. Un jon dikan pre ap o baro rajeste, un jon haiwan, kai o goswepen o Deblestar an leste his, te nai dell lo i menshenge lengro tchatchepen.

Hiob 9:28

palle taprau pale daar i tsele dukendar. Un djinau, glan o Debleskre jaka hi man doosh.

2. Mose 20:7

Ma le miro lab ‘baro Dewel’ tchitcheske an tiro mui! Me, o baro Dewel, hom tiro Dewel un dau i phagi hakenes, koon kowa krella.

2. Mose 22:27

Ma praasse o Debles! Un ma rake bibacht win pral i pralstuno tire menshendar!

2. Mose 22:28

An ko tsiro, kai aneh tiro djob un tire drake dren, de tiro Debles, hoi leske hi! Tiro phureder mursh tchawes dess tu tiro Debles.

4. Mose 32:23

Te kamenn tumer kowa gar te krell, palle lenn i doosh ap tumende glan o baro Debleste. Un kowa dikenn tumer, te well koi phagi ap tumende.