1. Rajengro liil 12:26 - O Debleskro Drom 2021 (Sinte)

²⁶ Un o Jerobeam rakras an peskro dji: Te krau tchi, perell o them pale ap o Davideskre tchawende.

O Debleskro Lab 2024 (Sinte-Manouche)

²⁶ Oun o Yerobeam rakras an peskro dji: Te krau či, perell o them pale ap o Davideskre čavende.

1. Rajengro liil 12:26 ပူးပေါင်းရင်းမြစ်များ

1. Rajengro liil 11:38

Te shuneh ap halauter, hoi me tuke penau, un te djah tu ap mire dromma un kreh, hoi glan mire jaka mishto hi, un djiweh pal miro tchatchepen un mire laba, har miro budepaskro, o David, kowa kras, palle hom me tuha. Un jaake har o Davideske krom, krau me, te well dran tiri familja hako tsiro jek, kai hi o rai. Un me dau tut o Israel, te wess rai pral leste.

1. Rajengro liil 12:25

Un o Jerobeam tchiwas o foro Sichem pale pre ap i berge Efrajim un djiwas kote. Palle djas lo kotar win un kras o foro Penuel sorleder.

1. Rajengro liil 12:27

Te djan i menshe an miro them kote pre, te denn le viechen o baro Debleske an leskro kheer an Jerusalem, nai nashals lengro dji o baro rajeske pral Juda pale. Un man marans le, un tchiwans pale o Rehabeam pral peste, ko rajeste pral Juda.

1. Rajengro liil 15:17

Un o Baasha was peskre lurdentsa, te kurell lo pes i menshentsa an Juda. Un job kras o foro Rama soreles, te nai dan le jak ap i dromma, te nai was kek pash o Asa an o them Juda dren un win.

2. Rajengro liil 13:2

Job kras, hoi glan o baro Debleskre jaka djungeles his jaake har o Jerobeam kras, koleskro dad o Nebat his. O Jerobeam anas o Israel o Debleskro dromestar tele, un kras, te mangan le wawar deblen an. Un o Joahas mukas len kowa ninna te krell.

2. Familjakro liil 20:20

Un jon stan sik taissarlake pre, un djan win an o mulo them Tekoa. Har jon win djan, djas o Josafat glan lende, un penas: Murshale dran Juda un Jerusalem, shunenn, hoi tumenge penau: Patsenn o baro Debleske, kai tumaro Dewel hi, un tumer atchenn sorelo, patsenn, hoi leskre rakepangre tumenge penan, palle well lauter mishto tumenge.

Debleskri gili 14:1

I gili o rajeske pral i gipangre. O David kras kai gili. Dinele hi le, kai rakrenn penge: “O Dewel dell pes gar!” Tchi-molde hi le! I ladj hi kowa, hoi jon krenn. Kek hi koi, kai krell latchepen.

Gosewe laba 14:12

Hi menshe koi, kai patsenn, kai lengro drom o tchatcho drom hi, un djinenn gar, kai anell lo len an o merepen.

Louka 7:39

Har o Farisari kowa lauter dikas, penas lo ap peste kokres: “Te wals kau rom tchatchepah i Debleskro rakepaskro, hunte djinals lo, hawi djuwel les an-tapras. Job hunte djinals, te hi li pale-tchiddo.”

Johanni 12:19

Un i Farisarja rakran mashkral pende: “Tumer dikenna, kai wah jaake gar dureder. I tsele menshe nashenn leske palla.”

1. Samuel 27:1

O David penas peske an peskro dji: “Well ko diwes, kai perau o Sauleske an i wasta, un job dell man mulo! O feteder mange hi, te djap jaake sik har djala an o them Filistia. Palle mukell o Saul mandar tele, un rodell man buder gar an o tselo them Israel. Un job nai krell man tchi buder!”