1. Rajengro liil 19:21 - O Debleskro Drom 2021 (Sinte)

²¹ Un o Elisa djas pale pale pash i grumjende, las dui grumjen un maras len. Ko kasht, hoi kol dujen khetne rikras, las lo un kras i jag. Koi pre keras lo o mass, das les peskre menshende, un jon chan. Palle stas lo pre, un nashas pal o Elija, un was leskro budepaskro.

O Debleskro Lab 2024 (Sinte-Manouche)

²¹ Oun o Elisa djas pale pale pash i groumyende, las douy groumyen oun maras len. Ko kasht, hoy kol douyen khetne rikras, las lo oun kras i yag. Koy pre keras lo o mass, das les peskre menshende, oun yon rhan. Palle stas lo pre, oun nashas pal o Eliya, oun vas leskro boudepaskro.

1. Rajengro liil 19:21 ပူးပေါင်းရင်းမြစ်များ

2. Samuel 24:22

O Arauna penas ap o David: “Miro baro rai, le tuke kowa lauter un mare viechen o Debleske, jaake har kameh. Dik, koi hi i grumja chatchepaske! Le ninna ko wurdin un ko wawar kasht, hoi hi i grumjen trul i meen, te well tut kasht chatchepaske!

1. Rajengro liil 18:43

un penas ap peskro budepaskro: “Dja pre un dik koi, kai hi o baro pani!” Job djas, dikas un penas: “Kote hi tchi!” Un o Elija penas: “Dja pale!” Un o budepaskro djas un was pale, efta kope.

2. Rajengro liil 2:3

djan o Debleskre rakepangre, kai kote djiwan, win pash o Elisa, un penan ap leste: “Djineh tu ninna, kai o baro Dewel kau diwes tiro rajes tutar krik lella?” Koi penas job: “Kowa djinau me. Atchenn!”

2. Rajengro liil 3:11

O Josafat penas: “Hi kek baro Debleskro rakepaskro kai, te putchell kowa menge o baro Deblestar?” Koi penas jek kol murshendar ko baro rajestar pral Israel un penas: “Kate hi o Elisa, koleskro dad o Shafat hi. Job budras o Elijeske, tchoras leske o pani ap i wasta.”

2. Mose 24:13

Koi djas o Mose pre ap o Debleskri berga. Leskro budepaskro Josua djas leha.

Bičepangre 13:5

Un har jon an ko foro Salamis wan, penan le o Debleskro lab kote an i biboldengre kangria. Un o Johanni Marko budras lentsa.

2. Timoteo 4:11

O Luka atchas kokres pash mande. Te weh tu pash mande, an o Markes tuha! Job nai budrell mange.

Filemon 1:13

Me kamoms te atchals lo pash mande un wals mange koi, jaake har tu mange koi wals, te wals tu pash mande kate an o stilepen. Kate hom doleske, kai penom i menshenge o latcho lab o Jesus Kristestar.

1. Samuel 6:14

Un o wurdin was ap i kotar phub, hoi his i murshes, kai kharas Josua un his dran Bet-Shemesh. Kote atchas o wurdin tardo. Kote his i baro bar tchiddo. Un i Levitarja lan ko mochton tele, kai o Debleskre deesh laba dren hi, ninna ko tikno mochton, hoi koi pashel tardo hi, an koja ko sonakaskro koowa his. Un tchiwan lauter ap ko baro bar. Un i menshe dan ko wurdineskro kasht tiknes, un maran kol grumjen un chatchran len o baro Debleske. Ap ko diwes maran kol mursha dran Bet-Shemesh kote gomme budeder viechen o baro Debleske. His vieche pashel, kai wan tseles chatchedo, un wawar, kai chan le khetne glan leste.