1. Rajengro liil 14:23 - O Debleskro Drom 2021 (Sinte)

²³ Ap i tsele berge un tel hako baro ruk kran le penge mulne platse, tchiwan bare barra pre lengre chochene deblenge, ninna figure, hoi i debletsa Ashera sikrenn.

O Debleskro Lab 2024 (Sinte-Manouche)

²³ Ap i tsele berge oun tel hako baro rouk kran le penge moulne platse, čivan bare barra pre lengre rhorhene deblenge, ninna figure, hoy i debletsa Ashera sikrenn.

1. Rajengro liil 14:23 ပူးပေါင်းရင်းမြစ်များ

1. Rajengro liil 12:31

O Jerobeam kras ninna mulne platse ap o pralstuno them, kai i mule debla an-mangedo wenn, un rodas rashajen win, kai gar Levitarja his.

1. Rajengro liil 14:15

Un o baro Dewel dell i menshende Israel dawa, te trissenn le, har trissell i shilftikro khass an o pani. Un o baro Dewel tserdell i Israelitarjen win dran kau latcho them, hoi das job lengre phurende. Un i Israelitarja wenn tradedo ap i wawar rig o panjestar Eufrat. Jon choiran o baro Debles, har kran le penge sawe figure, hoi sikrenn i debletsa Ashera.

1. Rajengro liil 15:12

Un job tradas kol murshen un djuwjen win dran o them, kai bikran pen lowenge ap kol platse, kai wan i mule debla an-mangedo. Un i tsele figuren kol mule deblendar, hoi leskre phure kran, mukas lo krik te anell.

1. Rajengro liil 20:23

Un i bare mursha o baro rajestar dran Syria penan ap pengro rajeste: “O Israeleskro Dewel hi i dewel, kai djiwell ap i berge. Doleske his jon sorleder har mer. Te kurah men mer lentsa ap i telstuni phub, tchatchepah, palle ham mer sorleder har jon!

1. Rajengro liil 3:2

An ko tsiro his o baro Debleske gomme kek kheer kerdo. Doleske anan i menshe viechen un wawar koowa i chochene deblenge an ko them.

1. Rajengro liil 3:3

O Salomo kamas o baro Debles o djijestar, un djiwas pal kol laba, hoi leskro dad, o David, leske penas. Jek koowa kras lo, hoi gar mishto his: Job maras ninna viechen i wawar deblenge un chatchras lenge sungepaskro koowa.

2. Rajengro liil 10:26

Un lan kol figure win, hoi i Ashera sikrenn, un chatchran len pre.

2. Rajengro liil 16:4

Un job chatchras viechen un sungepaskro koowa i chochene deblenge ap kol mulne platse un tel hako senelo ruk.

2. Rajengro liil 17:16

Un jon mukan kol tsele laba o baro Deblestar, kai lengro Dewel hi, un kran penge dui terne gurma un i figura, hoi i debletsa Ashera sikras, un mangan i tsele bolepangre momlia an un ninna o debles Baal.

2. Rajengro liil 17:19

Ninna kolla dran Juda rikran pen gar ap i laba lengro baro Deblestar, na-a, jon djiwan jaake har kol wawar dran Israel ninna djiwan.

2. Familjakro liil 24:18

Jaake was, te djan i menshe an leskro them buder gar an o kheer o baro Deblestar, kai o Dewel lengre phurendar his. Jon mangan i figuren an, hoi i debletsa Ashera sikrenn un wawar mule deblen. Jaake anan le doosh ap pende glan o baro Debleste. Un leskri choli was pral o them Juda un pral o foro Jerusalem.

2. Familjakro liil 28:4

Un job chatchras viechen un sungepaskro koowa i chochene deblenge ap kol mulne platse ap i berge un tel hako senelo ruk.

2. Mose 34:13

Witsrenn kol pre-tchidde barra trujel, kai marenn un chatchrenn le viechen lengro debleske. Phagenn kol bare barra paash, hoi le leske pre-tchiwan! Un denn kol figuren tele, hoi sikrenn i debletsa Ashera.

Jesaja 57:5

Tel hako baro ruk lubrenn tumer trujel, te sharenn i chochene deblen! Un an i tala mank i bare barra marenn tumer lenge tumare tchawen, har te wans le vieche.

Jeremia 17:2

Ninna lengre tchawe witsrenn pen tele glan kol chatchepangren un glan kol figuren, hoi sikrenn i debletsa Ashera, un hoi le pre tchiwan tel kol senele ruka, un ap i tikne un bare berge un ap o them. Me dau tumaro tselo brawlepen un kutch koowa wawarende, te tchorenn le kowa tumendar. Koja hi koi phagi ko tchilatchepaske, hoi tumer an kau tselo them kran.

Jeremia 2:20

O baro Dewel penell: Hako tsiro hadal tut pral mande, un kamal mange gar palla te djal. Tu penal: Me kamau kek rai pral mande. Un tchiwal tut koi har i lubni ap i berga tel hako senelo ruk.

Jeremia 3:13

Tu hunte kress tchi, har te dikess dren, kai anal doosh ap tute, har hadal tut pre pral o baro Debleste, kai tiro Dewel hi. Tu nashal kai te koi trujel, te mangess wawar deblen an tel hake senele ruka, un shunal gar ap mire laba, penell o baro Dewel.

Ezekiel 6:13

Palle hi i mulo-dine tchiddo mashkral pengre chochene deblende, un trul lengre chatchepangre trujel ap haki tikni un bari berga, un tel hako baro ruk bud patjentsa, un tel hake wawar senele ruka, kai mangan le pengre chochene deblen an, un chatchran lenge latcho sungepaskro koowa. Un tumer dikenn un haiwenn, te hom me o baro Dewel.

Ezekiel 6:3

Pen lenge: Tumer berge Israel, shunenn hoi o baro Dewel tumenge penell! O baro Dewel, maro rai, penell ap i bare un tikne berge, ap i panja un ap i tale, kai kran pen i menshe platse, kai le pengre chochene deblen an-mangenn: Shunenn, me anau o kurepen pral tumende, un krau kol mulne platse paash.

Ezekiel 6:6

An o tselo them atchell tumare forjendar tchi har barra pral. Tumare mulne platse wenn paash kerdo, un i chatchepangre tele phagedo, te atchell lendar tchi har barra pral. Tumare chochene debla wenn khetne dino, un nai wenn buder gar an-mangedo. Un kol boba, kai sungepaskro koowa chatchran, wenn tele dino. Kowa, hoi kran tumenge, hi kanna paash.

Hosea 10:1

O Israel hi har i sasto drakengro ruk, ap koleste bud drake bares wenn. Un har i menshe brawelo un brawleder wan, kran le penge bud un budeder altare i chochene deblenge. Kote, kai o them o latcheder his, tchiwan le i shukar bare barra lenge pre.

3. Mose 26:1

Ma krenn tumen chochene deblen, witar kek figure un pre-tchiddo barra, oder barra an kolende i shero dino hi, te mangenn len an! Me, o baro Dewel, hom tumaro Dewel.

Micha 5:14

Un me dau an miri choli dren an i tsele themma ap kai phub, kai shunan gar ap mande.

5. Mose 12:2

Te was ko tsiro, kai lan tumer ko them dren un tradan kol wawar menshen win, palle denn kol tsele platse paash, kai jon pengre deblen an-mangan, ap i bare un tikne berge, ninna tel bare senele ruka.

5. Mose 16:22

Tumer hunte tchiwenn kek barra pre, te mangenn i wawar debles an. Sawo koowa hi djungeles glan o baro Debleskre jaka.