1. Rajengro liil 13:4 - O Debleskro Drom 2021 (Sinte)

⁴ Un har shunas o baro rai i laba o Debleskro murshestar, kol laba, hoi ko Debleskro mursh win kharas pral koi chatchepaskri an Betel, koi sikras o Jerobeam peskro wasteha ap leste, un penas: “Taprenn les!” Koi nashras leskro wast peskri soor, un job nai tserdas les gar pale pash peste.

O Debleskro Lab 2024 (Sinte-Manouche)

⁴ Oun har shounas o baro ray i laba o Debleskro morshestar, kol laba, hoy ko Debleskro morsh vin kharas pral koy rhačepaskri an Betel, koy sikras o Yerobeam peskro vasteha ap leste, oun penas: “Taprenn les!” Koy nashras leskro vast peskri zoor, oun yob nay tserdas les gar pale pash peste.

1. Rajengro liil 13:4 ပူးပေါင်းရင်းမြစ်များ

1. Mose 19:11

Palle kran le, te wenn kol tsele mursha korelo, kai glan o kheer tardo hi. Lauter, tikne un bare, dikan buder tchi. Jaake nashte hatsan jon buder gar o wudar.

1. Rajengro liil 12:29

Un koi jek figura anas lo an o foro Betel un koi wawar an o foro Dan.

1. Rajengro liil 13:3

Palle penas o Debleskro mursh: “Kawa hi ko sikepen, hoi sikrell tumende, te rakras o baro Dewel dran miro mui: Kai chatchepaskri phagell an kotja, un koi jagakri tchik koi pre, perell ap i phub.”

1. Rajengro liil 13:5

Un koi chatchepaskri phagas an kotja, un koi jagakri tchik peras ap i phub, jaake har o Debleskro mursh kowa penas an o baro Debleskro lab.

1. Rajengro liil 22:27

un pen lenge: ‘Kawa penell o baro rai: Tchiwenn koles an o stilepen, un denn les gar bud maro te chal, un gar bud pani te pijell, bis te wau me sasto dran o kurepen pale.’”

2. Familjakro liil 16:10

O Asa choiras pes pral o dikepaskro, un an peskri bari choli mukas lo les an o stilepen te anell. An ko tsiro rikras job ninna wawar menshen an o them i dawentsa tele.

Debleskri gili 105:15

“Lenn i wasta krik mire menshenge, kolen mange win rodom! Ma krenn tchilatchepen kolenge, kai mire rakepangre hi!”

Mateo 25:40

Un o baro rai penell lenge: Tchatchepah, me penau tumenge: Ko latchepen, hoi tumer jekeske mire tchorwele phralendar kran, ko latchepen kran tumer mange.

Mateo 26:57

Kolla, kai o Jesuses pandan, anan les pash o baro rashajeste, o Kajafas. Un kote wan i biboldengre tchatchepangre un phureder khetne.

Louka 6:10

Un job dikas ap kolende, kai trul leste tardo his, un penas ap kau mursheste: “Sike tiro wast!” Un job sikras peskro wast, un ko wast was sasto.

Johanni 13:20

Tchatchepah, me penau tumenge: Koon jekes an peskro kheer lella, koles me bitchrom, kowa lell man an peskro kheer. Un koon man an peskro kheer lella, kowa lell koles an peskro kheer, kai bitchras man.”

Johanni 18:6

Har o Jesus ap lende penas “Me hom kowa,” djan jon i kotar pale un peran ap i phub.

Debleskro tsiro 11:5

Un te kamell jek te dukrell lo len, palle djal i jag dran lengro mui win, un chatchrell les pre. Jaake merenn lauter kolla, kai kamenn len tchilatchepen te krell.