1. Rajengro liil 17:22 - O Debleskro Drom 2021 (Sinte)

²² Un o baro Dewel shunas ap o Elija, un ko djipen was pale an o tchaweste, un job was pale djido.

O Debleskro Lab 2024 (Sinte-Manouche)

²² Oun o baro Devel shounas ap o Eliya, oun ko djipen vas pale an o čaveste, oun yob vas pale djido.

1. Rajengro liil 17:22 ပူးပေါင်းရင်းမြစ်များ

1. Rajengro liil 17:23

Kote las o Elija o tchawes un anas les tele dran i pralstuni isema an o kheer, un das les leskri dake. Un o Elija penas: “Dik, tiro tchawo djiwella!”

2. Rajengro liil 13:21

Un i diwes was, kai paskran i Israelitarja i murshes, kote dikan le kurepangre dran o them Moab. Sik lan le ko murshes un witsran les an o mulengro kheer pash o Elisa, un nashan penge. Un har ko mulo mursh ap i kokale o Elisestar peras, was lo djido un stas pre.

Louka 7:14

Un job djas pash o mochton, un tchiwas peskro wast ap leste. Un kolla, kai o mochton hidjran, atchan tardo. Un job penas: “Terno mursh, me penau tuke: Ste pre!”

Louka 8:54

Un o Jesus tapras lakro wast, un penas ap late: “Tchai, ste pre!”

Johanni 11:43

Har job kowa penas, das lo soreles gole: “Lazaro, am win!”

Bičepangre 20:12

Un kol wawar anan kol terno murshes djides pale an o kheer, un lauter his bachtelo.

Remarja 14:9

O Jesus Kristo meras, un was pale djido, te well lo o rai pral kolende, kai mulo hi, un pral kolende, kai djido hi.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.

Hebrearja 11:35

Mashkral kolende, kai patsan, hoi o Dewel lenge penas, his ninna djuwja, kolengre tchawe meran. Kolen das o Dewel lengre tchawen djides pale. Wawar patsle wan phares dino an o stilepen. Lenge was penlo, te mukans le pengro patsepen, nai wans le dran o stilepen win. Un jon mukan gar pengro patsepen, un mukan pen te marell. Pengro tselo djijeha dikan le ap ko tsiro, kai krell o Dewel len i mulendar djido. Kowa his lenge budeder moldo, har o djipen ap kai phub.

Debleskro tsiro 11:11

Un me dikom: Pal kol triin-te-paash diwessa kras o Dewel len pale djido. Un jon stan pre. Un i bari daar tapras kolen, kai kowa dikan.

1. Samuel 2:6

O baro Dewel dell temerl, un job krell djido. Job anell tele pash i mulende un pale pre.