1. Rajengro liil 2:1 - O Debleskro Drom 2021 (Sinte)

¹ Un o tsiro was, kai hunte merell o David. Kote rakras lo peskro tchaweha, o Salomeha, un penas ap leste:

O Debleskro Lab 2024 (Sinte-Manouche)

¹ Oun o tsiro vas, kay hounte merell o David. Kote rakras lo peskro čaveha, o Salomeha, oun penas ap leste:

1. Rajengro liil 2:1 ပူးပေါင်းရင်းမြစ်များ

1. Mose 47:29

Har ko tsiro was, kai merell lo, kharas job peskro tchawes, o Josef, un penas ap leste: “Ab mange latcho, de tiro wast koi pre, kai rikreh tiro lab: Paske man gar an o them Egiptia!

2. Samuel 7:12

Te hi tiro tsiro trujel, un tu mereh, hadau jekes tire tchawendar, kai pal tute wenna, te well lo baro rai, un atchell kowa.

1. Rajengro liil 1:53

Un o baro rai Salomo bitchras jekes pash o Debleskri chatchepaskri, kai o Adonija tardo his, un mukas les kotar pash peste te anell. Un har job was, witsras lo pes glan o baro rajeste Salomo ap i phub tele. Un o baro rai Salomo penas ap leste: “Dja kanna khere!”

1. Familjakro liil 22:6

Un job kharas peskro tchawes, o Salomo, pash peste, un penas leske, te krell lo i kheer o baro Debleske, kai o Israeleskro Dewel hi.

4. Mose 27:19

un an les glan o rashajeste Eleasar un glan i tsele Israelitarja. Un pen lenge halauterenge, te hi job kowa, kai pal tute lengro rai well.

5. Mose 3:28

Un pen ap o Josua: ‘Ma traash, ab soreles!’ Job hi kowa, kai djal glan i Israelitarjen wergel o pani Jordan, un anell len dren an ko them, hoi tu dikeh, te lenn le les penge dren.”

5. Mose 31:14

O baro Dewel penas ap o Mose: “Tire diwessa wan, te hunte meress: De o Josua gole, un ab khetne leha pash o Debleskro plachteno kheer, te tchiwap les dren an leskri budi.” Un o Mose un o Josua djan dren an o Debleskro plachteno kheer,

5. Mose 31:23

Un o baro Dewel penas ap o Josua, koleskro dad o Nun his: “Ab sorelo un ma traash! Tu aness i Israelitarjen an ko them, koleske me man sowel dom, te anau len koi. Un me kamau tuha te well.”

5. Mose 33:1

Un glan peskro merepen rakras o Debleskro mursh, o Mose, i Debleskri bacht win pral i Israelitarja, un penas:

1. Timoteo 1:18

Miro tchawo Timoteo, kowa penau tuke, te rikress tu kowa an tiro dji. Ma biste kol laba, hoi glan i tsiro pral tute glan-wi penlo wan! Kolla laba denn tut i soor, te mukess gar tele te krell o Debleskri budi, jaake har i latcho kurepaskro gar pre dell an o kurepen.

1. Timoteo 6:13

Me penau tuke glan o Debleste, kai krell lauter djido, un glan o Jesus Kristo, kai penas o tchatchepen glan o Pontio Pilato:

2. Timoteo 4:1

Kowa, hoi kanna penau tuke, penau glan o Debleste un glan o Jesus Kristeste, kai krell o tchatchepen win pral i djidende un i mulende. Job, kai well pale, te well lo baro rai pral i tsele menshende, kowa shunell, hoi tuke penau:

2. Timoteo 4:6

Miro djipen hi har i pipen, hoi well win tchoredo o Debleske. O tsiro was, kai hunte merap.