1. Rajengro liil 2:22 - O Debleskro Drom 2021 (Sinte)

²² Kote penas o baro rai Salomo pale pale ap peskri date: “Hoske mangeh man tu, te mukap miro phrales, o Adonija, i Abishag dran o gab Shunem, te romedinerell? Hoske mangeh man gar, te mukap les o baro rai te well? Job hi miro phureder phraal. Un pal leste hi o rashai o Abjatar tardo, ninna o Joab, koleskri dai i Zeruja hi.”

O Debleskro Lab 2024 (Sinte-Manouche)

²² Kote penas o baro ray Salomo pale pale ap peskri date: “Hoske mangeh man tou, te moukap miro phrales, o Adoniya, i Abishag dran o gab Shounem, te romedinerell? Hoske mangeh man gar, te moukap les o baro ray te vell? Yob hi miro phoureder phraal. Oun pal leste hi o rashay o Abyatar tardo, ninna o Yoab, koleskri day i Serouya hi.”

1. Rajengro liil 2:22 ပူးပေါင်းရင်းမြစ်များ

2. Samuel 12:8

un dom tut o kheer tiro rajestar, ninna leskre romjen, un krom tut baro rai pral o kheer Israel un o kheer Juda. Te wals kowa gar doha, nai doms tut gomme bud wawar koowa.

2. Samuel 16:21

Penas o Ahitofel: “Dja pash i djuwjende tiro dadestar, kolen tiro dad mukas koi, te denn jon garda ap ko kheer! Un sob lentsa! Jaake shunell o tselo Israel, kai tu tut pash tiro dadeste gar kamlo kral. Palle wenn lauter kolla, kai ap tiri rig hi, sorleder.”

1. Rajengro liil 1:11

Kote penas o Natan ap i Batsheba, o Salomeskri date: “Shunal tu gar, kai o Adonija, koleskri dai i Haggit hi, maro baro rai was, un o David, maro rai, djinell kolestar tchi?

1. Rajengro liil 2:15

Un job penas: “Tu djineh, me hom kowa, kai hunte woms o baro rai. Un i tsele Israelitarja patsan, te wap me lengro baro rai; kanna was wawartchandes, un miro phraal was o baro rai. O baro Dewel kamas kowa jaake.

1. Familjakro liil 3:2

O triinto his o Absalom. Leskri dai his i Maacha, kolakro dad his o Talmai. Kowa his o rai pral Geshur. O starto his o Adonija. Leskri dai his i Haggit.

1. Familjakro liil 3:5

Un kalla wan leske an o foro Jerusalem boldo: o Shimea un o Shobab un o Natan un o Salomo: Kol starendar hi i Batsheba i dai. Kolakro dad his o Ammijel.

Mateo 20:22

Penas o Jesus: “Tumer djinenn gar, hoi mangenna mandar. Nai lenn tumer kol duka ap tumende, hoi me hunte lap ap mande?” Penan le: “Awa, ko nai krah mer.”

Markus 10:38

Koi penas o Jesus ap lende: “Tumer djinenn gar, hoi tumer mangenna mandar. Nai lenn tumer kol duka ap tumende, hoi me hunte lap ap mande? Nai djan tumer jaake an o merepen, har me djau?”

Jakobo 4:3

Te mangell jek tumendar tchomone o Deblestar, mangell lo sawo koowa, hoi gar mishto hi, un hoi dran leskro tchilatcho dji wella. Doleske dell les o Dewel kowa gar.