1. Rajengro liil 18:31 - O Debleskro Drom 2021 (Sinte)

³¹ las deesh-te-dui barra, jek bar hako tchaweske o Jakobestar. Ap koleste penas o baro Dewel glan i rah tsiro: “Tiro lab well kanna Israel.”

O Debleskro Lab 2024 (Sinte-Manouche)

³¹ las deesh-te-douy barra, yek bar hako čaveske o Yakobestar. Ap koleste penas o baro Devel glan i rah tsiro: “Tiro lab vell kanna Israel.”

1. Rajengro liil 18:31 ပူးပေါင်းရင်းမြစ်များ

1. Mose 32:28

Koi putchas lestar ko mursh: “Har khareh tu?” “Jakob”, penas job.

1. Mose 32:29

Penas ko mursh: “Tiro lab hi buder gar Jakob. Kanna well tiro lab Israel. Tu kural tut o Debleha un i menshentsa. Un tu hals sorleder har jon.”

1. Mose 33:20

Kote kras o Jakob i chatchepaskri o Debleske, te wenn vieche leske chatchedo, un das koi chatchepaskri ko lab ‘O Dewel hi o Israeleskro Dewel’.

1. Mose 35:10

Un penas: “Tu khareh Jakob. Kanna khareh tu buder gar Jakob. Kanna well tiro lab Israel.” Jaake las o Jakob ko lab Israel.

2. Rajengro liil 17:34

Gomme kau diwes djiwenn le jaake har lengre phure djiwan. Jon darenn gar o baro Deblestar, un krenn gar, hoi lo lendar kamell, djiwenn gar pal leskro tchatchepen, djan gar ap leskro drom un rikrenn pen gar ap leskre laba, hoi das o baro Dewel kol menshende, kai wenn pal o Jakob, koles job ninna Israel kharas.

Esra 6:17

Koleske anan le an o Debleskro kheer 100 (sheel) gurma, 200 (dui-sheel) bakre, un star-sheel (400) terne bakre, te wenn le maredo o Debleske, ninna deesh-te-dui mursh busja, jek haki bari familjake, hoi well o deesh-te-dui Israeleskre tchawendar. Kol busja wan chatchedo o Debleske, te well i doosh i Israelendar krik lino.

2. Mose 24:4

Koi tchinas o Mose hako lab, hoi o baro Dewel penas, an i liil. Un sik taissarlakro stas job pre un kras i chatchepaskri tele glan i berga, kote pre vieche chatchedo wenna o baro Debleske. Ninna tchiwas lo deesh-te-dui barra pre kol deesh-te-dui bare familjenge, kai wan o Israeleskre tchawendar: jek bar haki familjake.

Jesaja 48:1

Shunenn, tumer dran o kheer Jakob, tumer, kai wenn o labeha Israel gole dino, un wenn dran o kheer Juda. Tumer denn tumen sowel pash o baro Debleste, un penenn, te mangenn o Israeleskro Debles an. An o tchatchepen un i djudjo djijeha krenn tumer kowa gar.

Jeremia 31:1

O baro Dewel penell: An ko emligo tsiro hom me o Dewel o tselo Israeleskre familjenge, un jon hi mire menshe.

Ezekiel 47:13

Kawa penell o baro Dewel, maro rai: Kanna penau tuke, har baro kau them hi, un hawo kotar lestar lell hakeno kol deesh-te-dui tchawendar o Jakobestar. Denn hakeneste leskro kotar them, te atchell kowa leske hako tsireske! Kal deesh-te-dui kotja hi emliges baro. O kheer Josef lell dui kotja. Me dom man sowel, te dap kau them tumare phurende. Un jaake well lo tumenge, te atchell lo an tumare familje.

Efesarja 2:20

I tsele Debleskre menshe hi har jek kheer, kerdo dran barra. Tumer han kol barra, hoi hi tardo ap i telstune barra. I telstune barra hi o Jesus Kristeskre bitchepangre un o Debleskre rakepangre. O Jesus Kristo hi ko sorelo bar, hoi rikrell o tselo kheer khetne. Un o kheer well baro un bareder, un well i shukar kheer, kai o Dewel djiwella.

Josua 4:20

Un kol deesh-te-dui barra, hoi jon dran o Jordan lan, tchiwas o Josua kote ap i platsa Gilgal

Debleskro tsiro 21:12

Trul o foro hi i bari massuri. An koi massuri hi deesh-te-dui bare wudja, ap kolende denn deesh-te-dui bolepangre jak. Un ap kol bare wudja hi i laba tchinlo kol deesh-te-dui Israeleskre tchawendar.