1. Rajengro liil 19:3 - O Debleskro Drom 2021 (Sinte)

³ Un har o Elija kowa shunas, tapras les i daar, un job nashas peske, te atchell lo djido. Jaake was lo an o foro Beersheba. Ko his i foro an o them Juda. Un kote mukas lo peskro budepaskres.

O Debleskro Lab 2024 (Sinte-Manouche)

³ Oun har o Eliya kova shounas, tapras les i daar, oun yob nashas peske, te ačell lo djido. Yaake vas lo an o foro Beersheba. Ko his i foro an o them Youda. Oun kote moukas lo peskro boudepaskres.

1. Rajengro liil 19:3 ပူးပေါင်းရင်းမြစ်များ

1. Mose 21:14

Sik taissarlakro stas o Abraham pre, las maro un i gono pherdo pani un tchiwas kowa i Hagar ap o phiko, das late ninna o tchawes, un bitchras len pestar krik. Koi djas joi peske un nashas trujel an o mulo tato them pash o foro Beersheba.

1. Mose 21:31

Dran kowa kharella koi platsa, kai dan pen kol dui sowel, Beersheba.

2. Mose 2:15

Har o Farao kowa shunas, kamas job o Moses te marell. O Mose nashas an ko them Midian. Kote beshas job pes pash i brunna.

Jeremia 20:9

Awa, te penau mange, me kamau o Debles te bistrell, un rakrau buder gar an leskro lab, palle chatchell leskro lab an mande har i jag. Me lau miri tseli soor khetne, te rikrap kowa win. Un kowa djal gar.

Mateo 26:56

Kawa lauter hunte djas, te well tchatcho, hoi o Debleskre rakepangre glan i rah tsiro an pengre lila tchinan.” Har peskre mala kowa shunan, nashan le penge lauter lestar.

2. Korintarja 12:7

O Dewel kamella, te wap gar pre-phurdo pral ko baro bolepaskro koowa, hoi mukas lo man te dikell. Doleske mukas o Dewel tchomone ap mande te well, hoi dukrell man har i subjengro kasht an miro mass. Kowa hi har te dals man i bengeskro kurepaskro dawa, te wap gar pre-phurdo.

1. Samuel 27:1

O David penas peske an peskro dji: “Well ko diwes, kai perau o Sauleske an i wasta, un job dell man mulo! O feteder mange hi, te djap jaake sik har djala an o them Filistia. Palle mukell o Saul mandar tele, un rodell man buder gar an o tselo them Israel. Un job nai krell man tchi buder!”

1. Samuel 8:2

Leskro phureder tchawo his o Joel, un o duito o Abija. Un jon djiwan an Beersheba, un kote rakran le o tchatchepen win.