1. Rajengro liil 15:3 - O Debleskro Drom 2021 (Sinte)

³ Un o Abija kras ko emligo tchilatchepen, hoi leskro dad glan leste kras. Un job rikras pes gar kokres ap peskro baro Debleste, har kowa leskro papo, o David, kras.

O Debleskro Lab 2024 (Sinte-Manouche)

³ Oun o Abiya kras ko emligo čilačepen, hoy leskro dad glan leste kras. Oun yob rikras pes gar kokres ap peskro baro Debleste, har kova leskro papo, o David, kras.

1. Rajengro liil 15:3 ပူးပေါင်းရင်းမြစ်များ

1. Rajengro liil 11:33

O Salomo mukas man, un mangas i Astarte an, kai debletsa, hoi i Sidonarja an-mangenn. Ninna mangas lo o Kemosh an, ko dewel, hoi i Moabarja an-mangenn, un o Milkom, ko dewel, hoi i Ammonarja an-mangenn. Job djas gar ap mire dromma un kras gar, hoi mishto hi glan mire jaka. Pal mire laba un miro tchatchepen djiwas lo gar, har kowa leskro dad, o David kras.

1. Rajengro liil 11:4

Un jaake was, har o Salomo phuro was, anan les leskre djuwja jaake dur, te nashas lo wawar deblenge pal. Job rikras pes buder gar kokres ap o baro Debleste, kai leskro Dewel hi, har kowa leskro dad, o David kras.

1. Rajengro liil 15:14

Ninna te atchenn kol bud mulne platse tardo, rikras pes o Asa ap o baro Debleste peskro tselo djijeha, jaake rah har job djiwas.

1. Rajengro liil 3:14

Un te djah tu an mire dromma, jaake har tiro dad, o David, un rikreh mire laba un kreh, hoi tutar kamau, palle kamau me tuke i lengsto djipen te dell.”

1. Rajengro liil 3:3

O Salomo kamas o baro Debles o djijestar, un djiwas pal kol laba, hoi leskro dad, o David, leske penas. Jek koowa kras lo, hoi gar mishto his: Job maras ninna viechen i wawar deblenge un chatchras lenge sungepaskro koowa.

2. Rajengro liil 20:3

“Ach, baro Dewel, mangau tut, biste gar, kai djiwom glan tute an o tchatchepen un i djudjo djijeha un krom, hoi mishto hi glan tire jaka.” Un o Hiskija rowas i baro ropen glan leste.

2. Familjakro liil 25:2

O Amazja kras, hoi mishto his glan o baro Debleskre jaka, ninna te rikras lo gar peskro tselo djijeha ap leste.

Debleskri gili 119:80

Muk miro dji ap tiro drom te atchell, te krap, hoi mandar kameh, jaake te hunte ladjap man gar.

5. Mose 17:20

Job hunte krell pes gar bares pral peskre phralende un hunte djal gar tele o baro Debleskro dromestar, gar ap i tchatchi rig un gar ap i serwi rig kolestar, hoi tchinlo hi. Palle atchell lo i rah tsiro baro rai an Israel, job un leskre mursh tchawe pal leste.

1. Samuel 25:28

Biste mange, te hadom me man un rakrom ap tute! Me djinau, o baro Dewel dell tut i kheer, hoi atchella. Tu hal kowa, kai djal o baro Debleske an o kurepen. Kek tchilatchepen mu well hatslo ap tute, jaake rah har tu djiweh!