1. Rajengro liil 13:33 - O Debleskro Drom 2021 (Sinte)

³³ Ninna pal kau koowa mukas o Jerobeam gar tele peskro tchilatcho dromestar. Job tchiwas rashajen an pengri budi dren, kai his kol mule deblenge koi. Un kolla wan wawar menshendar har kol menshendar Levi. Hakeno, kai kamas, nai was i rashai, un was dren tchiddo an peskri budi.

O Debleskro Lab 2024 (Sinte-Manouche)

³³ Ninna pal kava koova moukas o Yerobeam gar tele peskro čilačo dromestar. Yob čivas rashayen an pengri boudi dren, kay his kol moule deblenge koy. Oun kolla van vavar menshendar har kol menshendar Levi. Hakeno, kay kamas, nay vas i rashay, oun vas dren čiddo an peskri boudi.

1. Rajengro liil 13:33 ပူးပေါင်းရင်းမြစ်များ

1. Rajengro liil 15:26

Un job kras, hoi djungelo his glan o baro Debleskre jaka, un djas ap i dromma peskro dadestar, un mukas o baro Debleskro drom, har leskro dad ninna kras, un jaake i Israelitarjen ap i tchilatcho drom anas.

2. Rajengro liil 10:29

Kol wawar chochene deblen mukas lo tardo: kol sonakangre terne grumja an Betel un Dan. Kolen kras o Jerobeam, koleskro dad o Nebat his. Un o Jerobeam anas i Israelitarjen o Debleskro dromestar tele, te mangenn jon kol figure an. Un o Jehu mukas len kowa ninna te krell.

2. Familjakro liil 11:15

O Jerobeam rodas peske rashajen win, kai budran ap i mulne platse i bengenge un kol mule deblenge, hoi win dikan har terne grumja, hoi job mukas te krell.

2. Familjakro liil 13:9

Tumer tradan i rashajen o baro Deblestar – kolla hi o Aroneskre tchawe, – ninna i Levitarjen dran tumende krik, un kran tumenge newe rashaja, har krenn i menshe an wawar themma. Hakeno, kai was, un les his hi terni mursh grumni un efta bakre pash peste, kowa nai was i rashai tumare figurenge, kai kek dewel hi.

2. Familjakro liil 17:4

O Josafat rodas o Debles peskre phurendar, un djiwas pal o Debleskre laba, – un gar jaake har i bare raja pral Israel djiwan.

2. Familjakro liil 28:22

Ninna te his ko tsiro jaake pharo o baro rajeske Ahas, anas lo i budeder doosh ap peste glan o baro Debleste.

Debleskri gili 78:34

Te anas lo o merepen pral lende, rodan le o Debles, un putchan pale pal leste.

2. Mose 28:41

Palle rib o Aroneske un leskre tchawenge kol koola an. Le djet un mak len o Debleske un de len an lengri budi, te wenn le mange rashaja.

Gosewe laba 27:22

I kashteha well djob tiknes kerdo an i piri. Ninna te krals jaake i dineleha, perals leskro dinlepen gar lestar tele.

Jeremia 18:4

Un te was koi piri gar mishto, hoi job kras dran tchik, koi kras job latar i wawar, jaake har glan leskre jaka mishto his.

Jeremia 5:3

Baro Dewel, tire jaka dikenn ap i djipen an o tchatchepen. Tu dal len i phagi. – Jon haiwenn kowa gar. Tu kral len paash mulo. – Un jon atchan, har jon hi. Jon djan pal pengro shero. un kamenn gar pengro tchilatcho drom te mukell.

Amos 6:11

Djinenn: O baro Dewel, te penell job: ‘O baro kheer hunte perell khetne’, palle perell lo khetne. Un te penell job: ‘O tikno kheer hunte perell an kotja’, palle perell lo an kotja.

Amos 7:10

Un o rashai o forestar Betel – leskro lab his Amazja – bitchras murshen pash o Jerobeam, ko baro rajeste an Israel, un mukas leske te penell: “O Amos krell i menshen diwjo, te hadenn le pen pral tute. Leskro rakepen nai shunah mer buder gar.

4. Mose 1:51

Un te djan tumer dureder, tchiwenn kol Levitarja o Debleskro plachteno kheer khetne. Un te tchiwenn tumer tumare plachtene khera pre, palle tchiwenn i Levitarja o Debleskro kheer pale pre. Hako wawar, kai well pash o kheer, hunte merella.

4. Mose 17:5

jaake har penas o baro Dewel kowa o Moseske. Kol sane sasterne patria his i sikepen, te denn kol Israelitarja jak, te well kek mursh, kai gar o Aroneskre menshendar hi, un anell sungepaskro koowa glan o baro Debleste, te djal leske gar jaake har o Koracheske un kolenge, kai pash leste his.

4. Mose 3:10

Ap o Aroneste un ap leskre tchawende hunte peness tu, te denn jon jak, te krell kek wawar lengre rashajeskri budi. Te well i wawar, te krell lo kai budi, hunte merell job.”

2. Timoteo 3:13

Kol tchilatche menshe un kol chochene, kai krenn jaake, har te wans le patslo, kolentsa well djungleder un djungleder. Jon peran o Debleskro dromestar tele, un tserdenn ninna wawaren o Debleskro dromestar tele.

Čačepangre 17:12

Un o Micha das les koi budi, te well lo leskro rashai. Un job atchas an o Michaeskro kheer.

Čačepangre 17:5

Ko murshes Micha his i debleskro kheer peske un peskri familjake. Un job kras i rashajeskri damdira un khereskre debla, un rodas jek peskre tchawendar win, te well lo leskro rashai.