1. Rajengro liil 18:28 - O Debleskro Drom 2021 (Sinte)

²⁸ Un jon kharan budeder. Un jaake har pash lende kerdo well, tchinan le pen pengre charentsa un tchurjentsa an pengro mass, kai o rat nashas tele.

O Debleskro Lab 2024 (Sinte-Manouche)

²⁸ Oun yon kharan boudeder. Oun yaake har pash lende kerdo vell, činan le pen pengre rharentsa oun čouryentsa an pengro mass, kay o rat nashas tele.

1. Rajengro liil 18:28 ပူးပေါင်းရင်းမြစ်များ

1. Rajengro liil 18:27

Har mashkral-diwes was, sanas o Elija pral lende un penas: “Denn budeder gole! Job hi i dewel. Nai well, te dell lo suni, djas ap i rig, djas pral o them. Nai well, te sowell lo, un stell pre, te denn tumer budeder gole.”

Jesaja 44:17

Un ko wawar kasht lell lo un krell peske lestar i dewel, te mangell lo les an, un tchiwrell pes glan leste tele un sharell les un penell: “Le man dran o merepen win, tu hal miro dewel!”

Jeremia 47:5

Pral o foro Gaza well o ropen, un o foro Ashkelon well khetne dino. Tumer, kai atchan pral o menshendar Anak, har rah kamenn tumen an o mass te tchinell?

3. Mose 19:28

Ma tchinenn tumen an tumaro mass, te meras jek. Kek sikepen krenn ap tumende! Me hom o baro Dewel.

Micha 6:7

Hi o baro Dewel bachtelo pral bud serja bakre, un deesh serja khore djet? Hunte dap leske miro phureder tchawes, te well miri doosh krik lino un ko tchilatcho koowa, hoi krom?

Zakarie 13:6

Te putchenn le lestar: “Hoi hi ko dukepen ap tiro betch?” Palle penell lo: “Kote wom dino an o kheer mire malendar.”

Markus 5:5

Hako tsiro ap o diwes un an i rati, his job an i mulengre khera un ap i berge, un das bari gole, un das pes i barrentsa.

Markus 9:22

Bud kope witsras lo les an i jag un an o pani, te marell lo les. Tu te haiweh tchomone, palle ab menge latches un kre les sasto!”

5. Mose 14:1

Tumer han i tchawe tumaro baro Deblestar. An ko tsiro, kai rowenn i muleske, ma tchinenn tumaro mass leske! Un ma tchinenn i balla pral tumare jaka!