1. Rajengro liil 13:21 - O Debleskro Drom 2021 (Sinte)

²¹ Un job das win gole un penas ap ko Debleskro mursheste dran Juda: “Kowa penell o baro Dewel: Tu shunal gar ap kol laba, hoi me, tiro baro Dewel tuke penom, un kral kowa gar, hoi me penom, te kress.

O Debleskro Lab 2024 (Sinte-Manouche)

²¹ Oun yob das vin gole oun penas ap ko Debleskro morsheste dran Youda: “Kova penell o baro Devel: Tou shounal gar ap kol laba, hoy me, tiro baro Devel touke penom, oun kral kova gar, hoy me penom, te kress.

1. Rajengro liil 13:21 ပူးပေါင်းရင်းမြစ်များ

1. Mose 3:7

Koi djan lenge i jaka pre. Un jon haiwan, kai jon nango hi. Un jon pandan patria khetne i faigetikro rukestar un kran penge ripja.

2. Samuel 24:13

Jaake was o Gad pash o Davideste un penas leske kowa, un putchas lestar: “Kameh tu, te well triin bersh i bari bok an tiro them? Kameh, te nashess triin tchon kolendar krik, kai kamenn tut te marell un lenn tut palla? Kameh, te well triin diwessa i baro nasslepen an tiro them? Kanna muk kowa an tiro shero trujel te djal! Palle pen mange, hoi me ap koleste penap, kai bitchras man!”

2. Samuel 6:7

Kowa hunte krals lo gar. Job hunte tapras gar i Debleskro koowa an. Koi was o baro Debleskri choli pral o Usa. Un o Dewel maras les koi. Un job meras koi pash o Debleskro mochton.

1. Rajengro liil 13:17

O baro Dewel penas mange: ‘Tu, ma cha maro kote un ma pi pani kote, un ma dja pale ap ko drom, kai tu wal!’”

1. Rajengro liil 13:20

Har his le beshdo ap i chapaskri, kote rakras o baro Dewel ko phureha.

1. Rajengro liil 13:22

Tu djal pale pale un chal maro un pijal pani kote, kai me tuke penom: ‘Ma cha maro un ma pi pani!’ Doleske weh tu gar paskedo pash tire phurende.”

1. Rajengro liil 20:36

Kote penas o ersto ap leste: “Tu kral gar, hoi o baro Dewel penas, doleske djin, jaake sik har djah mandar, well i lewo un marell tut.” Un job djas lestar krik, un i lewo was un maras les.

Ester 6:13

Un job penas peskri romjake, i Seresh, un peskre tsele malenge, lauter hoi leske djas. Kote penan leskre mala un leskri romni, i Seresh, ap leste: “Te peral tu kanna glan o Mordekai, koon i biboldendar hi, palle nai kreh tu buder tchi khatar leste. Na-a, tu djah tele un nashreh lauter.”

Jeremia 2:19

Dran tiro tchilatchepen well kowa ap tute. Tu shunal gar. Doleske leh tu sawi phagi. Tu hunte djiness un haiwess, hawo pharo koowa un duka ap koleste wenna, kai djal peskro baro Deblestar krik, un kamell lestar buder tchi te djinell. Kowa penell o baro Dewel, ko rai pral o bolepen un i phub.

3. Mose 10:3

O Mose penas ap o Aron: Kawa hi, hoi o baro Dewel rakras, har penas lo: Kamau, te dikenn kolla, kai wenn glan mande, te hom me kokres o tchatcho Dewel. Glan i tsele menshende kamau te wap sharedo. O Aron penas kek lab.

4. Mose 20:12

O baro Dewel penas ap o Moseste un ap o Aroneste: “Tumer patsan gar, hoi penom, un sharan man gar glan kol Israelitarja. Doleske anenn tumer gar kol menshen an ko them, hoi me len dau.”

4. Mose 20:24

“O Aroneskro tsiro nashas tele, un job well gar an ko them, kai dom i Israelitarjen. Tumer shunan gar ap kowa, hoi penom pash o pani ‘Meriba’.

Debleskro tsiro 3:19

Lauteren, kai kamau o djijestar, kolende sikrau lengri doosh, un penau lenge dawentsa, te shunenn le ap mande. Mukenn kanna tumaro tchilatcho drom, un awenn pale ap miro drom!

1. Samuel 15:19

Hoske shunal tu gar ap o baro Debleste, un lal tuke, hoi lendar his. Kowa his djungeles glan o baro Debleskre jaka.”

1. Samuel 4:18

Un har job pral ko mochton rakras, peras o Eli palstunes peskri beshepaskri tele, hoi pash o wudar tardo hi. O Eli his jaake phuro un pharo, te phagas lo peskri meen, un meras. Job his o tchatchepaskro mursh pral o Israel star-deesh bersha.