1. Rajengro liil 19:11 - O Debleskro Drom 2021 (Sinte)

¹¹ Un o baro Dewel penas: “Dja win un ab glan mande ap i berga! Un me djau glan tute wergel.” Koi phurdas i sorelo ducho pral i berge, te peran i barra tele, un i bare barra phagan. – O baro Dewel his gar an ko phurdepen. Un pal o sorelo phurdepen trissas i phub. – O baro Dewel his gar an ko trisslepen i phubjatar.

O Debleskro Lab 2024 (Sinte-Manouche)

¹¹ Oun o baro Devel penas: “Dja vin oun ab glan mande ap i berga! Oun me djau glan toute vergel.” Koy phourdas i zorelo dourho pral i berge, te peran i barra tele, oun i bare barra phagan. – O baro Devel his gar an ko phourdepen. Oun pal o zorelo phourdepen trissas i phoub. – O baro Devel his gar an ko trisslepen i phoubyatar.

1. Rajengro liil 19:11 ပူးပေါင်းရင်းမြစ်များ

Hiob 38:1

Palle rakras o baro Dewel o Hiobeha dran i baro phurdepen win, un penas ap leste:

Debleskri gili 50:3

Maro Dewel wella un mukell pes te shunell. Glan leste nashell i jag un chal lauter pre. Un trul leste phurdell i baro sorelo ducho.

Debleskri gili 68:8

Maro Dewel, har djal tu glan tire menshende, un anal len ap o drom mashkral o mulo tato them,

Debleskri gili 68:9

kote trissas i phub, un o bolepen das baro brishin glan tute, o Debleste ap i berga Sinai, awa, glan o Debleste pral o Israel.

2. Mose 19:16

Ap o triinto diwes taissarlake das o bolepen bari gole, un jag das tele karje, un i pessi wolka his pral i tseli berga, un i phurdepaskri das bari gole. Un i tsele Israelitarja lan i bari traash, te trissan lengre kokale.

2. Mose 19:20

Un o baro Dewel was tele ap i berga Sinai, un das o Mose pre gole. Un kowa djas pre ap i berga.

2. Mose 20:18

Un i tsele Israelitarja shunan, har o bolepen gole das, un dikan, har jag dran o bolepen tele karje das. Ninna shunan le, har jek ap i phurdepaskri phurdas, un dikan i jagakro ducho. Un har jon kawa shunan un dikan, nashan le penge un atchan i kotar dureder tardo un trissan i darjatar.

2. Mose 24:12

Un o baro Dewel penas ap o Moseste: “Ab pash mande ap i berga pre un atch kote, te dap tut kol barra, kai tchinom mire laba dren, te sikrap mire menshende, har te djiwenn le, te djinenn jon, hoi te krenn un hoi te krenn gar.”

2. Mose 24:18

O Mose djas mashkral dren an koi wolka, un djas dureder pre ap i berga, un atchas star-deesh diwessa un star-deesh ratsja pral ap koi berga.

2. Mose 34:2

Le tuha, hoi tut hunte well, te djas sik taissarlakro pral ap i berga Sinai pre. Kote am pash mande!

2. Mose 34:6

Job djas glan o Moseste dureder un das gole: “Me hom o baro Dewel. O baro Dewel hom me. Man hi i baro dji, pherdo kamlepen. Me wau gar sik chojedo. Miro latchepen hi baro un me dau mire menshen gar pre.

Jesaja 30:30

Palle mukell o baro Dewel peskri bari soreli gole te shunell, un i menshe dikenna, har leskri mussi tele dell an i choli. Kote hi jag, hoi trul peste chal, un baro sorelo brishin, un i sorelo phurdepen un brishineskre barra.

Ezekiel 1:4

Un me dikom i baro sorelo phurdepen, hoi was fun kotar kai norden hi, un tradas i bari wolka glan peste. Un jag was win, hoi pre un tele djas. Un o bolepen koi trujel his shukar har o kham. Un mashkral dren his tchomone, hoi dikas win har sonakai, hoi an i jag thodo well.

Ezekiel 37:7

Un me rakrom kol laba win, jaake har mange penlo was. Un har kal laba win rakrom, das i gole, har kal kokale khetne wan – kokalo ap kokalo djas pale khetne.

Nahum 1:3

O baro Dewel well gar sik chojedo. Les hi bari soor, un tchatchepah, hakeneste, kai doosh ap peste anas, dell job peskri phagi. Kote, kai o baro Dewel djal, phurdell i sorelo ducho. Un i wolke hi har koi tchik, hoi leskre pire pre witsrenn.

Zakarie 14:5

Koi tala djal jaake dur har Azel. An koi tala mank o baro Debleskre berge nashenn tumer tumenge jaake, har tumare phure nashan penge, har i berge trissan an ko tsiro, kai o Usija o baro rai pral o them Juda his. Un palle well miro baro Dewel. Un leskre tsele bolepangre wenn khetne leha.

Zakarie 4:6

“Kol efta momlia hi o baro Debleskre jaka, hoi lauter dikenn, hoi ap i phub djala.”

Mateo 24:7

I pralstune pral bare themma kurenn pen i wawar pralstunentsa. Un i menshe dran jek them marenn kolen an i wawar them. An bud themma hi i menshen gar doha te chal. Un kate un kote well i phub trisslemen.

Mateo 28:2

Ap jek kopo was i phub soreles trisslemen. Un o Debleskro bolepaskro was dran o bolepen, tchiwas ko baro bar glan o mulengro kheer ap i rig, un beshas pes koi pre.

Hebrearja 12:26

An o phuro tsiro trissas i phub, har o Dewel rakras. Kanna penell lo: An ko tsiro, hoi wella, trissell i phub i wawar kopo, un gar i phub kokres, na-a, ninna o bolepen trissella.

Debleskro tsiro 11:19

Un o Debleskro kheer an o bolepen was pre kerdo. Un an o Debleskro kheer dikom me ko sonakaskro mochton, hoi sikrella, kai o Dewel o maal peskre menshendar hi. Un i jag das karje dran o bolepen pre te tele. Un o bolepen das bari gole, har koi gole, hoi o bolepen della, te dell baro brishin un te djal jag tele dran o bolepen. Un i phub trissas, un das brishin har bare barra.

Debleskro tsiro 16:18

Koi das i jag dran o bolepen karje pre te tele, un was i bari gole win, har koi gole, hoi o bolepen krella, te dell baro brishin un te djal jag tele ap i phub. Un i phub trissas jaake soreles, har dikan le kowa gar jaake rah, har menshe ap i phub hi.

Debleskro tsiro 20:11

Un me dikom i baro parno beshepaskro un koles, kai pre beshdo hi. I darjatar nashas i phub un o bolepen glan leste krik. Un kek dikas len buder pale.

1. Samuel 14:15

Un i bari daar peras ap kol Filistarja, – ap lengri platsa un ninna win ap o them – ap kol tsele lurdende, ninna ap kolende, kai jak denn un ap kolende, kai win djan, te randenn le. Un i phub trissas. Jaake bitchras o Dewel i bari daar ap i tsele Filistarja.