1. Rajengro liil 16:12 - O Debleskro Drom 2021 (Sinte)

¹² Jaake kras o Simri, kai i tseli familja o rajestar Baasha win meras. Kowa was jaake, har o baro Dewel kowa pral o Baasha penas, un o Debleskro rakepaskro Jehu kawa ap o Baasha dureder penas.

O Debleskro Lab 2024 (Sinte-Manouche)

¹² Yaake kras o Simri, kay i tseli familya o rayestar Baasha vin meras. Kova vas yaake, har o baro Devel kova pral o Baasha penas, oun o Debleskro rakepaskro Yehou kava ap o Baasha doureder penas.

1. Rajengro liil 16:12 ပူးပေါင်းရင်းမြစ်များ

1. Rajengro liil 14:18

Un jon paskran les, un i tsele Israelitarja rowan pral leste. Jaake wan kol laba tchatcho, hoi o baro Dewel peskro rakepaskres, o Achija, kai leske koi his, an o mui tchiwas.

1. Rajengro liil 15:16

Mank o Asa un o rajeste pral Israel, o Baasha, his kurepen an lengro tselo djipen.

1. Rajengro liil 16:1

Un o baro Dewel rakras ap peskro rakepaskro, o Jehu, koleskro dad o Hanani his, un penas leske laba, hoi job hunte penell o rajeske Baasha:

1. Rajengro liil 16:3

Doleske krau tuha, Baasha, un tire menshentsa, har krom i menshentsa o Jerobeamestar, koleskro dad o Nebat his. Me mukau kek lendar djides.

1. Rajengro liil 16:7

Kowa, hoi penas o baro Dewel ap peskro rakepaskro, o Jehu, kol laba pral o Baasha, kowa was pral koleste dran ko tselo tchilatchepen, hoi o Baasha kras glan o baro Debleste. Job kras peske mule debla, un kolentsa choiras job o baro Debles. Ninna mukas job i tsele tchawen o Jerobeamestar te marell. Doleske djas leske har koleskri familja.

1. Rajengro liil 17:16

Ko jarro an i piri djas gar win, un an o khoro his doha djet, jaake har o baro Dewel ap o Elija penas, un job i djuwjake penas.

2. Rajengro liil 14:25

O Jerobeam las kol themeskre kotja pale dren, hoi wawar lenge krik lan, jaake te was o them Israel pale khetne, ko forestar Hamat bis pash o Londo Baro Pani. Jaake was tchatcho, hoi penas o baro Dewel, o Israeleskro Dewel, ap peskro budepaskro, o Jona, koleskro dad o Amitai his, dran o foro Gat-Hefer. Un o Jona, ko Debleskro rakepaskro, penas kowa i Israelenge dureder.

2. Familjakro liil 10:15

Un jaake shunas o baro rai gar ap i menshende. Kowa kamas o baro Dewel jaake, te nai well leskro lab tchatcho, hoi lo o Achija dran Shilo an o mui tchiwas, te penell kowa les ap o Jerobeam, koleskro dad o Nebat hi.

2. Familjakro liil 19:2

Un kote was leske o dikepaskro, o Jehu an o drom. Koleskro dad his o Hanani. Un o Jehu penas ap o baro rajeste Josafat: “Hoske wal tu o tchilatcho mursheske ap i rig, un wal i maal kolestar, kai kamas o baro Deblestar tchi te djinell? Doleske well i choli o baro Deblestar pral tute.

2. Familjakro liil 20:34

Un ko tselo wawar koowa, hoi pral o Josafat penepaske hi, kowa hi tchinlo an o liil, hoi tchinas o Jehu, koleskro dad o Hanani his, un was pre-lino an i familjakro liil i bare rajendar pral o them Israel.

Gosewe laba 26:6

Kowa, kai i dinelo bitchepaskres bitchrell, kowa hi har jek, kai dell peske kokres i herja tele un chal dawa.