1. Rajengro liil 18:18 - O Debleskro Drom 2021 (Sinte)

¹⁸ Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.

O Debleskro Lab 2024 (Sinte-Manouche)

¹⁸ Yob penas: “Gar me anom o Israel an i bibarht dren. Kova hal tou oun tiro dadeskro kheer. T'mer moukan i laba o baro Deblestar oun nashan ko debleske palla, kay kharella Baal.

1. Rajengro liil 18:18 ပူးပေါင်းရင်းမြစ်များ

1. Rajengro liil 16:31

Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.

1. Rajengro liil 16:32

Un job mukas o Baaleske i kheer te krell an o foro Samaria, un tchiwas leske i chatchepaskri koi dren, te well leske sungepaskro koowa un viechen kote chatchedo.

1. Rajengro liil 21:25

Tchatchepah, kek his koi har o Ahab, kai bikras pes, te krell lo o tchilatchepen glan i jaka o baro Deblestar. Un leskri romni, i Isebel, his koja, kai anas les ap kau tchilatcho drom.

1. Rajengro liil 21:26

Leskro djungleder koowa his, te nashas lo i mule deblenge palla, jaake har kran kowa i Amorarja, kolen tradas o baro Dewel glan i Israelitarjen krik.

1. Rajengro liil 9:9

Palle well lenge penlo: ‘Jon mukan pengro baro Debles, koles kai lengre phuren dran o them Egiptia win anas. Jon rikran pen ap o wawar debla. Glan lende djan le ap pengre tchanga un mangan len an. Doleske anas o baro Dewel kai tseli bibacht pral lende.’

2. Familjakro liil 15:2

Un job djas win, te rakrell lo o baro rajeha, o Asa, un penas leske: “Shunenn man, Asa un tumer menshe dran o tselo them Juda un Benjamin! O baro Dewel hi tumentsa, jaake rah har tumer tumen ap leste rikrenn. Te rodenn tumer les, mukell job pes te hatsell tumendar. Te mukenn les, mukell job tumen.

2. Familjakro liil 28:19

Sawi phagi mukas o baro Dewel pral i menshende an o them Juda te well doleske, kai mukas lengro baro rai, o Ahas, o baro Debles, un kai mukas lo i menshen an peskro them bipandles te well.

Gosewe laba 11:19

Te kreh o tchatchepen, hal ap o drom an o djipen. Te nasheh o tchilatchepen palla, djah ap o drom an o merepen.

Gosewe laba 13:21

Kolla, kai o Debleskro dromestar tele djan, kolen lell i bibacht palla un taprell len. Kolla, kai an o tchatchepen tardo hi, lenn latcho koowa.

Gosewe laba 28:4

Kolla, kai mukan o Debleskro drom, sharenn i tchilatchen. Kolla, kai djan ap o Debleskro drom, kurenn pen lentsa.

Gosewe laba 5:22

O tchilatcho koowa pandell koles, kai kowa krella. Leskri doosh hi har shelle, hoi les pandenn.

Jesaja 3:11

Ap i tchilatchende well bibacht. Lenge djal gar mishto. Ap lengro shero well ko tchilatchepen pale, hoi le kran.

Jeremia 2:13

Mire menshe kran tchomone, hoi dui kope tchilatcho hi: Man, ko djido pani mukan jon, un hadan penge panjeskre chebja win, kai paash hi, un nai rikrenn kek pani.

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

Jeremia 23:13

Kowa, hoi dikom pash mire rakepangre an Samaria, hi i djungelo koowa mange. Jon penan laba glan-wi, kolendar penan le, kai wan le o deblestar Baal. Un jaake anan le mire menshen Israel o tchatcho dromestar tele.

Jeremia 38:4

Kote rakran kol pralstune o baro rajeha un penan: Muk kau murshes, o Jeremia te marell; jaake har job rakrella, lell lo i soor kol lurdendar krik, kai kate pash mende pral atchan an kau foro. Un jaake djal ninna i tsele menshenge an kau foro. Kau mursh rodell gar, hoi i menshenge mishto hi. Na-a, job anell len an i bibacht.

Ezekiel 3:8

Dik, me dau tut i soor, te dikess lenge an o mui, un krau te well tiro shero har saster, jaake har lengre sherja ninna hi.

Bičepangre 24:13

Jon nai sikrenn tut witar gar, kai kowa tchatcho hi, hoi jon pral mande penan.

Bičepangre 24:20

Tu putcheh nai ninna kal murshendar kate, hawi doosh jon ap mande hatsan, har me glan kol pralstune biboldende tardo homs.

5. Mose 31:16

O baro Dewel penas ap o Mose: “Sik well o diwes, kai mereh. Un pal tiro merepen mukenn i Israelitarja miro drom, un nashenn kol deblenge palla ko themestar, an koleste wenna. Un jon djan penge mandar, un krenn buder gar, hoi lentsa win krom.

1. Samuel 14:29

Kote penas o Jonatan: “Miro dad anell bibacht ap maro them. Dikenn, har wom me pale soreles, har chom i mui pherdo gwin.