1. Rajengro liil 19:19 - O Debleskro Drom 2021 (Sinte)

¹⁹ Un o Elija djas dureder un hatsas o Elisa, koleskro dad o Shafat hi. Un o Elisa budras ap i kotar phub. Glan leste djan deesh-te-jek budepangre, hakeno dui grumjentsa, kai hadan i phub trujel. Job kokres his o deesh-te-duito, kai djas glan dui grumja. Kote djas o Elija pash leste un witsras leske leskri plaashka trujel.

O Debleskro Lab 2024 (Sinte-Manouche)

¹⁹ Oun o Eliya djas doureder oun hatsas o Elisa, koleskro dad o Shafat hi. Oun o Elisa boudras ap i kotar phoub. Glan leste djan deesh-te-yek boudepangre, hakeno douy groumyentsa, kay hadan i phoub trouyel. Yob kokres his o deesh-te-douyto, kay djas glan douy groumya. Kote djas o Eliya pash leste oun vitsras leske leskri plaashka trouyel.

1. Rajengro liil 19:19 ပူးပေါင်းရင်းမြစ်များ

1. Rajengro liil 19:13

Har o Elija kowa shunas, tchiwas lo peskri plaashka glan peskro mui, djas i kotar glan un atchas tardo an i wudar an koi grotta. Un i rakepen was pash leste, hoi penas: “Hoi kameh tu kate, Elija?”

1. Rajengro liil 19:16

Un o Jehu, koleskro dad o Nimshi hi, koleske makess ninna latcho djet ap o shero, te well job o rai pral o Israel. Un o Elisa, koleskro dad o Shafat hi dran Abel-Mehola, koleske mak ninna latcho djet ap leskro shero, te well job i Debleskro rakepaskro pal tute!

2. Rajengro liil 2:8

Koi las o Elija peskri plaashka, tchiwas lat khetne un das koi peha ap o pani. Koi djas o pani ap dui rigja, jaake kai kol dui ap truk phub wergel djan.

2. Mose 3:1

O Moseskri romjakro dad his o Jetro, ko rashai an o them Midian. Koles his bakre un busja. Un o Mose das jak ap lende, un anas len pral o tato mulo them, un was pash o Debleskri berga, hoi kharella Horeb.

Amos 7:14

O Amos penas: “Me hom kek Debleskro rakepaskro, koles siklo was, har te rakrell lo o Debleskro lab, un kowa koleske plaissedo well. I bakrengro hom me, un faigetikre ruka hi man. Kolestar djiwau.

Amos 7:15

O baro Dewel las man mire bakrendar krik un penas ap mande: ‘Dja koi, un pen mire menshenge Israel, hoi lenge penau!’

Zakarie 13:5

Na-a, hakeno lendar penell: “Me hom kek Debleskro rakepaskro. Me hom i hacho. I budi ap i hachetikri phub hi miri budi fun tiknes pre.”

Hebrearja 11:37

Wawar wan i barrentsa mulo witsedo, an kotja tchinlo, un o chareha maredo. Wawar wan palla lino. Len his kek kheer un tchi te chal. Lengre koola his dran bakrengre balla un busjengre balla. Un te wan le tapedo, wan le dino.

Čačepangre 6:11

Un ko baro Debleskro bolepaskro was, un beshas pes tel ko baro ruk, hoi pash i platsa his, hoi kharella Ofra. Koi platsa his o Joashes dran i familja Abijeser. Un leskro tchawo Gideon his an ko kashteskro, hoi kerdo his, te krenn le mool dran i drake. Un kote das lo khatemen o djob win, te nai taprenn i Midianarja gar ko djob ninna.

1. Samuel 11:5

An ko tsiro was o Saul peskre grumjentsa pale peskri budjatar ap peskro kotar phub, un putchas: “Hoi hi i menshenge, te rowenn le jaake?” Un jon penan leske i laba, hoi i mursha dran Jabesh lenge penan.

1. Samuel 28:14

“Har dikell job win?” putchas o Saul. Un joi penas: “I phuro mursh well pre! Un les hi i baja ap peste, har len i Debleskre rakepangre hidjrenna.” Kote djinas o Saul, te hi o Samuel. Un job witsras pes ap i phub un tchiwas o shero tele.