1. Rajengro liil 18:29 - O Debleskro Drom 2021 (Sinte)

²⁹ Har o mashkral-diwes trujel djas, his jon buder gar pash pende, un khelan bis ap ko tsiro, kai rati o Debleskro chapen anlo well. Kek rakepen was, kek lab, witar kek sikepen.

O Debleskro Lab 2024 (Sinte-Manouche)

²⁹ Har o mashkral-dives trouyel djas, his yon bouder gar pash pende, oun khelan bis ap ko tsiro, kay rati o Debleskro rhapen anlo vell. Kek rakepen vas, kek lab, vitar kek sikepen.

1. Rajengro liil 18:29 ပူးပေါင်းရင်းမြစ်များ

1. Rajengro liil 18:26

Kote lan jon ko gurum, hoi dan le len, maran les, tchinan les khetne un tchiwan les ap o kasht, un kharan o Baales taissarlakro bis mashkral-diwes un penan: “Baal, shun ap mende!” Kek rakepen was, kek rakras ap lende. Un jon khelan trul pengri chatchepaskri, kai jon penge kran.

1. Rajengro liil 18:36

Un har ko tsiro was, kai rati o Debleskro chapen anlo was, djas o Elija pash koi chatchepaskri un kharas: “Baro Dewel, tu o Dewel o Abrahamestar, o Isaakestar un o Israelestar, kau diwes mu well diklo, kai tu hal o Dewel an Israel, un me hom tiro budepaskro, un krom kau tselo koowa jaake, har tu mange penal.

1. Rajengro liil 22:10

Un o rai pral Israel un o Josafat, ko rai pral o them Juda, his beshdo hakeno ap peskri beshepaskri, an-rido an i rajeskri plaashka, ap koi platsa, glan o foreskro wudar o forestar Samaria. Un i tsele dikepangre his tardo glan lende, un penan, hoi wella.

1. Rajengro liil 22:12

Un i tsele dikepangre rakran ninna jaake, un penan: “Dja win, te kuress tut i murshentsa an o foro Ramot an o them Gilead. Tu weh sorleder har jon. O baro Dewel dell len an tiro wast.”

Debleskri gili 115:4

Lengre debla hi dran rup un sonakai. Menshengre wasta kran len.

Debleskri gili 141:2

Muk miro mangepen tuke jaake shukar te well, har chatchroms me tuke sungepaskro koowa. Dik ap mire pre-hadede wasta jaake har ap i viecho, hoi mukoms tuke rati te chatchrell.

2. Mose 29:39

ko jek bakro taissarlakro un ko wawar bakro ap i rat.

2. Mose 29:41

Kowa kre taissarlakro un rati ninna! Jaake aneh tu chapen un pipen o Debleske. Un o latcho sungepen, hoi well win, te well kowa lauter chatchedo an i jag, sungella mishto o baro Debleske.

2. Mose 8:14

I durkepangre kaman kowa ninna pengri sorjah te krell. Un jon haiwan les gar. Un i matsille his ap i menshende un ap i viechende.

Jesaja 16:12

Un ninna te djans i Moabarja pash pengre pre-tchidde barra, un chatchrans viechen pengro debleske, un marans pen tele leske, un mangans les an, wals kowa tchitcheske.

Jesaja 46:7

Jon hadenn les ap pengri phik, un hidjrenn les trujel, un tchiwenn les pale pale ap leskri platsa. Un kote hi lo tardo, un djal fun kokres gar dureder. Dell jek gole ap leste, rakrell lo gar pale, krell peskro mui gar pre, un djal gar koi, te lell lo les win dran i bibacht.

Daniel 9:21

koi was ap jek kopo ko mursh Gabrijel ap tchirklengre mussja pash mande dren. Koles dikom an o dikepen ap ko tsiro, kai rati o Debleske i viecho anlo well.

Galatarja 4:8

An ko tsiro, kai prindjran tumer o Debles gar, hans wawarenge koi, har te wans le o Dewel.

1. Samuel 10:5

Pal kowa weh tu pash o foro Gibea-Elohim, kai i lurde i Filistarendar jak denn. Te weh tu kote an o foro, dikeh tu, har Debleskre rakepangre i berga tele wenn. Un glan kolende hi bashepangre, kai bashrenn ap dorjengre bashepangre un ap phurdepangre, un denn ap tikne pauke. Un i Debleskre rakepangre rakrenn o Debleskro rakepen win.

1. Samuel 18:10

O wawar diwes mukas o Dewel o tchilatcho duches pral o Sauleste te well. Un job was diwjes an peskro kheer. I harfa an o wast bashras o David o Sauleske, jaake har job hako diwes kras. Un o Saules his i witsepaskro tchuri an o wast.