1. Rajengro liil 12:18 - O Debleskro Drom 2021 (Sinte)

¹⁸ Un o rai Rehabeam bitchras o pralstunes pral i budepangren, te djal lo pash i Israelitarjen. Leskro lab his Adoniram. Un o tselo Israel witsras barra ap leste, un jaake meras lo. Koi stas o rai Rehabeam ap peskro wurdin un uleras sik an o foro Jerusalem.

O Debleskro Lab 2024 (Sinte-Manouche)

¹⁸ Oun o ray Roboam bičras o pralstounes pral i boudepangren, te djal lo pash i Israelitaryen. Leskro lab his Adoniram. Oun o tselo Israel vitsras barra ap leste, oun yaake meras lo. Koy stas o ray Roboam ap peskro vourdin oun ouleras sik an o foro Yerusalem.

1. Rajengro liil 12:18 ပူးပေါင်းရင်းမြစ်များ

2. Samuel 20:24

O Adoniram was o pralstuno pral kol pandle budepangre. O Josafat, koleskro dad o Ahilud his, his o Davideskro rakepaskro.

1. Rajengro liil 4:6

O pralstuno pral o baro rajeskro kheer his: o Ahishar. O pralstuno pral i budepangre his: o Adoniram, koleskro dad o Abda his.

1. Rajengro liil 5:14

Un dran i tsele themma wan i menshe, te shunenn le ko gosewo rakepen o Salomestar. Ninna bud bare raja i tseli phubjatar bitchran bitchepangre pash leste, te shunenn le les.

2. Familjakro liil 10:18

Un o rai Rehabeam bitchras o pralstunes pral i budepangren, te djal lo pash i Israelitarjen. Leskro lab his Adoniram. Un o tselo Israel witsras barra ap leste, un jaake meras lo. Koi stas o rai Rehabeam ap peskro wurdin un uleras sik an o foro Jerusalem.

2. Familjakro liil 24:21

Koi rakran le pen mank pende tele, te marenn le les, un witsran les i barrentsa mulo ap i glanstuni platsa glan o baro Debleskro kheer. Jaake penas les lenge o baro rai, o Joash.

2. Mose 17:4

Kote das o Mose ap o baro Debleste gole: “Hoi krap me kal menshentsa? An i tikno tsiro witsrenn le man i barrentsa mules.”

Amos 2:16

Ninna o sorleder mank i tchatche murshende mukell ap ko diwes peskro charo pal peste un nashell peske. Kowa penell o baro Dewel.

4. Mose 14:10

Kol tsele menshe penan: “Witsrenn len mulo i barrentsa!” Koi was o baro Debleskro railepen pral o Debleskro kheer. Un i tsele Israelitarja dikan kowa.

Bičepangre 5:26

Koi djas ko pralstuno klisto kol wawar klistentsa an o Debleskro baro kheer, un lan i Jesuseskre bitchepangre win. Kowa kran le kek sorjah. I kliste daran i menshendar, te marenn le len i barrentsa.