1. Rajengro liil 18:32 - O Debleskro Drom 2021 (Sinte)

³² Un job tchiwas kol barra pre, te krell lo i chatchepaskri o baro Debleske, un hadas trul koi tseli chatchepaskri i phub win, jaake buchlo, te witsrans nai dui gone djob dren.

O Debleskro Lab 2024 (Sinte-Manouche)

³² Oun yob čivas kol barra pre, te krell lo i rhačepaskri o baro Debleske, oun hadas troul koy tseli rhačepaskri i phoub vin, yaake bourhlo, te vitsrans nay douy gone djob dren.

1. Rajengro liil 18:32 ပူးပေါင်းရင်းမြစ်များ

1. Mose 12:7

Un o baro Dewel mukas pes o Abramestar te dikell, un penas ap leste: “Tire tchawen un kolengre tchawen un lauteren, kai pal tute wenna, kolen kamau kau them te dell.” Koi kras o Abram i chatchepaskri o baro Debleske, kai wenn vieche leske chatchedo – kote, kai o Dewel mukas pes lestar te dikell.

1. Rajengro liil 18:33

Palle tchiwas lo ko kasht ap i chatchepaskri, tchinas ko gurum an kotja un tchiwas len ap ko kasht.

1. Rajengro liil 18:35

Jaake djas ko pani trul koi tseli chatchepaskri un ninna kote, kai lo i phub win hadas. Un lauter was pherdo pani.

1. Korintarja 10:31

Hoi tumer ninna krenna un chana un pijenna, kowa krenn lauter jaake, te well o Dewel sharedo.

Kolossarja 3:17

Un lauter, hoi tumer krenna un penenna, kowa krenn un penenn jaake, te well maro rai Jesus sharedo! Un parkrenn tumen pash o Debleste, maro dadeste, lautereske, hoi o Jesus Kristo tumenge kras!

Čačepangre 21:4

Un o wawar diwes taissarlake stan i menshe sik pre, un kran i chatchepaskri, un maran viechen o Debleske, sawe, hoi leske tseles chatchedo wan un sawe, kai chan le khetne glan leste.

Čačepangre 6:24

Un o Gideon tchiwas kote barra pre, te krell lo i chatchepaskri, kai wenn vieche chatchedo o baro Debleske, un das lat o lab Jahwe-Shalom. Gomme kau diwes hi koi chatchepaskri kote tardo an o foro Ofra, kai kol menshe djiwenn, kai kharenna Abijesarja.

Čačepangre 6:26

Un kre i chatchepaskri o baro Debleske, kai tiro Dewel hi, kate pral ap kai berga, kai tumaro sorelo kheer tardo hi! Un le ko duito gurum un mare les mange un chatche les mange kote! Kre koi jag ko kashteha, hoi i debletsa Ashera his, hoi tu trujel dal!”

1. Samuel 7:17

Palle djas lo pale an Rama, kai lo khere hi, un rakras kote o tchatchepen win pral i Israelitarja. Ninna kote kras lo i chatchepaskri, kai tchomone chatchedo well o baro Debleske.

1. Samuel 7:9

Un o Samuel las i terno bakro, hoi gomme thud pijas, un maras les un chatchras les tseles o baro Debleske. Un job das ap o baro Debleste gole, un mangas les o Israeleske. Un o baro Dewel shunas ap leste.