1. Rajengro liil 16:16 - O Debleskro Drom 2021 (Sinte)

¹⁶ Un i lurde, kai glan o foro ap i lurdengri platsa his, shunan o rakepen: “O Simri kras pes tchorchanes wawarentsa khetne un maras o baro rajes.” Har shunan kowa i tsele Israeleskre mursha, kai ap i lurdengri platsa hi, hadan le ap kau diwes pengro pralstunes, o Omri, te well lo o baro rai pral Israel.

O Debleskro Lab 2024 (Sinte-Manouche)

¹⁶ Oun i lourde, kay glan o foro ap i lourdengri platsa his, shounan o rakepen: “O Simri kras pes čorrhanes vavarentsa khetne oun maras o baro rayes.” Har shounan kova i tsele Israeleskre morsha, kay ap i lourdengri platsa hi, hadan le ap kava dives pengro pralstounes, o Omri, te vell lo o baro ray pral Israel.

1. Rajengro liil 16:16 ပူးပေါင်းရင်းမြစ်များ

1. Rajengro liil 15:27

O Baasha, koleskro dad o Achija his, dran o kheer Issachar, kras pes tchorchanes khetne wawarentsa, te dell lo les temerl. Un job maras les an o foro Gibbeton. Ko foro his an o them Filistia. An ko tsiro his o Nadab khetne i lurdentsa dran Israel trul o foro tardo, un rikran o foro dren pandles.

1. Rajengro liil 16:15

An o 27. (biish-te-eftato) bersh, har o Asa o baro rai pral Juda his, was o Simri o baro rai pral Israel. Job his kokres efta diwessa baro rai, un his an ko tsiro an o foro Tirza. An ko tsiro his Israelengre lurde tardo trul o foro Gibbeton un pandan ko fores dren. Kau foro his i Filistarengro foro.

1. Rajengro liil 16:17

Un o Omri khetne i tsele lurdentsa dran Israel, mukan o foro Gibbeton pal pende un djan pre pash o foro Tirza un pandan o foro dren.

1. Rajengro liil 16:30

Un job kras, hoi djungleder his glan o baro Debleskre jaka har halauter, hoi kol bare raja glan leste kran.

2. Rajengro liil 8:26

22 (biish-te-dui) bersha his o Ahasja, har was lo baro rai. Un job his jek bersh baro rai, un djiwas an ko tsiro an o foro Jerusalem. Leskri dai kharas Atalja, lakro dad his o Omri. Kowa his baro rai pral Israel.

2. Familjakro liil 22:2

Biish-te-dui (22) bersha his o Ahasja, har was lo baro rai. Un job his jek bersh baro rai, un djiwas an ko tsiro an o foro Jerusalem. Leskri dai kharas Atalja, lakro dad his o Omri.

Micha 6:16

Ko tchilatcho koowa, hoi kol raja, o Omri un o Ahab, tumenge glan kran, kowa kran tumer ninna. Un hoi jon penan, kowa kran tumer ninna. Doleske krau me dran tumaro foro i mulo foro. Un pral tumende, kai kote djiwenn, san i wawar menshe. Bari ladj well pral tumende.