1. Rajengro liil 13:6 - O Debleskro Drom 2021 (Sinte)

⁶ Koi penas o baro rai ap ko Debleskro mursheste: “Mange tu o baro Deblestar, kai tiro Dewel hi, un mange lestar mange, te krell lo miro wast pale sasto!” Un o Debleskro mursh mangas o baro Debles, un o baro rajeskro wast was pale sasto – jaake har lo glan kowa his.

O Debleskro Lab 2024 (Sinte-Manouche)

⁶ Koy penas o baro ray ap ko Debleskro morsheste: “Mange tou o baro Deblestar, kay tiro Devel hi, oun mange lestar mange, te krell lo miro vast pale sasto!” Oun o Debleskro morsh mangas o baro Debles, oun o baro rayeskro vast vas pale sasto – yaake har lo glan kova his.

1. Rajengro liil 13:6 ပူးပေါင်းရင်းမြစ်များ

1. Rajengro liil 13:5

Un koi chatchepaskri phagas an kotja, un koi jagakri tchik peras ap i phub, jaake har o Debleskro mursh kowa penas an o baro Debleskro lab.

Debleskri gili 119:58

Miro tselo djijeha rodau me tiro kamlepen. Ab mange latches jaake har tu les penal.

2. Mose 10:17

Jaake mangau tumen, bistrenn miri doosh kokres kau jek kopo, un mangenn tumaro baro Debles, te lell lo kau merepen mandar krik.”

2. Mose 12:32

Lenn tumare bakre un busja un tumare grumja, jaake har tumer kaman! Un djan un mangenn tumaro baro Debles, te well lo mange latches.”

2. Mose 8:28

Un ninna kau kopo pandas o Farao peskro dji un mukas i Israelitarja gar te djal.

2. Mose 8:4

Kote mukas o Farao o Moses un o Arones pash peste gole te dell un penas: “Mangenn o baro Debles, te lell lo i djambe mandar un mire menshendar krik! Palle mukau i Israelitarjen te djal, te nai denn le o baro Debleske viechen temerl.”

2. Mose 8:8

Un o Mose un o Aron djan dran o Faraeskro kheer win. Un o Mose das o baro Debles gole un mangas les, te lell lo i djambe krik, hoi job pral o Farao anas.

2. Mose 9:28

Mang o baro Debles, te well kanna o barrengro brishin doha, un te dell o bolepen buder gar gole! Palle mukau me tumen te djal, un rikrau tumen buder gar kai.”

Jeremia 37:3

Un o baro rai Zedekja bitchras o Juchal, koleskro dad o Shelemja his, ninna o rashajes Zefanja, koleskro dad o Maaseja his, pash o Jeremia un mukas leske te penell: Mange maro baro Debles menge, i Israelitarja!

Zakarie 7:2

Glan kau tsiro bitchran i menshe an o foro Betel murshen pash o kheer o baro Deblestar, kai hi o rai pral o bolepen un i phub, te mangenn le lestar leskro latchepen. Kal mursha his o Sharezer un o Regem-Melech peskre murshentsa. Jon te putchenn kote ninna i rashajendar un o Debleskre rakepangrendar: “Hunte kras mer dureder, te chas tchi o Debleske un rowas an o pantchto tchon har kram jaake bud bersha?”

4. Mose 12:13

Un o Mose das ap o baro Debleste gole: “Ach Dewel, kre lat sasto!”

4. Mose 21:7

Koi wan jon pash o Moseste un penan: “Mer anam doosh ap mende, har tchingram ap o baro Debleste un ap tute. Mange o Debles menge, te lell job kol sapa mendar!” Un o Mose mangas kol menshenge.

Mateo 5:44

Me penau tumenge: Awenn latches kolenge, kai hi tchilatcho ap tumende! Mangenn o Debles kolenge, kai lenn tumen palla!

Louka 23:34

Koi penas o Jesus: “Miro dad, le i doosh kolendar krik, kai man ap o trushel dan! Jon djinenn gar, hoi jon kran.” Un i lurde khelan pral leskre koola, te dikenn le, hoi hakeno lella.

Bičepangre 7:60

Un job peras ap i phub tele, un das pale gole: “Rai, le koi doosh lendar!” Har job kowa penas, meras lo.

Bičepangre 8:24

Koi penas o Simon ap lende: “Mangenn o Deblestar, te well kowa gar pral mande, hoi tumer penan!”

Remarja 12:14

Rakrenn latche laba ap kolende, kai lenn tumen palla! Mangenn o Debles lenge, un koshenn len gar!

Remarja 12:21

Ma muk o tchilatchepen o rai pral tute te well! Muk o latchepen sorleder te well har o tchilatchepen!

Debleskro tsiro 3:9

Shunenn, hoi me kol bengeskre menshentsa krau, kai chochenn un penenn pendar, te hi le o Debleskre menshe, un jon hi kek Debleskre menshe. Me krau, te wenn le pash tumende, te witsrenn le pen glan tumende ap i phub, un te haiwenn le, te kamau tumen o tselo djijestar.

1. Samuel 12:19

Un jon penan ap o Samuel: “Mer ham tire budepangre. Mang menge o baro Debles, kai tiro Dewel hi, jaake te hunte meras mer gar. Ap mende hi bud doosh tchiddo. Un kanna kram ninna ko tchilatcho koowa, te mangam menge i baro rajes pral mende.”

1. Samuel 12:23

Un me ninna, kamau gar i doosh ap mande te anell glan o baro Debleste, te mangap les gar tumenge. Me kamau te sikrap tumende o latcho un tchatcho drom.