1. Rajengro liil 18:39 - O Debleskro Drom 2021 (Sinte)

³⁹ Har i tsele menshe kowa dikan, peran le ap pengre muja un dan gole: “O baro Dewel, job hi o Dewel! O baro Dewel, job hi o Dewel!”

O Debleskro Lab 2024 (Sinte-Manouche)

³⁹ Har i tsele menshe kova dikan, peran le ap pengre mouya oun dan gole: “O baro Devel, yob hi o Devel! O baro Devel, yob hi o Devel!”

1. Rajengro liil 18:39 ပူးပေါင်းရင်းမြစ်များ

1. Rajengro liil 18:21

Har jon lauter khetne his, djas o Elija glan i tsele Israelitarjen un penas: “Har dur kamenn tumer gomme ap dui rigja te djan? Hi o baro Dewel o tchatcho Dewel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

1. Rajengro liil 18:24

Palle mu kharenn jon o lab lengro deblestar, un me kharau o lab o baro Deblestar. Un jaake hi: Ko dewel, kai mukell i jag te well, kowa hi o Dewel.” Kote penan i tsele menshe: “Kowa hi mishto.”

1. Rajengro liil 20:13

Koi was i Debleskro rakepaskro pash o Ahab, ko baro rajeste pral Israel, un penas ap leste: “Kawa penell o baro Dewel: Dikeh tu kol bud bud lurden? Tchatchepah, me kamau len kau diwes an tiro wast te dell, te haiwess tu, me hom o baro Dewel!”

1. Rajengro liil 8:60

Palle nai dikenn i menshe an i tsele wawar themma ap kai phub, kai o baro Dewel o tchatcho Dewel hi, job un kek wawar.

1. Familjakro liil 21:16

Un o David dikas pral un dikas ko bolepaskres o baro Deblestar tardo mashkral i phub un o bolepen. An leskro wast his i charo, koleha sikras lo pral o foro Jerusalem. Kote peras o David un i phureder ap pengro mui. Halauter his le an gone an-rido.

2. Familjakro liil 33:13

Un har lo jaake mangas, mukas pes o baro Dewel te mangell, un shunas leskro mangepen, un anas les pale an o foro Jerusalem an leskro them, kai job baro rai hi. Koi haiwas o Manasse, kai o baro Dewel o tchatcho Dewel hi.

2. Familjakro liil 7:3

Un i tsele Israelitarja dikan, har i jag dran o bolepen peras un o baro Debleskro railepen ap o kheer his. Un jon djan ap pengre tchanga pengro mujeha ap i barra ap i phub, un mangan les an, un sharan o baro Debles kal labentsa: “Job hi kamlo, un leskro latchepen hi hako tsiro menge koi.”

Esra 1:3

Koon kanna mank tumende leskre menshendar hi, koleha te well peskro Dewel! Un job nai djal pral an o foro Jerusalem an o them Juda, un nai tchiwell o baro Debleskro kheer pre! Kowa hi o Israeleskro Dewel. Un job rodas peske o foro Jerusalem win, te well lo kote an-mangedo.

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Debleskri gili 118:27

O baro Dewel hi kokres o Dewel. Kamles dikell lo ap mende. Awenn, lenn palmtikre patria an o wast, un djan khelepah glan o Debleskri chatchepaskri!

Debleskri gili 50:7

“Mire menshe, shunenn! Me kamau rakrell. Israel, shun, har me, tiro Dewel penau tuke, kai kowa, hoi kral, gar mishto hi.

Debleskri gili 94:16

Koon well ap miri rig, te kuras men i tchilatchentsa? Koon well pash mande, te djas mer khetne ap kolende, kai krenn midjak koowa?

2. Mose 20:2

Me, o baro Dewel, hom tiro Dewel, koon tut win las dran o them Egiptia, kai tu i pandlo budepaskro hals.

Ezekiel 20:5

Pen lenge: Kawa penell o baro Dewel, maro rai: Me rodom i Israelitarja win, te wenn le mire menshe. Har jon gomme an o them Egiptia his, penom lenge, koon me hom. Awa, me hadom miro wast pre, te dap man sowel, un penom kolenge dran o kheer Jakob: Me, o baro Dewel, hom tumaro Dewel.

3. Mose 9:24

I jag djas win o baro Deblestar, un chatchras ko mass pre kol viechendar, koleskro tselo mass chatchedo well, ninna kol thulle kotja, hoi ap o Debleskri chatchepaskri tchiddo his. Har kowa i tsele menshe dikan, dan le i bachtjatar gole, un tchiwan pen tele glan o baro Debleste ap i phub.

Johanni 5:35

O Johanni his i momeli, kai chatchas. Un i tikno tsiro hans tumer bachtelo pral kowa, hoi job penas un kras.

Bičepangre 2:37

Har kol menshe kowa shunan, djas lenge kowa an lengro dji. Un jon putchan o Petrestar un kol wawar Jesuseskre bitchepangrendar: “Murshale, mire phrala, hoi kras mer?”

Bičepangre 4:16

“Hoi kras mer kal menshentsa? Hakeno an o foro Jerusalem djinell kanna, kai kran kolla i baro koowa, hoi kek wawar nai krella. Mer nai dah kowa gar buchoste.

Čačepangre 13:20

Un har i jag ap o bar pre djas an o bolepen, koi djas o baro Debleskro bolepaskro ninna pre an koi jag. Un o Manoach un leskri romni dikan kowa, un witsran pen ap i phub ap pengro mui.