1. Rajengro liil 18:21 - O Debleskro Drom 2021 (Sinte)

²¹ Har jon lauter khetne his, djas o Elija glan i tsele Israelitarjen un penas: “Har dur kamenn tumer gomme ap dui rigja te djan? Hi o baro Dewel o tchatcho Dewel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

O Debleskro Lab 2024 (Sinte-Manouche)

²¹ Har yon lauter khetne his, djas o Eliya glan i tsele Israelitaryen oun penas: “Har dour kamenn t'mer gomme ap douy rigya te djan? Hi o baro Devel o čačo Devel, palle nashenn leske pal, te hi o Baal, palle nashenn leske pal!” I menshe penan leske kek lab pale pale.

1. Rajengro liil 18:21 ပူးပေါင်းရင်းမြစ်များ

1. Mose 24:50

Koi penan o Laban un o Betuel: “Kau koowa kras halauter o baro Dewel. Pral ko koowa nai penah mer tchi, kek latcho koowa, witar kek tchilatcho koowa.

1. Mose 44:16

Penas o Juda ap leste: “Hoi penas mer tuke, miro rai? Har nai sikrah, kai hi men kek doosh an kau koowa? O Dewel dell men i phagi. Miro rai, mer ham kanna tire budepangre: mer un kowa, kai hatsan o khoro pash leste.”

1. Rajengro liil 18:20

Kote mukas o Ahab i tsele Israelitarjen un kol rashajen khetne gole te dell ap i berga Karmel.

1. Rajengro liil 18:39

Har i tsele menshe kowa dikan, peran le ap pengre muja un dan gole: “O baro Dewel, job hi o Dewel! O baro Dewel, job hi o Dewel!”

2. Rajengro liil 17:41

Un kal menshe, kai wan dran wawar forja, mangan o baro Debles an, un mangan ninna pengre deblen an. Un ninna lengre tchawe un tchawengre tchawe krenn jaake har lengre phure kran bis ap kau diwes.

1. Familjakro liil 17:26

Baro Dewel, tu hal o tchatcho Dewel, un dal man tiro lab, te dess kau latcho koowa mande, tiro budepaskro.

2. Familjakro liil 33:13

Un har lo jaake mangas, mukas pes o baro Dewel te mangell, un shunas leskro mangepen, un anas les pale an o foro Jerusalem an leskro them, kai job baro rai hi. Koi haiwas o Manasse, kai o baro Dewel o tchatcho Dewel hi.

Debleskri gili 100:3

Ma bistrenn: O baro Dewel kokres hi o Dewel! Job kras men, un leskre ham mer. Leskre menshe ham, un job hi menge har i bakrengro, kai djal glan leskre bakre un anell len kote, kai len doha chapaske hi.

Debleskri gili 119:113

Me choirau man ap kolende, kolen dui djia hi, tiro drom kamau me o djijestar.

Hosea 10:2

Lengre djia hi pherdo chochepen. Kanna well lengri doosh pral lende. Lengre altare wenn khetne phagedo, un kol pre-tchidde bare barra wenn tele dino.

Zefanja 1:5

Me marau lauteren, kai pral ap pengre khera i bolepangre momlia an-mangenn. Ninna kolen marau, kai witsrenn pen tele glan mande, un denn pen sowel ap mande, un ap i wawar rig denn le pen sowel ap ko mulo debleste, kai kharell Milkom.

Mateo 22:12

Un job penas ap leste: Miro maal, tut hi kek bijabeskro ripen ap tute, te nai djah tu ap i bijab. Hoi kreh tu kate? Un kowa nashte penas leske tchi.

Mateo 22:34

O Jesus rakras jaake, te nashte penan leske i Sadduzarja tchi buder. Har i Farisarja kowa shunan, wan le khetne.

Mateo 22:36

“Sikepaskro, kol tsele labendar, kai penenna, hoi o Dewel mendar kamella, hawo lab hi o bareder lendar?”

Mateo 6:24

Kek budrell nai dui rajenge. Te wals kowa jaake, budrals lo ko jekeske mishto, un ko wawareske gar mishto. Ko jekes kamals job gar, kol wawares kamals job o djijestar. Tu nai budreh gar o Debleske un rodeh tiro brawlepen.

Louka 6:13

Har diwes was, das lo peskre malende gole, un rodas deesh-te-dujen lendar win, te wenn le leskre bitchepangre.

Remarja 3:19

Mer djinah: Kowa, hoi an o Moseskre laba penlo hi, hi kolenge penlo, kai lan kol laba. Kolla hi i bibolde. Jaake nai penell kek mensho, witar kek biboldo: Man hi kek doosh. Kek mensho krell o tchatchepen. Doleske hi kek mensho tchatcho glan o Debleste.

5. Mose 4:35

Tumen mukas lo kowa te dikell, te djinenn, te hi o baro Dewel o tchatcho Dewel, un te dell kek wawar debles har les kokres.

Josua 24:15

Hi tumenge gar mishto an tumare jaka, te mangenn o baro Debles an, palle rodenn kau diwes kate win, kones tumer kamenn an-te-mangell: Kol deblen, kolen tumare phure an-mangan, har jon gomme ap i wawar rig o lengsto panjestar his, oder kol chochene deblen, kolen i Amorarja an-mangenn, an kolengro them tumer kanna djiwenn. Me un miro kheer, mer kamah o baro Debles an-te-mangell.”

1. Samuel 7:3

Kote penas o Samuel ap lende: “Te kamenn tumer tumaro tselo djijeha pale ap o baro Debleskro drom te djal, palle tchiwenn i chochene deblen tumendar krik, ninna i debletsa Astarte! Patsenn ap o baro Debleste, un mangenn les kokres an un kek wawares! Palle lell job tumen win dran i wasta i Filistarendar.”