1. Rajengro liil 13:8 - O Debleskro Drom 2021 (Sinte)

⁸ “Na-a”, penas o Debleskro mursh, “ninna te deh man o paash tiro brawlepastar, wau me gar tuha, un chau kek maro un pijau kek pani kate.

O Debleskro Lab 2024 (Sinte-Manouche)

⁸ “Na-a”, penas o Debleskro morsh, “ninna te deh man o paash tiro bravlepastar, vau me gar touha, oun rhau kek maro oun piyau kek pani kate.

1. Rajengro liil 13:8 ပူးပေါင်းရင်းမြစ်များ

1. Rajengro liil 13:9

O baro Dewel penas mange: ‘Ma cha maro un ma pi pani, un ma naash ap ko drom pale pale, kai tu wal!’”

2. Rajengro liil 5:16

O Elisa penas: “Me dau man sowel pash o djido Debleste, koleske budrau, me lau kowa gar.” Un ninna har mangas lo lestar o tselo djijestar, te lell job kowa an, kamas o Elisa gar.

Debleskri gili 141:4

Muk miro dji gar o tchilatchepen palla te dell, te krap gar midjak koowa khetne i tchilatchentsa. Muk man gar te chap lengro shukar chapen!

2. Mose 5:3

O Mose un o Aron penan ap o Farao: “O baro Dewel, ko Dewel, koles i Hebrearja an-mangenn, job mukas pes glan mende te dikell. Kanna, muk men triin diwessa dur te djal an o mulo tato them. Mer kamah maro Debleske kote viechen te marell. Un kowa te krah mer gar, nai well lo chojedo ap mende, jaake te well baro nasslepen un kurepen ap mende.”

2. Mose 5:6

Ap kau diwes penas o Farao ap kol pralstune Egiptarja un ap kol pralstune Israelitarja, kai dan jak ap i budepangre:

2. Mose 7:2

Tu peness o Aroneske lauter, hoi me tuke penau. Un job penell les ap o Farao, te mukell job i Israelitarjen dran peskro them te djal.

4. Mose 22:18

O Bileam penas ap kolende, kai bitchras o Balak: “Ninna te dell man o Balak peskro kheer pherdo rup un sonakai, nai tchiwau me gar i lab ap i rig, hoi well o baro Deblestar, kai miro Dewel hi – gar an i tikno koowa, witar gar an o baro koowa.

4. Mose 22:8

Un o Bileam penas ap lende: “Atchenn kai pral i rati! Jaake kamau me tumenge te penell, har o baro Dewel mange kowa penella!” Koi atchan kol pralstune pral i Moabarja pash o Bileam.

4. Mose 24:13

Ninna te dell man o Balak peskro kheer pherdo rup un sonakai, nai tchiwau me gar o Debleskro lab ap i rig. Me nai rakrau gar latchepen un tchilatchepen har me kamau. Hoi o baro Dewel rakrella, kowa rakrau ninna.

Markus 6:11

Kote, kai lenn le tumen gar an pengro kheer dren, un kamenn gar ap tumende te shunell, kote djan dureder, un denn koi tchik tumare pirendar tele! Kowa sikrell kol menshende, kai jon tchilatcho hi.”

Markus 6:23

Un job das pes sowel: “Hoi tu mandar ninna mangeh, kowa dau tut, ninna te mangeh mandar o paash miro themestar un brawlepen.”