1. Rajengro liil 18:42 - O Debleskro Drom 2021 (Sinte)

⁴² Har djas o Ahab pre, te chal lo un te pijell lo, djas o Elija pral pre ap i berga Karmel, kras pes tiknes ap i phub un tchiwas peskro shero mashkral peskre herja,

O Debleskro Lab 2024 (Sinte-Manouche)

⁴² Har djas o Ahab pre, te rhal lo oun te piyell lo, djas o Eliya pral pre ap i berga Karmel, kras pes tiknes ap i phoub oun čivas peskro shero mashkral peskre herya,

1. Rajengro liil 18:42 ပူးပေါင်းရင်းမြစ်များ

1. Mose 24:52

Har o Abrahameskro budepaskro lengre laba shunas, witsras pes lo tele glan o baro Debleste, te parkrell lo pes pash leste.

2. Samuel 12:16

Un o David rodas o Debles kol ternepaske un chas tchi. Un te was job khere, his job i tseli rati ap i phub tchiddo.

1. Rajengro liil 18:41

Palle penas o Elija ap o Ahab: “Dja pre, cha un pi, kote well i baro brishin!”

1. Rajengro liil 18:43

un penas ap peskro budepaskro: “Dja pre un dik koi, kai hi o baro pani!” Job djas, dikas un penas: “Kote hi tchi!” Un o Elija penas: “Dja pale!” Un o budepaskro djas un was pale, efta kope.

1. Rajengro liil 19:13

Har o Elija kowa shunas, tchiwas lo peskri plaashka glan peskro mui, djas i kotar glan un atchas tardo an i wudar an koi grotta. Un i rakepen was pash leste, hoi penas: “Hoi kameh tu kate, Elija?”

Esra 9:6

un penom: “Miro Dewel, me ladjau un trashau man, te hadap mire jaka pral pash tute, miro Dewel; mari doosh was pral maro shero, un maro tchilatchepen hi baro bis pral an o bolepen.

Hiob 37:11

Job krell i wolke pharo un pherdo pani, un dran lende dell i jag karje.

Debleskri gili 89:7

Koon an o bolepen hi jaake har tu, maro baro Dewel? Hawo Dewel nai well jaake har maro baro Dewel?

Jesaja 38:2

O Hiskija rissras pes o mujeha ap i massuri, un mangas o baro Debles un penas:

Jesaja 6:2

Jagengre bolepangre his pral leste tardo, hakenes lendar his shob mussja har tchirklengre mussja: dujentsa tchakran le pengre jaka, dujentsa tchakran le pengre pire un dujentsa hadan le pen an o bolepen.

Jeremia 46:18

Me dau man sowel pash miro djipen, penell o baro rai, koleskro lab hi ‘o baro Dewel, o rai pral o bolepen un i phub’: I baro rai wella, kai hi bareder har i tsele wawar, jaake har i berga Tabor bareder hi har i berga trul late, un har i berga Karmel hadell pes pash o baro pani.

Daniel 9:3

Un me dikom pre pash o Debleste, miro rajeste, un rodom les un mangom les ropah, chom tchi un riwom man an i gono, un witsrom jagakri tchik pral mande.

Daniel 9:7

Tu, rai, hal an o tchatchepen. Un mer hunte ladjas men, mer, kai wah dran o them Juda un dran o foro Jerusalem, ninna dran o tselo them Israel. Mer kram tchilatcho koowa ap tute. Doleske tradal men an wawar themma, kai dur hi un kai gar jaake dur hi, te djiwas buder gar khetne.

Mateo 14:23

Palle djas job peske kokres ap i berga, te rakrell lo peskro dadeha an o bolepen. Har i rat was, his lo kote kokres.

Markus 14:35

Un job djas i kotar drom dureder, witsras pes ap i phub un mangas o Debles, te well ko pharo tsiro gar ap leste.

Louka 6:12

His i diwes, kai djas o Jesus ap i berga, te rakrell lo o Debleha. Un job atchas i tseli rat un rakras leha.

Bičepangre 10:9

O wawar diwes, har jon pash o foro Joppe wan, djas o Petro ap o kheer pral pre, te mangell lo o Debles an. His chapaskro tsiro.

Josua 7:6

Har o Josua kowa dikas, dukas leskro dji jaake, te kras lo peskre koola, hoi ap leste his, paash, un mukas pes i mujeha ap i phub te perell, – glan o mochton, kai o baro Debleskre deesh laba dren his, un atchas jaake tchiddo bis ap i rat. Ninna i phureder an Israel kran kowa jaake. Un jon witsran tchik ap pengre shere.

1. Samuel 12:18

Un o Samuel das ap o baro Debleste gole, un o baro Dewel bitchras brishin ko diwes, un mukas o bolepen gole te dell. Koi lan i tsele menshe bari daar glan o baro Debleste un glan o Samuel.