1. Rajengro liil 18:15 - O Debleskro Drom 2021 (Sinte)

¹⁵ O Elija penas: “Me dau man sowel pash o baro Debleste, ko rajeste pral o bolepen un i phub, glan koleste me tardo hom: Kau diwes sikrau man me glan o Ahabeste.”

O Debleskro Lab 2024 (Sinte-Manouche)

¹⁵ O Eliya penas: “Me dau man sovel pash o baro Debleste, ko rayeste pral o bolepen oun i phoub, glan koleste me tardo hom: Kava dives sikrau man me glan o Ahabeste.”

1. Rajengro liil 18:15 ပူးပေါင်းရင်းမြစ်များ

1. Mose 2:1

Jaake was o bolepen un i phub kerdo, un halauter, hoi koi hi.

1. Rajengro liil 17:1

O Elija dran o gab Tishbe an o them Gilead penas ap o Ahab: “Me penau tuke an o lab o baro Deblestar, kai o Israeleskro djido Dewel hi, glan koleste hom me tardo: An kol bersha, hoi kanna wenna, dell kek brishin, witar gar djal i sapeno ducho pre dran i phub, bis te penau me kowa.”

1. Rajengro liil 18:10

Me dau man sowel pash o baro Debleste, kai tiro Dewel hi: O Ahab rodas tut an hako them, pash i tsele bare rajende. Un te penan jon: ‘Job hi gar pash mende’, kamas lo, te denn le pen sowel, kai nai hatsan le tut gar.

1. Rajengro liil 18:14

Un kanna peneh tu ap mande: ‘Dja un pen tiro rajeske: Ake, o Elija!’ Palle marell lo man!”

1. Rajengro liil 18:16

Kote djas o Obadja pash o Ahab un penas kowa leske. Palle djas o Ahab pash o Elija.

1. Rajengro liil 22:14

O Micha penas: “Pash o djido Debleste dau me man sowel: Me rakrau kokres kol laba, hoi o baro Dewel mange penell!”

Hiob 25:3

Kek nai ginell kitse bolepangre lurde les hi. Kek hi koi, pral koleste leskro kham gar pre djal.

Debleskri gili 103:21

Sharenn o baro Debles, tumer leskre bolepangre lurde, kai budrenn leske un krenn, hoi job kamell!

Jesaja 6:3

Un jek das ap o wawareste gole un penas: Latcho - un tchatcho - har kek wawar - hi o baro Dewel, ko rai pral o bolepen un i phub. I tseli phub hi pherdo leskro railepen!

Jeremia 39:17

Tut kamau an ko tsiro win te lell dran i bibacht, penell o baro Dewel. Un tu weh kol menshenge gar an o wast dino, glan kolende tut traash hi.

Jeremia 8:2

Un kol kokale wenn koi trujel witsedo glan o kham un o tchon un i tsele bolepangre momlia, kolen kaman kol menshe, un mangan len an, un nashan lenge pal. Kolendar putchan jon un sharan len. Kol kokale wenn gar pre hadedo un wenn gar paskedo. Jon wenn ful i phubjake.

Louka 1:19

O bolepaskro penas ap leste: “Me hom o Gabrijel, un me hom glan o Debleste tardo. O Dewel bitchras man pash tute, te penap tuke kowa.

5. Mose 1:38

O Josua, koleskro dad o Nun hi, kowa, kai glan tumende tardo hi, kowa well an ko them. Koles kre soreles! Job anell i Israelenge an kau them, te lenn le les dren.”

5. Mose 4:19

Te hadenn tumare jaka pre pash o bolepen un dikenn o kham un o moonto un i tsele bolepangre momlia, ma mukenn tumen kolendar krik te tserdenn, te tchiwenn tumen tele glan lende un mangenn len an. Tumaro baro Dewel das len i menshenge an i wawar themma ap i phub.