1. Rajengro liil 15:18 - O Debleskro Drom 2021 (Sinte)

¹⁸ Kote las o Asa ko tselo rup un sonakai, hoi pral atchas o brawlepastar an o baro Debleskro kheer un an o baro rajeskro kheer, un bitchras bitchepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesjon his. O Ben-Hadad his o baro rai pral o them Syria. Un o Asa mukas leske te penell:

O Debleskro Lab 2024 (Sinte-Manouche)

¹⁸ Kote las o Asa ko tselo roup oun sonakay, hoy pral ačas o bravlepastar an o baro Debleskro kheer oun an o baro rayeskro kheer, oun bičras bičepangre koleha an o foro Damaskus, pash o Ben-Hadad, koleskro dad o Tabrimmon his, koleskro dad o Hesyon his. O Ben-Hadad his o baro ray pral o them Syria. Oun o Asa moukas leske te penell:

1. Rajengro liil 15:18 ပူးပေါင်းရင်းမြစ်များ

1. Mose 14:15

An i rati bitchras job peskre murshen ap dui rigja. Un job un leskre mursha djan ap lende pre un dan len, un lan len palla bis pash ko foro Hoba, hoi ap i serwi rig o forestar Damaskus tchiddo hi.

1. Mose 15:2

Koi penas o Abram: “Miro rai, baro Dewel, hoi kameh man te dell? Man hi kek tchawe. Me te merau, lell halauter, hoi man hi, o Elijeser, ko well dran o foro Damaskus.

1. Rajengro liil 14:26

Un job las ko tselo brawlepen dran o baro Debleskro kheer un dran o baro rajeskro kheer, halauter las lo peha, ninna las lo kol sonakangre shilte, kolla, kai mukas o Salomo te krell.

1. Rajengro liil 15:15

Un ko rup un sonakai un ko wawar koowa, hoi leskro dad o baro Debleske anas, un hoi job o baro Debleske anas, kowa anas lo halauter an o baro Debleskro kheer.

2. Rajengro liil 12:17

Kol wawar lowe, hoi i menshe pashel dan, har anan le viechen o Debleske, te well lengri doosh krik lino, un te well lauter pale mishto, kol lowe was gar o baro Debleskro khereske lino. Kol lowe his i rashajenge kokres.

2. Rajengro liil 12:18

An ko tsiro djas o baro rai pral o them Syria, – leskro lab his Hasael – pash o foro Gat un las les peske dren. Un har lo dureder djas, te kurell lo pes o foreha Jerusalem,

2. Rajengro liil 12:19

las o Joash, ko baro rai pral o them Juda, ko tselo kutch koowa, hoi dan leskre phure, kol bare raja, o Josafat, o Joram un o Ahasja, o baro Debleske, ninna kowa, hoi job kokres o Debleske das, un ko tselo sonakai, hoi was hatslo an o baro Debleskro kheer un an o baro rajeskro kheer, un bitchras halauter pash o Hasael, ko baro rajeste pral o them Syria. Kote djas peske o Hasael o forestar Jerusalem krik.

2. Familjakro liil 15:18

Un ko rup un sonakai un ko wawar koowa, hoi leskro dad o baro Debleske anas, un hoi job o baro Debleske anas, kowa anas lo halauter an o baro Debleskro kheer.

Jeremia 49:27

Me tchiwau jag ap i massurja o forestar Damaskus, te wenn i brawele khera, kai o Ben-Hadad djiwas, pre chatchedo.

Amos 1:4

Me bitchrau i jag an i shukar khera, hoi o rai Hasael peske kras. Un chatchrau i sorele khera tele, kai o baro rai Ben-Hadad djiwas.