1. Rajengro liil 2:30 - O Debleskro Drom 2021 (Sinte)

³⁰ Un o Benaja djas pash o baro Debleskro plachteno kheer, un penas ap o Joab: “O baro rai penell tuke, te djas win!” Job penas: “Na-a. Kate kamau te merell.” Un o Benaja penas kowa o baro rajeske pale pale, un penas leske kol laba, hoi o Joab ap leste penas.

O Debleskro Lab 2024 (Sinte-Manouche)

³⁰ Oun o Benaya djas pash o baro Debleskro plarhteno kheer, oun penas ap o Yoab: “O baro ray penell touke, te djas vin!” Yob penas: “Na-a. Kate kamau te merell.” Oun o Benaya penas kova o baro rayeske pale pale, oun penas leske kol laba, hoy o Yoab ap leste penas.

1. Rajengro liil 2:30 ပူးပေါင်းရင်းမြစ်များ

1. Rajengro liil 2:29

Un o Salomeske was penlo: “O Joab nashas an o baro Debleskro plachteno kheer. Un kanna hi lo tardo pash i chatchepaskri, kai mer i vieche marah.” Kote bitchras o Salomo ko murshes Benaja koi, koleskro dad o Jojada his, un penas: “Naash, de le temerl!”

1. Rajengro liil 2:31

O baro rai penas ap leste: “Kre har job penas, un de les temerl, un an les tel i phub, te lap me un miro dadeskro kheer kek phagi koleske, hoi o Joab kras, har maras lo dui murshen tchitcheske. Kal dui murshen djiwan budeder an o tchatchepen un his latcheder har job: o Abner, koleskro dad o Ner his, job his o pralstuno lurdo pral Israel, un o Amasa, koleskro dad o Jeter his, o pralstuno lurdo pral Juda. O Joab maras len o chareha. Un miro dad, o David, djinas tchi kolestar. Doleske mukell o baro Dewel ko rat kol dujendar ap leskro shero te well.

1. Familjakro liil 11:22

O Benaja, koleskro dad o Jojada his, dran o gab Kabzeel, his i wawar kurepaskro mursh, kai baro koowa kras. Kowa das kol dui sorele murshen mulo, kai wan kharedo ‘lewe dran Moab’. Ap i diwes, kai gib das, djas lo an i brunna, un das koi i lewes mulo.