1. Rajengro liil 2:45 - O Debleskro Drom 2021 (Sinte)

⁴⁵ Ap mande, o baro rajeste Salomo, mu tchiwell lo peskri bacht, un mukell dran o Davideskro kheer an hake tsirja i bare raja te well pral Israel.”

O Debleskro Lab 2024 (Sinte-Manouche)

⁴⁵ Ap mande, o baro rayeste Salomo, mou čivell lo peskri barht, oun moukell dran o Davideskro kheer an hake tsirya i bare raya te vell pral Israel.”

1. Rajengro liil 2:45 ပူးပေါင်းရင်းမြစ်များ

2. Samuel 7:13

Kowa krell mange i kheer. Un me krau te atchell lo hako tsiro baro rai.

1. Rajengro liil 2:24

O baro Dewel kras man baro rai pal miro dadeste David, un penas mange, te wenn dran miro kheer i raja pral Israel. Pash leste, o djido Debleste, dau man sowel: Kau diwes hunte merell o Adonija!”

1. Familjakro liil 17:27

Kanna tchip tiri bacht pral mande un mire menshende, te atchenn le glan tute hako tsiro. Ap koneste tu tiri bacht tchiwal, ap koleste atchell tiri bacht tchiddo hako tsireske.”

Debleskri gili 21:4

Tu tchoral pral leste bacht pral bacht, tchiwal shereskro sonakai ap leskro shero.

Debleskri gili 21:6

Tu hal ap leskri rig un kral leskro railepen bares. Shukapen un barepen tchiwal tu ap leste.

Debleskri gili 72:17

Leskro lab mu atchell hako tsireske. Jaake rah har o kham ap o bolepen hi, mu well leskro lab sharedo! Lestar mu well latchepen ap i menshende an i tsele themma. Un jon te rakrenn i bacht pral leste win.

Gosewe laba 25:5

Le o tchilatches krik o baro rajestar, palle atchell job i baro rai, kai an o tchatchepen tardo hi.