1. Rajengro liil 18:24 - O Debleskro Drom 2021 (Sinte)

²⁴ Palle mu kharenn jon o lab lengro deblestar, un me kharau o lab o baro Deblestar. Un jaake hi: Ko dewel, kai mukell i jag te well, kowa hi o Dewel.” Kote penan i tsele menshe: “Kowa hi mishto.”

O Debleskro Lab 2024 (Sinte-Manouche)

²⁴ Palle mou kharenn yon o lab lengro deblestar, oun me kharau o lab o baro Deblestar. Oun yaake hi: Ko devel, kay moukell i yag te vell, kova hi o Devel.” Kote penan i tsele menshe: “Kova hi mishto.”

1. Rajengro liil 18:24 ပူးပေါင်းရင်းမြစ်များ

1. Mose 4:26

Un o Set las ninna i tchawo. Koles das job ko lab Enosh. An ko tsiro mangan i menshe o ersto kopo o baro Debles an.

2. Samuel 14:19

Penas lo: “Bitchras tut o Joab pash mande, te rakress kowa lauter mantsa?” Koi das li pale: “Tchatchepah, miro baro rai. Koi hi kek drom, te khatrap tchomone glan tute, miro rajeste! Awa, tiro budepaskro Joab penas mange, kai hunte krap kowa, un tchiwas kol tsele laba mange an o mui.

1. Rajengro liil 18:23

Denn men dui gurma! O Baaleskre rashaja mu rodenn penge jek win, marenn les, tchinenn les khetne un tchiwenn les ap o kasht, te well lo chatchedo lengro debleske. Jon hunte tchiwenn kek jag koi pre. Me lau mange ko wawar gurum, un krau leha ninna jaake, un tchiwau ko mass ap o kasht, un tchiwau kek jag koi pre.

1. Rajengro liil 18:25

Un o Elija penas ap o Baaleskre rashajende: “Tumer han budeder har me. Rodenn tumenge i gurum win un marenn les un tchiwenn les ap o kasht. Un denn o lab tumaro deblestar an-gole. Ma denn jag tel o mass!”

1. Rajengro liil 18:38

Kote peras jag o baro Deblestar tele, un chas ko mass un ko kasht un kol barra un koi phub, un ninna o tselo pani, hoi trul i chatchepaskri his.

1. Rajengro liil 18:39

Har i tsele menshe kowa dikan, peran le ap pengre muja un dan gole: “O baro Dewel, job hi o Dewel! O baro Dewel, job hi o Dewel!”

1. Rajengro liil 2:38

O Shimi penas ap o baro rajeste: “Miri rai, ko hi mange mishto jaake! Jaake har o baro rai rakras, jaake krau me les.” Jaake djiwas o Shimi an o foro Jerusalem bud diwessa.

1. Familjakro liil 21:26

Un o David kras koi o baro Debleske i chatchepaskri, un anas viechen leske, sawen kai wan tseles chatchedo un sawen, kai chan le khetne glan o baro Debleste. Un har job o baro Debles an-kharas, mukas job jag dran o bolepen te perell ap i chatchepaskri, kai kol mule vieche tchiddo hi.

2. Familjakro liil 7:1

Har o Salomo o baro Debleha rakras, har lo peskre tsele laba wi-rakras, peras i jag dran o bolepen un chatchras i marede viechen un kol kotja mass, hoi his tchiddo ap i chatchepaskri. Un o kheer was pherdo o baro Debleskro railepen,

2. Familjakro liil 7:3

Un i tsele Israelitarja dikan, har i jag dran o bolepen peras un o baro Debleskro railepen ap o kheer his. Un jon djan ap pengre tchanga pengro mujeha ap i barra ap i phub, un mangan les an, un sharan o baro Debles kal labentsa: “Job hi kamlo, un leskro latchepen hi hako tsiro menge koi.”

Jesaja 39:8

Kote penas o Hiskija ap o Jesaja: “Ko lab o baro Deblestar hi mishto, hoi tu rakral.” O Hiskija penas peske: “Mange hi mishto, te hi kek kurepen un marepen an mire diwessa.”

Jeremia 27:18

Te hi le tchatchepah Debleskre rakepangre, kolengre laba o baro Deblestar wenna, palle hunte mangenn le lestar, ko rajestar pral o bolepen un i phub, te mukell lo gar ko kutch koowa, hoi gomme kate hi, an o them Babilonia te anell – ko kutch koowa, hoi hi kanna an leskro kheer, un an o kheer o baro rajestar pral o them Juda, un an o foro Jerusalem.

3. Mose 9:24

I jag djas win o baro Deblestar, un chatchras ko mass pre kol viechendar, koleskro tselo mass chatchedo well, ninna kol thulle kotja, hoi ap o Debleskri chatchepaskri tchiddo his. Har kowa i tsele menshe dikan, dan le i bachtjatar gole, un tchiwan pen tele glan o baro Debleste ap i phub.

Čačepangre 6:21

Palle hadas ko bolepaskro peskro kasht, hoi an leskro wast his, un tapras ko mass un kol mare an. Kote was jag dran ko baro bar win, un chatchras ko mass un ko maro pre. Un ap jek kopo his o baro Debleskro bolepaskro buder gar koi.