1. Rajengro liil 12:21 - O Debleskro Drom 2021 (Sinte)

²¹ Un o Rehabeam was an o foro Jerusalem pale un mukas kol murshen i menshendar Juda un Benjamin khetne te well, kai nai kurenn pen. Kolla his 180.000 (sheel-te-ochta-deesh serja) mursha. Kolentsa kamas lo an o kurepen i Israelentsa te djal, te anenn jon lengro them pale pale pash o Rehabeam, o Salomeskro tchawo.

O Debleskro Lab 2024 (Sinte-Manouche)

²¹ Oun o Roboam vas an o foro Yerusalem pale oun moukas kol morshen i menshendar Youda oun Benyamin khetne te vell, kay nay kourenn pen. Kolla his 180.000 (sheel-te-orhta-deesh zerya) morsha. Kolentsa kamas lo an o kourepen i Israelentsa te djal, te anenn yon lengro them pale pale pash o Roboam, o Salomeskro čavo.

1. Rajengro liil 12:21 ပူးပေါင်းရင်းမြစ်များ

1. Rajengro liil 11:32

Kokres i menshen, kai wenn o Jakobeskro tchawestar, o Juda, un lengro them mukau o Salomeske. Kowa krau o Davideske, kai mange koi his, un ko foreske Jerusalem, ko foro, hoi me rodom mange win dran o tselo them Israel.

1. Rajengro liil 14:30

Jaake rah har o Rehabeam o baro rai his, his kurepen mashkral leste un o Jerobeam.

1. Familjakro liil 21:5

Un job penas o Davideske, har bud mursha koi hi. Un an o tselo Israel his 1.100.000 (deesh-te-jek-sheel-serja) mursha, kai hidjran i charo un an Juda 470.000 (star-sheel-efta-deesh-serja) mursha.

2. Familjakro liil 14:11

Un o baro Dewel das i Kusharja glan o Asa un i menshende dran Juda jaake, kai jon nashan penge an i daar.

2. Familjakro liil 14:8

Un o Serach, ko Kushari, was peskre lurdentsa te kurell lo pes lentsa. Les his 1.000 (jek-sero) kope 1.000 lurde, un 300 (triin-sheel) kurepangre wurdja. Un job was jaake dur har o foro Maresha tchiddo hi.