1. Rajengro liil 15:19 - O Debleskro Drom 2021 (Sinte)

¹⁹ “Kre mantsa win, te ham mer mala, jaake har miro dad un tiro dad mala his. Dik, me bitchrau tuke kate rup un sonakai. Le kowa mandar an! Un phage, hoi win kral o rajeha pral Israel, o Baasha, te hunte djal lo mandar krik.”

O Debleskro Lab 2024 (Sinte-Manouche)

¹⁹ “Kre mantsa vin, te ham mer mala, yaake har miro dad oun tiro dad mala his. Dik, me bičrau touke kate roup oun sonakay. Le kova mandar an! Oun phage, hoy vin kral o rayeha pral Israel, o Baasha, te hounte djal lo mandar krik.”

1. Rajengro liil 15:19 ပူးပေါင်းရင်းမြစ်များ

2. Samuel 21:2

[I Gibeonarja his gar kol menshendar Israel. Jon atchan pral fun i Amorarja. Un i Israelitarja kran lentsa win, te mukenn le len djido. Har kuras pes o baro rai Saul peskri tseli sorjah peskro themeske Israel un Juda, kamas lo ninna i tsele Gibeonarjen te marell.] Kanna mukas o baro rai David kol Gibeonarjen gole te dell, un rakras lentsa,

1. Rajengro liil 15:16

Mank o Asa un o rajeste pral Israel, o Baasha, his kurepen an lengro tselo djipen.

2. Rajengro liil 18:15

Jaake das leste o Hiskija ko tselo rup, hoi hatsas pes an o baro Debleskro kheer un an o baro rajeskro kheer.

2. Familjakro liil 16:3

“Kre mantsa win, te ham mer mala, jaake har miro dad un tiro dad mala his. Dik, me bitchrau tuke kate rup un sonakai. Le kowa mandar an! Un phage, hoi win kral o rajeha pral Israel, o Baasha, te hunte djal lo mandar krik.”

2. Familjakro liil 16:7

An ko tsiro was o dikepaskro, o Hanani pash o Asa, ko rajeste pral Juda, un penas ap leste: “Tu rikral tut ap o baro rajeste pral o them Syria, un gar ap o baro Debleste, kai tiro Dewel hi. Doleske nai nashas peske o rai pral Syria peskre lurdentsa dran tiro wast.

2. Familjakro liil 19:2

Un kote was leske o dikepaskro, o Jehu an o drom. Koleskro dad his o Hanani. Un o Jehu penas ap o baro rajeste Josafat: “Hoske wal tu o tchilatcho mursheske ap i rig, un wal i maal kolestar, kai kamas o baro Deblestar tchi te djinell? Doleske well i choli o baro Deblestar pral tute.

Jesaja 31:1

Djungeles djal kolenge, kai djan tele pash i Egiptarjen, te mangenn le lendar, te wenn jon lenge ap i rig; un patsenn, kai kolengre graja un bud kurepaskre wurdja un kol sorele klissepangre len win lenn dran i tchilatche wasta. Un ap o Israeleskro Debleste, kai kokres o Dewel hi, dikenn le gar. Awa, pal o baro Debleste putchenn le gar!

Remarja 1:31

Jon kamenn tchi te haiwell. Jon rikrenn gar pengro lab. Len hi kek kamlepen, witar kek dji i wawarenge.

Remarja 3:8

Kras tchilatcho koowa, te well latcho koowa dran koleste!” Hi menshe koi, kai rakrenn djungeles pral mende un penenn, mer penams i menshenge: “Kras tchilatcho koowa, te well latcho koowa dran koleste!” Kowa penah mer gar! Tchatchepah, kolla, kai penenn kowa, lenn pengri phagi.