1. Rajengro liil 17:6 - O Debleskro Drom 2021 (Sinte)

⁶ Taissarlakro un rati anan leske i korake maro un mass, un dran o pani pijas lo.

O Debleskro Lab 2024 (Sinte-Manouche)

⁶ Taysarlakro oun rati anan leske i korake maro oun mass, oun dran o pani piyas lo.

1. Rajengro liil 17:6 ပူးပေါင်းရင်းမြစ်များ

1. Rajengro liil 13:28

Un job klissas koi, un hatsas ko maredo murshes tchiddo ap o drom. Un i burika un o lewo his pash leste tardo. Un o lewo chas tchi o mulo murshestar, un i burika dandras lo gar khetne.

1. Rajengro liil 17:5

Un job kras, har o baro Dewel leske penas, un djas ap i wawar rig o panjestar Jordan un atchas pash o tikno pani Krit.

1. Rajengro liil 17:7

Un har kek brishin das an o them, was o tsiro, kote his buder kek pani an ko tikno pani Krit.

1. Rajengro liil 19:6

Job dikas trul peste un dikas pal peskro shero i kotar peklo maro un i khoro pani. Un job chas un pijas un tchiwas pes pale tele.

1. Rajengro liil 19:8

Kote stas lo pre un chas un pijas, un djas an kai chapaskri soor star-deesh diwessa un star-deesh ratsja, bis te was lo ap o Debleskri berga, o Horeb.

Debleskri gili 33:18

Kowa hi o baro Dewel, kai dell garda ap kolende, kai djiwenn leha, kolla, kai dikenn ap leste, te well lo lenge latcho,

Debleskri gili 37:19

An i tchilatcho tsiro mukell lo len gar, un an i boklo tsiro dell job len doha te chal.

Debleskri gili 37:3

Dik ap o baro Debleste, te krell lo tuke latchepen! Un kre, hoi mishto hi! Atch an o them, un djib kolestar, hoi tire wastentsa budral!

2. Mose 16:35

Un i Israelitarja chan ko Manna star-deesh bersha, jaake rah bis te wan le pash ko them Kanaan.

Jesaja 33:16

sawe menshe djiwenn palle an o pralstunepen, an i berge hi lengro khatepen. Un len hi doha chapen un pipen.

Jeremia 37:21

Kote mukas o baro rai Zedekja te penell, te rikrenn le o Jeremia ap koi platsa stildo, kai rikran pen i lurde pre. Un job mukas leske hako diwes i maro te anell, kotar kai o maro peklo was, jaake rah bis te his buder kek maro an o foro. Jaake atchas o Jeremia ap koi platsa stildo.

Jeremia 40:4

Un kanna dik, me lau i shelle tutar tele, kai tire wasta pandan. Te kameh, un te hi tuke mishto, ab mantsa an o them Babilonia, ab un me dau garda ap tute. Te kameh gar te djas mantsa an o them Babilonia, palle nai mukeh les. Dik, o tselo them hi glan tute tchiddo; kai tu kameh un kai tuke mishto hi, kote nai djah tu tuke koi.

4. Mose 11:23

O baro Dewel penas ap o Moseste: “Hi miro wast gar sorelo doha, te krap, hoi penom? Tu dikess kanna: Well kowa jaake, har me tuke penom? Well kowa jaake gar?”

Mateo 19:26

Un o Jesus dikas ap lende, un penas: “Hoi i menshe nai gar krenna, nai krell o Dewel halauter.”

Louka 22:35

Un job penas ap peskre malende: “Har me tumen ap o drom bitchrom, his tumen kek lowe, witar kek gono un kek kircha pash tumende. His tumen bok? His tumen trush?” Penan le: “Na-a, gar jek kopo!”

Hebrearja 6:18

Ko lab, hoi das o Dewel un das peskro wast pre, nai well an kek tsiro krik lino. O Dewel chochella gar. Un mer, kai wam pash leste, te lell lo men dran o tchilatchepen win, men hi kanna leskro sorelo lab, te dell lo men o djipen, hoi gar pre-herella, jaake har job penas.

Čačepangre 14:14

Un job penas: “Dran koleste, kai i chapaskro his, was tchomone win chapaske. Un dran o sorelo was gudlepen win.” Un jon djinan gar, hoi kowa hi. Triin diwessa rodan le, un djinan les gar.