1. Rajengro liil 16:31 - O Debleskro Drom 2021 (Sinte)

³¹ Un har te wals gar doha, kai kras job ko tselo tchilatcho koowa, hoi ninna o Jerobeam kras, koleskro dad o Nebat his, romedineras lo i Isebel, koi tchat o rajestar pral Sidon. Leskro lab his Etbaal. Un o Ahab djas koi un witsras pes glan o chocheno debleste Baal tele, un mangas les an.

O Debleskro Lab 2024 (Sinte-Manouche)

³¹ Oun har te vals gar doha, kay kras yob ko tselo čilačo koova, hoy ninna o Yerobeam kras, koleskro dad o Nebat his, romedineras lo i Isebel, koy čat o rayestar pral Sidon. Leskro lab his Etbaal. Oun o Ahab djas koy oun vitsras pes glan o rhorheno debleste Baal tele, oun mangas les an.

1. Rajengro liil 16:31 ပူးပေါင်းရင်းမြစ်များ

1. Mose 30:15

“Hi tuke gar doha, te lal mange miro romes mandar krik”, penas i Lea. “Kanna kameh ninna i kamlepaskre phabja miro tchawestar mandar te lell?” Koi penas i Rachel: “Te deh man kolla, sowell o Jakob kai rati pash tute.”

1. Mose 6:2

Koi dikan i Debleskre tchawe, har shukar i menshengre tcha hi. Un jon lan penge kolen, kai jon kaman, te romedinerenn jon len.

1. Rajengro liil 18:18

Job penas: “Gar me anom o Israel an i bibacht dren. Kowa hal tu un tiro dadeskro kheer. Tumer mukan i laba o baro Deblestar un nashan ko debleske palla, kai kharella Baal.

1. Rajengro liil 18:19

Kanna muk i tsele Israelitarjen te penell, te wenn le khetne pash mande ap i berga Karmel, ninna kol 450 (star-sheel-te-paash-sheel) rashaja o deblestar Baal un kol star-sheel rashaja, kai i debletsa Ashera sharenn, kolen i Isebel chapen un pipen dell.”

1. Rajengro liil 18:4

Un an ko tsiro, kai i Isebel o baro Debleskre rakepangren kamas te marell, las o Obadja sheel lendar un khatras len, i paash-sheel an kai grotta un i paash sheel an koi grotta, un anas lenge maro un pani, te chan le un pijenn le.

2. Rajengro liil 10:18

O Jehu las i tsele menshen dran Samaria khetne un mukas lenge te penell: “O Ahab his o debleske Baal gar doha koi. Me, o Jehu kamau kowa feteder te krell.

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

2. Rajengro liil 21:3

Job tchiwas kol mulne platse pale pre, kai i mule deblenge vieche chatchedo wan. Kol platse das leskro dad, o Hiskija, khetne. Un o Manasse mukas chatchepangre te krell, kai vieche chatchedo wenn o debleske Baal, kai i chocheno dewel hi. Un job kras i debletsa Ashera, har ko baro rai pral o them Israel, o Ahab, kowa ninna kras. Un job mangas i bolepangre momlia an un witsras pes glan lende tele.

2. Rajengro liil 3:2

Un job kras, hoi glan o baro Debleskre jaka djungeles his, un kras sawo koowa har o Jerobeam kras, koleskro dad o Nebat his. Kowa anas i Israelitarjen o Debleskro dromestar tele, te mangan le wawar deblen an. Ninna te mukas o Joram len kowa ninna te krell, his lo gar jaake tchilatcho har peskro dad un peskri dai. Job las kol pre-tchidde barra krik, hoi leskro dad o debleske Baal kras.

2. Familjakro liil 17:4

O Josafat rodas o Debles peskre phurendar, un djiwas pal o Debleskre laba, – un gar jaake har i bare raja pral Israel djiwan.

2. Familjakro liil 21:13

Na-a, tu djiweh har i bare raja pral o them Israel, un aneh i menshen an o them Juda un an o foro Jerusalem jaake dur, te mangenn le i mule deblen an. Tu kreh jaake har o kheer Ahab kras. Ninna maral tire phralen, kolen kai latcheder his har tu.

Jesaja 7:13

Kote pre penas o Jesaja: “Shunenn, tumer, kai wenna o Davideskre tchawendar! Hi tumenge gar doha, te krenn menshen khino? Krenn kanna ninna miro Debles khino?

Ezekiel 16:20

Tire tchawe un tcha, kai hi mire tchawe, kolen lal tu un dal len lenge mulo, te chan le len pre. His tuke gar doha, te mukal man?

Ezekiel 16:47

Tuke his gar doha, te djas ap lengre tchilatche dromma, un te kress ko djungelo koowa, hoi jon kran! Na-a, tu wal gomme tchilatcheder har jon, un kral gomme djungleder koowa har jon kran.

Ezekiel 34:18

hi gar doha, te chan o latcheder senlepen? Hoske stakrenn o wawar senlepen tumare herjentsa khetne? Hi gar doha, te pijenn o djudjo pani? Hoske stakrenn koi dren un krenn les tchiklo?

Ezekiel 8:17

Un job penas ap mande: Tu mensho, dikal tu kawa? Hi i menshenge dran o kheer Juda gar doha, te krenn le ko tselo djungelo koowa kate? O tselo them kran le pherdo tchilatchepen. Hunte choirenn le man pale te pale? Dik, har rikrenn le penge senele patria glan pengre naka!

Hosea 2:15

Me dau lat i phagi hako diweske, kai nashas li peskre pirnenge palla, kol chochene deblenge, un chatchras sungepaskro koowa lenge, un tchiwas kanengre un werklia ap peste; te krell li pes shukar lenge. Un man bistras li! Kowa penell o baro Dewel.

4. Mose 16:9

Hi kowa tumenge gar doha, kai o Israeleskro Dewel tumen win rodas dran i tsele Israelitarja, te wenn pash leste, te krenn tumari budi ap o Debleskro kheer? Tumer nai wenn i tsele menshenge Israel koi.

5. Mose 7:1

Tumaro baro Dewel anell tumen an ko them, hoi tumaro well. Un job tradell bud menshen glan tumende win: I Hetarja un i Girgasharja un i Amorarja un i Kanaanitarja un i Perisarja un i Hiwarja un i Jebusarja. Kolla hi efta natsjone, kai hi bareder un sorleder har tumer.

Debleskro tsiro 2:20

Jek koowa hi gar mishto pash tumende. Tumer mukenn koi djuwel Isebel te rakrell, hoi joi kamella, koja, hoi penell, te hi li o Debleskri rakepaskretsa. Joi tserdell mire budepangren o Debleskro dromestar tele un penell lenge, te nai djan i mursha pash wawar djuwjende, un i djuwja pash wawar murshende. Ninna penell li lenge, te nai chan le ko mass, hoi wawar menshe glan pengro debleste anan.

Čačepangre 1:31

I mursha dran o kheer Asser tradan i menshen gar krik, kai djiwenn an kol forja Akko, un Sidon, un Ahaleb, un Achsib un Helba un Afek un Rehob.

Čačepangre 10:12

i Sidonarja, i Amalekarja un i Maonarja? Un har tumer ap mande gole dan, lom me tumen dran lengre wasta win.

Čačepangre 10:6

Un i Israelitarja kran pale kowa, hoi tchilatches his glan o baro Debleskre jaka. Un jon mangan i wawar deblen an: ko debles, kai kharell Baal, un i debletsa, kai kharell Astarte, un kol deblen, kai mangenn kol menshe an, kai djiwenn an Syria, an Sidon, an Moab, an Ammon un an Filistia. Un i Israelitarja mukan o baro Debles un mangan les buder gar an.

Čačepangre 18:7

Un kol pantch mursha djan dureder un wan an o foro Lajish. Un jon dikan i menshen, kai koi his. Kolla djiwan kek darjah, jaake har i Sidonarja ninna djiwan, kek darjah un kek kurepah. Un an o tselo them his kek, kai dals len trad un rikrals len tele. Un jon his dur krik o forestar Sidon. Un tchi un kek his penepaske pral lende.

Čačepangre 2:11

Un koi kran i Israelitarja kowa, hoi tchilatches hi glan o baro Debleskre jaka. Un jon mangan ko debles an, hoi kharas Baal,

Čačepangre 3:7

Un i Israelitarja kran, hoi tchilatches his glan i jaka o baro Deblestar, un bistran, kai o baro Dewel pengro Dewel hi. Un jon mangan o debles Baal un i debletsa Ashera an.