1. Rajengro liil 18:4 - O Debleskro Drom 2021 (Sinte)

⁴ Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

O Debleskro Lab 2024 (Sinte-Manouche)

⁴ Oun an ko tsiro, kay i Isebel o baro Debleskre rakepangren kamas te marell, las o Obadya sheel lendar oun khatras len, i paash-sheel an kay grotta oun i paash sheel an koy grotta, oun anas lenge maro oun pani, te rhan le oun piyenn le.

1. Rajengro liil 18:4 ပူးပေါင်းရင်းမြစ်များ

1. Rajengro liil 13:16

O Debleskro mursh penas: “Me nai nashau gar tuha pale pale. Un me chau kek maro un pijau kek pani kate tuha.

1. Rajengro liil 17:11

Har djas li peske, te anell li kowa, das lo pal late gole un penas: “An mange i kotar maro tuha!”

1. Rajengro liil 18:13

Miro rai, was tuke gar penlo, hoi me krom, har mukas i Isebel o baro Debleskre rakepangren te marell, har me lendar sheel murshen khatrom, i paash-sheel an jek grotta un kol wawar paash-sheel an i wawar grotta, un anom lenge maro un pani, te nai chan un pijenn le?

1. Rajengro liil 18:5

Un o Ahab penas ap o Obadja: “Mer djas an o tselo them trujel, pash hake panja, tikne un lengste, un rodas senlepen, te nai atchenn i graja un i maultikre burike djido, un kek vieche merenn hunte.”

2. Rajengro liil 6:32

Un o baro rai kras pes ap o drom te djal lo pash o Elisa, un bitchras i murshes glan peste. O Elisa his an peskro kheer un kol phureder ko forestar his pash leste beshdo. Har ko bitchepaskro gomme gar pash leste was, penas o Elisa ap kol phurende: “Djinenn tumer, kai ko marepaskro jekes bitchras, te dell lo miro shero tele? Te well ko mursh, krenn o wudar pandlo. Te kamell lo dren te well, denn les i ladini o wudareha, te atchell lo win. Me shunau, kai well leskro rai pal leste.”

2. Rajengro liil 9:7

Un tu maress kol menshen, kai wenna tiro rajestar Ahab. Jaake dau len i phagi ko rateske, hoi ratas, har maras i Isebel mire budepangren, mire rakepangren un kol tsele wawaren, kai mange koi his.

Nehemia 9:26

Un pale shunan le gar buder ap tute, un hadan pen pral tute, un kaman buder gar tiro drom te djal. Un jon dan tire rakepangren mulo, kolla kai len trad dan, te anenn le len pale pale pash tute.

Jesaja 16:3

Pen menge, hoi hunte kras? Kre tchomone! Khate kolen, kai palla lino wenn! Rike tire mussja pral lende, jaake har i buchlo ruk, te well o diwes lenge har i rat, kai wenn le gar diklo. Ma phuke ap kolende, kai ap o naashepen hi!

Jeremia 26:24

Pral o Jeremijes rikras o Ahikam peskro wast. Koleskro dad his o Shafan. O Ahikam mukas les gar an i wasta kol menshendar te dell, kai kaman les te marell.

Jeremia 36:19

Koi penan kol pralstune ap leste: Tu un o Jeremia, tumer hunte khatrenn tumen, te djinell kek, kai han!

Mateo 21:35

I hache tapran kol budepangren. Ko jekes dan le dawa, un ko wawares maran le. Un pale i wawares witsran le i barrentsa mulo.

Mateo 25:35

Man his bok. Un tumer dan man te chal. Man his trush. Un tumer dan man te pijell. Me homs kek tumendar. Un tumer lan man an tumare khera.

Mateo 25:40

Un o baro rai penell lenge: Tchatchepah, me penau tumenge: Ko latchepen, hoi tumer jekeske mire tchorwele phralendar kran, ko latchepen kran tumer mange.

Hebrearja 11:38

Jon nashan an o mulo them trujel, ninna an i berge un djinan gar, kai te djan le. Mashkral i bare barra khatran le pen, ninna tel i phub. Kolla lauter his latche menshe. I wawar menshe ap kai phub his gar moldo, te djiwan kol latche menshe mashkral lende.