1. Rajengro liil 16:21 - O Debleskro Drom 2021 (Sinte)

²¹ An ko tsiro peran i menshe an Israel an dui kotja, kolla ap koi jek rig nashan o Tibni palla, koleskro dad o Ginat his, te well job lengro baro rai, un kol wawar rikran ap o Omri.

O Debleskro Lab 2024 (Sinte-Manouche)

²¹ An ko tsiro peran i menshe an Israel an douy kotya, kolla ap koy yek rig nashan o Tibni palla, koleskro dad o Ginat his, te vell yob lengro baro ray, oun kol vavar rikran ap o Omri.

1. Rajengro liil 16:21 ပူးပေါင်းရင်းမြစ်များ

1. Rajengro liil 15:25

Un o Nadab, koleskro dad o Jerobeam his, was baro rai pral Israel, har his o Asa an o duito bersh o rai pral Juda. Un o Nadab his dui bersha o rai pral Israel.

1. Rajengro liil 15:28

Kote maras les o Baasha an o triinto bersh, har o Asa o baro rai pral o them Juda his. Un o Baasha was baro rai pral Israel pal o Nadab.

1. Rajengro liil 16:20

Un ko tselo wawar koowa, hoi pral o Simri penepaske hi, un leskro phukepen, kowa hi tchinlo an i familjakro liil i bare rajendar pral Israel.

1. Rajengro liil 16:22

Kal menshe, kai ap o Omri rikran, wan sorleder har kol menshe, kai nashan o Tibni pal. Un har o Tibni meras, was o Omri o rai pral i tsele menshende.

1. Rajengro liil 16:29

O Ahab, koleskro dad o Omri his, was o baro rai pral Israel an ko bersh, har o Asa an o 38. (trijanda-te-ochtato) bersh o baro rai pral Juda his. An kol 22 (biish-te-dui) bersha har o Ahab baro rai his, djiwas lo an o foro Samaria.

1. Rajengro liil 16:8

An o 24. (biish-te-starto) bersh, har o Asa o baro rai pral Juda his, was o Ela, koleskro dad o Baasha his, o baro rai pral Israel. Job his dui bersha baro rai un djiwas an ko tsiro an o foro Tirza.

Gosewe laba 28:2

Te hi bud tchilatchepen an o them, wenn ninna bud raja pre. Te well sawo mursh o rai, kai djinell bud un haiwell lauter mishto, palle hi o tchatchepen i rah tsiro an o them.

Jesaja 19:2

Un me kamau len jek ap o wawareste pre te anell, jaake te marell pes jek phraal o wawareha, jek maal o wawareha, jek foro o wawareha, un jek them o wawareha.

Mateo 12:25

O Jesus haiwas, hoi an lengro shero trujel djas. Un job penas ap lende: Hako them un hako foro djal paash, kai dui bare raja kurenn pen. Un an jek kheer nashte wenn gar dujen penepaske. Kowa djal gar.