1. Rajengro liil 17:18 - O Debleskro Drom 2021 (Sinte)

¹⁸ Kote penas joi ap o Elija: “Hoske kral tu kowa mantsa, Debleskro mursh? Tu wal pash mande, te was miri doosh an o Debleskro shero. Doleske hunte meras miro tchawo.”

O Debleskro Lab 2024 (Sinte-Manouche)

¹⁸ Kote penas yoy ap o Eliya: “Hoske kral tou kova mantsa, Debleskro morsh? Tou val pash mande, te vas miri doosh an o Debleskro shero. Doleske hounte meras miro čavo.”

1. Rajengro liil 17:18 ပူးပေါင်းရင်းမြစ်များ

1. Mose 44:16

Penas o Juda ap leste: “Hoi penas mer tuke, miro rai? Har nai sikrah, kai hi men kek doosh an kau koowa? O Dewel dell men i phagi. Miro rai, mer ham kanna tire budepangre: mer un kowa, kai hatsan o khoro pash leste.”

1. Mose 50:15

Har o Josefeskre phrala dikan, kai lengro dad mulo his, penan le: “Hoi krah mer, te hi o Josef menge tchilatcho un dell men o tchilatchepen pale, hoi mer ap leste kram?”

1. Mose 50:17

‘Jaake hunte penenn ap o Josefeste: Mangau tut, biste ko tchilatcho koowa, hoi tire phrala ap tute kran!’ Doleske mangah mer, kai ninna tiro dadeskro Debles an-gole dah: Biste ko tchilatchepen, hoi mer kram!” Har o Josef kowa shunas, rowas job.

2. Samuel 16:10

“Abishai”, penas o baro rai, “kowa hi gar tumaro koowa, tumer tchawe fun i Zeruja. Te penas o baro Dewel leske, te praassell lo man, koon nai penell kanna: ‘Hoske kreh tu kowa?’”

2. Samuel 19:22

O Abishai, koleskri dai i Zeruja his, penas: “O Shimi hunte merell. Job praassas koles, kai was o baro Deblestar wi-rodedo, te well lo baro rai.”

1. Rajengro liil 12:22

Kote penas o Dewel ap o Shemaja, ko Debleskro mursheste:

1. Rajengro liil 13:1

Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

1. Rajengro liil 17:17

Un koi djuwel las les an peskro kheer pre. Pal i tsiro was ko tchawo koi djuwjatar nasselo. Un leskro nasslepen his jaake soreles, te atchas buder kek ducho an leste.

1. Rajengro liil 17:19

Job penas ap late: “De man tiro tchawes!” Un job las les tele dran lakre mussja, anas les an i pralstuni isema, kai job djiwell, un tchiwas les ap o tchiben.

1. Rajengro liil 18:9

O Obadja penas: “Hoi krom tuke tchilatches, kai tu deh man an o Ahabeskro wast, te nai marell lo man?

1. Rajengro liil 20:28

Kote was o Debleskro mursh pash o baro rajeste pral Israel, un penas leske: Kawa penell o baro Dewel: “I Syrarja penan, me o baro Dewel, woms i dewel, kai ap i berge djiwell, un gar i dewel, kai ap o telstuno them djiwell. Doleske dau me kal tsele bud lurden an tiro wast, te haiwenn tumer, kai me o baro Dewel hom.”

2. Rajengro liil 1:9

Un o baro rai bitchras pash o Elija i pralstuno lurdes. Koles his penepaske pral paash-sheel lurdende. Un kol paash-sheel las job peha. Har kolla pash o Elija wan, his kowa ap i berga beshdo. Ko pralstuno lurdo penas ap leste: “Debleskro mursh, o baro rai penell, te wess koi pral tele.”

2. Rajengro liil 3:13

O Elisa penas ap o baro rai pral Israel: “Hoi djah tu man an? Dja pash kol Debleskre rakepangre, kolendar tiro dad un tiri dai i lab putchan!” “Na-a”, penas o baro rai pral Israel ap leste, “o baro Dewel das men triin rajen kai gole, te dell lo men an kol wasta i menshendar Moab.”

2. Familjakro liil 35:21

Un o Necho bitchras murshen pash leste un mukas leske te penell: “Tu rai pral Juda, miro kurepen kate hi gar tiro koowa! Gar tuha kamah men te kurell. Me kamau man ko rajeha pral o them Babilonia te kurell, koleha me an o kurepen tardo hom. Un o Dewel penas, te krap sik. Job hi mantsa, doleske tchip tut leske gar an o drom, te marell lo tut gar!”

Hiob 13:23

Har bud doosh lom me ap mande? Hawo tchilatchepen krom me? Muk man te djinell, kai me tiro dromestar tele djom, un krom, hoi tu gar kameh!

Hiob 13:26

Tu aneh djungelo koowa ap mande pre un tchineh les an i liil. Ninna koi doosh, hoi anom ap mande, har terno homs, aneh tu ap miro shero pale.

4. Mose 5:15

Palle hunte anell ko mursh lat pash o rashajeste, un anell o Debleske jek kilogrammi jarro. Un job hunte tchorell kek djet pral pre, un dell witar kek sungepaskro koowa koi pashel. Ko jarro dell lo o Debleste, te well o tchatchepen win, te djinenn le: chochras li les, – chochras li les gar.

Mateo 8:29

Un jon dan gole: “Hoi kameh tu mendar, Debleskro tchawo? Wal tu pash mende, te dukress men tu glan o tsiro, kai rakrell o Dewel i phagi pral mende win?”

Markus 5:7

Un o Jesus penas ap o bengeste: “Tu beng, dja win dran kau mursheste!” Koi das job bari gole: “Jesus, tu tchawo o baro Deblestar, hoi kameh tu mandar? Me mangau tut pash o Debleste: Ma duke man gar!”

Markus 6:16

Har kowa o Herodes shunas, penas lo: “Kowa hi o Johanni, kai mukom leske o shero tele te dell. Kowa stas i mulendar pre.”

Louka 4:34

“Ah! Hoi kameh tu mendar, Jesus dran Nazaret? Wal tu, te maress men? Me djinau, koon tu hal: Tu hal o Debleskro mursh, koles o Dewel bitchras.”

Louka 5:8

Har o Simon Petro kowa dikas, peras lo glan o Jesuseste tele ap i phub, un penas: “Dja tuke mandar, miro rai! Me hom i mursh, ap kaleste doosh hi.”

Louka 8:28

Bud kope tapras les o beng. Un i menshe pandan les sasterne shellentsa ap i wasta un ap i pire. Job phagas kol sasterne shelle pestar tele. Un o beng tradas les an o mulo them. Har ko mursh kanna o Jesuses dikas, witsras pes lo glan leste ap i phub. Un o Jesus penas soreles ap o bengeste: “Dja lestar win!” Koi das job bari gole: “Jesus, tchawo o baro Deblestar, hoi kameh tu mandar? Me mangau tut: Ma duke man!”

Johanni 2:4

“Romnija,” penas o Jesus, “hoi me hunte krap, hi miro koowa un gar tiro koowa. O tsiro hi mange kanna gar koi.”

Čačepangre 13:6

Un koi djuwel djas pash peskro romeste un penas ap leste: “I Debleskro mursh was pash mande. Un job dikas win har i bolepaskro o Deblestar, jaake te lom daar. Un doleske putchom me lestar witar gar, kai job wella. Un job penas mange gar, har job kharella.

1. Samuel 16:4

Un o Samuel kras, hoi o baro Dewel leske penas, un djas an o foro Betlehem. Kote wan i phureder dran o foro pash leste, un putchan lestar darenes: “Hoske wal kai? Kharella kawa menge latchepen?”