1. Rajengro liil 12:16 - O Debleskro Drom 2021 (Sinte)

¹⁶ Har i tsele Israelitarja dikan, kai kamas o baro rai gar ap lende te shunell, dan le gole: “Hoi djal men o David an un leskri familja! Hoi kran le menge? Mu dikenn le kokres pal lengro kheer! Nashas khere, mer dran Israel!” Kowa penan le, un hakeno djas pash peskro kheer.

O Debleskro Lab 2024 (Sinte-Manouche)

¹⁶ Har i tsele Israelitarya dikan, kay kamas o baro ray gar ap lende te shounell, dan le gole: “Hoy djal men o David an oun leskri familya! Hoy kran le menge? Mou dikenn le kokres pal lengro kheer! Nashas khere, mer dran Israel!” Kova penan le, oun hakeno djas pash peskro kheer.

1. Rajengro liil 12:16 ပူးပေါင်းရင်းမြစ်များ

2. Samuel 15:13

Koi was jek un penas o Davideske: “Hakeneskro dji an o tselo Israel djal pal o Absalomeste.”

2. Samuel 16:11

Un o David penas ap o Abishai un ap leskre pralstune budepangre: “Miro tchawo Absalom, kai mandar was, kamell man mulo te dell, hoske gar ninna ko Benjaminari. Mukenn les te praassell! O baro Dewel penas, kai nai krell job kowa.

2. Samuel 20:1

Kowa his jaake, kai koi an Gilgal i mursh his, kai tchi-moldo his. Leskro lab his Sheba. Leskro dad his o Bikri i menshendar Benjamin. O Sheba phurdas an i phurdepaskri un penas: “Tumer mursha dran Israel! O David hi gar mare menshendar. Men hi tchi te krell o Isajeskro tchaweha. Hakeno tumendar te djal an peskro kheer!”

1. Rajengro liil 11:11

un penas ap leste: “Tu rikral tut gar ap kowa, hoi tuha win krom un rikral tut gar ap mire laba, hoi tuke penom. Doleske lau tiro them tutar krik, te atchess buder gar rai. Un dau kau them jekeste kol pralstunendar an o them.

1. Rajengro liil 11:13

Un gar o tselo them lau lestar krik. Me mukau tiro tchaweske jek kotar them, kai i menshe jek tchawestar o Jakobestar djiwenn. Kowa krau o Davideske, kai mange koi his, un dran o foro Jerusalem krau me kowa. Ko foro rodom me mange win.”

1. Rajengro liil 11:34

O Davideske, kai mange koi his, krau me kowa gar, jaake rah har o Salomo djiwell. O Davides rodom win, un job rikras pes ap mire laba un miro tchatchepen. Doleske nai atchell o Salomo baro rai peskro tselo djipen.

1. Rajengro liil 11:35

Dran o wast leskro tchawestar lau o them un leskre menshen win, un dau les tute, kolla deesh kotja.

1. Rajengro liil 11:36

Leskro tchawes mukau jek kotar. Jaake hi an hako tsiro i tchawo o Davidestar o rai an o foro Jerusalem. Kau foro rodom me mange win, te djiwap kote.

1. Rajengro liil 11:39

Jaake dau me o Davideskre tchawende pengri phagi. Kai phagi atchell gar hako tsireske ap lende.”

1. Rajengro liil 22:17

Kote penas o Micha: “Me dikom i tsele lurden dran Israel tradedo kate te kote ap i berge, har bakre, kai kek bakrengro ap lende jak dell. Un o baro Dewel penas: ‘Kalen hi buder kek rai. Jon nai djan khere an o latchepen.’”

1. Rajengro liil 22:36

Har o kham tele djas, shunan i lurde, har lengro pralstuno gole das: “Hakeno nai djal an peskro them un an peskro foro,

2. Familjakro liil 10:16

Har i tsele Israelitarja dikan, kai kamas o baro rai gar ap lende te shunell, dan le gole: “Hoi djal men o David an un leskri familja! Hoi kran le menge? Mu dikenn le kokres pal lengro kheer! Nashas khere, mer dran Israel!” Kowa penan le, un hakeno djas pash peskro kheer.

Debleskri gili 132:17

Kote well jek o Davideskre tchawendar i sorelo baro rai. Ko baro rai, koles mange wi-rodom, well i menshenge har i momeli, hoi hako tsiro chatchella.

Debleskri gili 76:10

har o Dewel pre stas, te rakrell lo o tchatchepen win, un te well lo halauterenge ap i rig, kai tikno rikedo wan ap kai phub.

Gosewe laba 15:1

I kamlo lab krell te djal o wawareskri choli pale. I lab, hoi o wawares dukrell, krell les chojedo.

Jesaja 7:17

Un pral tute un tire menshende un i menshende an tiro them anell o baro Dewel sawe diwessa, har jon gar wan, jaake rah har dran o them Israel dui themma wan: o Israel un o Juda. Kol diwessa wenna o baro rajeha pral o them Assur.”

Jesaja 7:2

Un har o baro rajeske pral Juda penlo was, kai tchiwan i Syrarja pengre plachtene khera pre an o Efrajimeskro them, kote trissas lo i trashatar. Un ninna i tsele menshe an Juda trissan jaake har i ruka an i wesha trissenn, te phurdell i sorelo ducho.

Jeremia 33:21

jaake nai lell kek ko lab pale, hoi dom Davideske, kai mange koi his. Leske penom, te hi hako tsiro jek leskre tchawendar o baro rai pral Juda. Witar gar nai lell jek ko lab pale, hoi dom i Levitarenge, kol rashajenge, kai mange budrenn.

Ezekiel 37:16

Tu, mensho, le tuke i kotar kasht, un tchin ap leste: O rajeskro them Juda. Un le i wawar kasht un tchin ap koleste: O rajeskro them Israel.

Markus 3:24

Te kurenn pen i bare raja an jek them, palle djal ko them paash.

Louka 19:14

I menshe an peskro them his chojedo ap leste un bitchran murshen leske palla, te penenn le leske: Mer kamah gar, te wess tu baro rai pral mende!

Louka 19:27

Un job penas dureder: Anenn kolen glan mande, kai hi chojedo ap mande, un kai kaman gar, te wap baro rai pral lende, un denn len glan mire jaka temerl!”

Johanni 13:8

Penas o Petro ap leste: “An kek tsiro kamau me, te thowess mire pire!” “Te thowau tut gar,” penas o Jesus, “hal tu gar miro.”

Čačepangre 8:35

Un ninna o tselo latcho koowa, hoi o Gideon i Israelenge kras, his lenge gar bud moldo, un jon his gar latches ap leskre tchawende, kai pal leste wan.

Čačepangre 9:28

Un o Gaal, koleskro dad o Ebed hi, penas: “Koon hi o Abimelech, te mukas mer les maro rai te well, mer, i menshe dran o foro Sichem? Leskro dad hi o Gideon. Doleske hi lo gar tchatchepah jek mendar. Un job tchiwas peskro budepaskres, o Sebul, pral mende, te dell job jak ap mende. Mer te tchiwas i murshes dran o kheer Hamor pral mende, te well job maro rai, un gar o Abimelech! O Hamor hi o dad maro forestar Sichem.