1. Rajengro liil 15:4 - O Debleskro Drom 2021 (Sinte)

⁴ Ninna te his jaake, das les leskro baro Dewel i tchawes, te well job baro rai pal leste an o foro Jerusalem, te djal Jerusalem gar tele. Kowa kras o baro Dewel o Davideske.

O Debleskro Lab 2024 (Sinte-Manouche)

⁴ Ninna te his yaake, das les leskro baro Devel i čaves, te vell yob baro ray pal leste an o foro Yerusalem, te djal Yerusalem gar tele. Kova kras o baro Devel o Davideske.

1. Rajengro liil 15:4 ပူးပေါင်းရင်းမြစ်များ

1. Mose 12:2

Me kamau te well tutar i bari natsjona. Me tchiwau miri soor un miri bacht ap tute, un kamau tiro lab bares te krell. Un koi bacht, hoi me tut dau, djal dureder ap i wawar menshenge.

1. Mose 19:29

Har o Dewel chatchras kol forja an ko them pash o pani Jordan, kai o Lot khere his, bistras job o Abrahames gar un anas o Lotes win dran kol forja.

2. Samuel 21:17

O Abishai, koleskri dai i Zeruja his, was leske ap i rig, un das kol Filistares mulo. Koi dan o Davideskre lurde les sowel, un penan: “Tu djas mentsa gar buder an o kurepen, te djal koi momeli an Israel gar win!”

1. Rajengro liil 11:12

O Davideske, tiro dadeske, krau me kowa gar jaake rah har tu djiweh. Na-a, dran o wast tiro tchawestar lau les krik.

1. Rajengro liil 11:32

Kokres i menshen, kai wenn o Jakobeskro tchawestar, o Juda, un lengro them mukau o Salomeske. Kowa krau o Davideske, kai mange koi his, un ko foreske Jerusalem, ko foro, hoi me rodom mange win dran o tselo them Israel.

1. Rajengro liil 11:36

Leskro tchawes mukau jek kotar. Jaake hi an hako tsiro i tchawo o Davidestar o rai an o foro Jerusalem. Kau foro rodom me mange win, te djiwap kote.

2. Familjakro liil 21:7

Ninna te djiwas o Joram sau tchilatcho djipen, kamas o baro Dewel o Davideskri familja gar te marell, koleske hoi job o Davideha win kras. Job penas leske, te well jek kolendar, kai pal leste wenna, baro rai hako tsireske.

Debleskri gili 132:17

Kote well jek o Davideskre tchawendar i sorelo baro rai. Ko baro rai, koles mange wi-rodom, well i menshenge har i momeli, hoi hako tsiro chatchella.

Debleskri gili 18:28

Tu weh ap i rig i tchorwelenge, un kol pre-phurden kreh tu tiknes.

Debleskri gili 87:5

Pral o foro Zion nai peness: Hakeno hi kate khere; o Dewel, ko pralstuno, kokres rikrell o fores soreles.

Jesaja 14:32

Hoi hunte penas kolenge, kai i Filistarendar bitchedo wan? Penenn lenge: O baro Dewel tchiwas o foro Zion soreles pre. Un kate nai khatrenn pen peskre tchorwele menshe kek darjah.

Jesaja 37:35

Un me rikrau mire wasta pral kau foro, un me lau les win dran i tchilatche wasta. Kowa krau me mange kokres, un o Davideske, kai miro budepaskro his.

Jesaja 62:7

Jon denn jaake rah gole, bis te job o foro Jerusalem pale pre tardo tchiwas, un bis te job les jaake kras, te well o foro ap i tseli phub sharedo.

Jesaja 9:7

O baro Dewel rakras o tchatchepen win pral o kheer Jakob. Un leskri choli peras ap i Israelende.

Jeremia 33:2

Kowa penell o baro Dewel, kai halauter krell un mukell lauter te well, hoi lo peske glan las. ‘Baro Dewel’ hi leskro lab.

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

Louka 2:32

Job hi har i momeli, te sikrell lo kolen tiro drom, kai prindjrenn tut gar. Koleske sharenn jon i menshen an Israel.”

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

Remarja 11:28

Te dikau, har patsenn i bibolde gar ap o latcho lab o Jesus Kristestar, hunte penap: Jon hi gar o Debleskre mala. Kowa was jaake, te nai wenn tumer pash o Debleste. Te dikau, har rodas o Dewel lengre phuren an o phuro tsiro win, hunte penap, kai leskro kamlepen lenge his.

5. Mose 4:37

Job kamas tumare phuren o tselo djijestar, un rodas lengre tchawen win un kolengre tchawen, un halauter kai lendar wenna. Un job djas tumentsa, har anas lo tumen win dran o them Egiptia peskri bari sorjah,

Debleskro tsiro 22:16

Me, o Jesus, bitchrom miro bolepaskres pash tumende, te penell lo kau koowa i patslenge. Me hom o Davideskro tchawo. Me hom koi raili bolepaskri momeli, hoi djal pre taissarlake ap o bolepen.”