1. Rajengro liil 13:1 - O Debleskro Drom 2021 (Sinte)

¹ Koi was i Debleskro mursh dran Juda, koles bitchras o baro Dewel an Betel. Job was koi, har his o Jerobeam pash koi chatchepaskri tardo un chatchras sungepaskro koowa.

O Debleskro Lab 2024 (Sinte-Manouche)

¹ Koy vas i Debleskro morsh dran Youda, koles bičras o baro Devel an Betel. Yob vas koy, har his o Yerobeam pash koy rhačepaskri tardo oun rhačras soungepaskro koova.

1. Rajengro liil 13:1 ပူးပေါင်းရင်းမြစ်များ

1. Rajengro liil 12:22

Kote penas o Dewel ap o Shemaja, ko Debleskro mursheste:

1. Rajengro liil 13:26

Har shunas ko phuro Debleskro rakepaskro kowa, penas lo: “Kowa hi ko Debleskro mursh, kai kras gar, hoi o baro Dewel leske penas. Doleske bitchras o baro Dewel o lewes, te dandrell lo les mulo. Jaake was, hoi o baro Dewel penas.”

1. Rajengro liil 13:32

Kowa, hoi job penas, was o baro Deblestar. Un jaake, har job les penas, wella kowa pral koi chatchepaskri an o foro Betel un pral kol tsele platse, kai mangenn le i mule deblen an, hoi hi an i forja an o them Samaria.”

1. Rajengro liil 13:5

Un koi chatchepaskri phagas an kotja, un koi jagakri tchik peras ap i phub, jaake har o Debleskro mursh kowa penas an o baro Debleskro lab.

1. Rajengro liil 13:9

O baro Dewel penas mange: ‘Ma cha maro un ma pi pani, un ma naash ap ko drom pale pale, kai tu wal!’”

1. Rajengro liil 20:35

Koi his Debleskre rakepangre, kai ap jek platsa khetne djiwan. Un jek lendar penas ap i wawareste: “O baro Dewel penas mange, te dess tu man.” Ko wawar kamas kowa gar te krell.

2. Rajengro liil 23:15

Ninna koi mulni platsa an Betel kras lo paash, hoi o Jerobeam, ko Nebateskro tchawo kras, te anell lo o Israel o baro Debleskro dromestar tele. Koi chatchepaskri phagas lo tele, das lakre barra paash un kras len jaake tiknes, te wan le phubjakri tchik. Un i figura, hoi sikras i debletsa Ashera, chatchras lo pre.

2. Rajengro liil 23:17

Un job dikas pes trujel un putchas: “Koon hi kote paskedo?” Un i menshe dran o foro penan ap leste: “Kote hi ko Debleskro mursh paskedo, kai dran o them Juda was, un wi-kharas, hoi tu kral ap kai chatchepaskri kate an Betel.”

2. Familjakro liil 26:16

Un har leske bud sorlepen dino was, phurdas pes leskro dji pre. Un job kras, hoi leske gar mishto his, un hoi tchilatcho his glan leskro baro Debleste: Job djas an koleskro kheer te chatchrell lo leske sungepaskro koowa ap o sonakaskro bob.

2. Familjakro liil 26:18

Un jon stakran o baro rajeske Usija an o drom un penan ap leste: Usija, hi gar tiri budi, te chatchess o baro Debleske sungepaskro koowa. Kokres o Aroneskre tchawe hi i rashaja, kai wi-rodede hi, te chatchenn le sungepaskro koowa. Dja win dran o Debleskri isema! Tu kreh, hoi gar mishto hi glan o baro Debleste. Job, kai tiro Dewel hi, sharell tut gar koleske.

2. Familjakro liil 9:29

Ko tselo wawar koowa, hoi pral o Salomo penepaske hi, kowa hi tchinlo an o liil, hoi o Debleskro rakepaskro, o Natan tchinas, un an o liil, kai kowa dren tchinlo hi, hoi o Debleskro rakepaskro, o Achija dran Shilo penas, ninna an o liil, kai tchinlo hi, hoi sikras o baro Dewel peskro rakepaskres, o Jedo, pral o Jerobeam, koleskro dad o Nebat his.

Jeremia 11:12

Palle denn kol menshe an o them Juda un an Jerusalem gole pal kol deblende, kai chatchran jon lenge sungepaskro koowa. Kal debla nai haiwenn len gar dran lengri bibacht win te anell.

Jeremia 25:3

O baro Dewel rakras mantsa biish-te-triin bersha, fun ko deesh-te-triinto bersh, kai o Josia, koleskro dad o Amon his, o baro rai his pral o them Juda, bis kau diwes. Un me penom tumenge leskre laba pale te pale. Un tumer kaman len gar te shunell.

Jeremia 32:29

Un kol lurde dran o them Babilonia, kai trul kau foro tardo hi, wenna dren, un chatchrenn kau foro tele kol tsele kherentsa, kai was ap i dache sungepaskro koowa chatchedo o chocheno debleske Baal, un mool win tchoredo kol wawar chochene deblenge. Doleske was i choli an mande.

Amos 7:13

Kate an Betel mangell o baro rai o Debles an, kate hi leskro kheer. Doleske nai rakreh tu gar pale kate an o Debleskro lab.”

Amos 7:16

Kanna shun tu o Debleskro lab! Tu kamal gar, te penap me i Israelenge kol laba, hoi o baro Dewel pral lende penas. Tu kamal gar te rakrap pral o kheer Isaak.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

1. Tessalonikarja 4:15

Mer penah tumenge, hoi o rai Jesus menge penas. Mer, kai ham gomme djido ap ko diwes, kai well o Jesus pale, wah gar sikeder pash leste har kolla, kai meran.

Debleskro tsiro 8:3

Un i wawar bolepaskro was, un djas pash o Debleskri chatchepaskri. Les his i sonakaskro tcharo an o wast, an koleste gudlo kasht chatchedo wella, hoi mishto sungella. Un ko bolepaskro las bud gudlo kasht, te chatchrell lo les ap o Debleskro sonakaskro bob, hoi glan o Debleskro beshepaskro tardo hi, te well o latcho sungepen khetne o mangepah, hoi o Debleskre tchawe o Deblestar mangan.

1. Samuel 2:27

Un i Debleskro mursh djas pash o Eli un penas leske: Kawa penell o baro Dewel: Tu djineh mishto, har krom man prindjedo pash tire phurende, pash o kheer Aron, har i Israelitarja an o them Egiptia his un hunte budran o Faraeske.

1. Samuel 9:6

Ko budepaskro penas: “Dik an kau foro hi i Debleskro mursh. Un job hi an-diklo. Lauter, hoi job penell, well ninna jaake. Djas pash leste, te putchas lestar, hawo drom mer te djas.”