1. Rajengro liil 17:15 - O Debleskro Drom 2021 (Sinte)

¹⁵ Kote djas li un kras jaake har o Elija lake penas. Un job chas, un joi ninna un lakro tchawo bud diwessa.

O Debleskro Lab 2024 (Sinte-Manouche)

¹⁵ Kote djas li oun kras yaake har o Eliya lake penas. Oun yob rhas, oun yoy ninna oun lakro čavo boud divessa.

1. Rajengro liil 17:15 ပူးပေါင်းရင်းမြစ်များ

1. Mose 12:4

Un o Abram djas peske, jaake har o baro Dewel leske penas. Un o Lot djas leha. Har djas o Abram dran o foro Haran, his job 75 (efta-deesh-te-pantch) bersh phuro.

1. Mose 22:3

Koi stas o Abraham sik taissarlakro pre, kras kasht tikno chatchepaske, tchiwas ko kasht ap peskri burika un las dui budepangre un peskro tchawes Isaak peha, un djas kote, kai o Dewel leske penas.

1. Mose 6:22

Un o Noah kras lauter jaake, har o Dewel leske penas.

1. Rajengro liil 17:14

O baro Dewel, kai o Israeleskro Dewel hi, kowa penas: ‘O jarro an i piri well gar pre chalo, un an o khoro atchell doha djet, bis te well ko diwes, kai dell o baro Dewel o brishin ap i phub.’”

1. Rajengro liil 17:16

Ko jarro an i piri djas gar win, un an o khoro his doha djet, jaake har o baro Dewel ap o Elija penas, un job i djuwjake penas.

2. Rajengro liil 4:5

Joi djas koi, un kras kowa jaake, un klidewas o wudar tele pal peste un lakre tchawende. Kolla anan lake kol khore, un joi tchoras djet dren.

2. Familjakro liil 20:20

Un jon stan sik taissarlake pre, un djan win an o mulo them Tekoa. Har jon win djan, djas o Josafat glan lende, un penas: Murshale dran Juda un Jerusalem, shunenn, hoi tumenge penau: Patsenn o baro Debleske, kai tumaro Dewel hi, un tumer atchenn sorelo, patsenn, hoi leskre rakepangre tumenge penan, palle well lauter mishto tumenge.

Mateo 15:28

Penas lo: “Romnija, tiro patsepen ap mande hi bares. O Dewel krell tuke kowa, hoi tu kameh.” Un ap kau tsiro was lakri tchai sasto.

Markus 12:43

Koi das job peskre malen pash peste gole, un penas ap lende: “Tchatchepah, me penau tumenge: Koi romni das budeder o Debleske, har kol tsele wawar, kai tchiwan lowe dren.

Johanni 11:40

Penas o Jesus ap late: “Penom me tuke gar: Te patseh tu, dikeh tu o Debleskri bari soor?”

Hebrearja 11:17

Tumer djinenna: An o phuro tsiro kamas o Dewel te dikell, har baro o Abrahameskro patsepen hi. Un o Dewel penas ap leste, te marell job peskro tchawes har i bakro, hoi o Debleske maredo wella. Un o Abraham shunas ap o Debleste, un las peskro tchawes, kai leske kokres boldo was, te marell lo les glan o Debleste. Glan kau tsiro penas o Dewel ap o Abrahameste: Tiro tchawo, o Isaak, hi o dad kolendar, kai pal tute wenna.