1. Rajengro liil 12:15 - O Debleskro Drom 2021 (Sinte)

¹⁵ Un jaake shunas o baro rai gar ap i menshende. Kowa kamas o baro Dewel jaake, te nai well leskro lab tchatcho, hoi lo o Achija dran Shilo an o mui tchiwas, te penell kowa les ap o Jerobeam, koleskro dad o Nebat hi.

O Debleskro Lab 2024 (Sinte-Manouche)

¹⁵ Oun yaake shounas o baro ray gar ap i menshende. Kova kamas o baro Devel yaake, te nay vell leskro lab čačo, hoy lo o Ahia dran Shilo an o mouy čivas, te penell kova les ap o Yerobeam, koleskro dad o Nebat hi.

1. Rajengro liil 12:15 ပူးပေါင်းရင်းမြစ်များ

1. Mose 24:50

Koi penan o Laban un o Betuel: “Kau koowa kras halauter o baro Dewel. Pral ko koowa nai penah mer tchi, kek latcho koowa, witar kek tchilatcho koowa.

2. Samuel 17:14

Koi penas o Absalom un hakeno an Israel: “Kowa hoi o Hushai penas, hi feteder har kowa, hoi o Ahitofel penas.” Jaake kras o baro Dewel, kai kek kowa kras, hoi o Ahitofel an leskro goswepen penas. O baro Dewel kamas i bibacht pral o Absalom te anell.

1. Rajengro liil 11:11

un penas ap leste: “Tu rikral tut gar ap kowa, hoi tuha win krom un rikral tut gar ap mire laba, hoi tuke penom. Doleske lau tiro them tutar krik, te atchess buder gar rai. Un dau kau them jekeste kol pralstunendar an o them.

1. Rajengro liil 12:24

Jaake penell o baro Dewel: “Ma djan pre, te kurenn tumen tumare phralentsa, kol murshentsa an Israel! Djan pale khere, hakeno an peskro kheer. Kau tselo koowa was mandar.” Kote shunan jon ap o lab o baro Deblestar un djan pale pale, hakeno an peskro kheer, har o baro Dewel lenge penas.

1. Rajengro liil 22:23

O Micha penas dureder: “Dikeh, o baro Dewel bitchras i chochepaskro ducho pash tire dikepangre, te rakrenn le chochepen. O baro Debles hi an o dji, te mukell lo tut an i bibacht te nashell.”

2. Rajengro liil 10:10

Ap kowa dikenn tumer, kai lauter jaake was, har o baro Dewel pral o Ahabeskro kheer penas. O baro Dewel kras kowa, hoi job mukas peskro budepaskres o Elija glan-wi te penell.”

2. Rajengro liil 9:36

Un jon wan pale un penan kowa ap o Jehu. Koi penas job: Kowa was jaake, har mukas o baro Dewel peskro budepaskres glan-wi te penell. Job, o Elija dran Tishbe, penas: “Ap o kotar them glan Jesreel chan i djukle i Isebelakro mass.

2. Familjakro liil 10:15

Un jaake shunas o baro rai gar ap i menshende. Kowa kamas o baro Dewel jaake, te nai well leskro lab tchatcho, hoi lo o Achija dran Shilo an o mui tchiwas, te penell kowa les ap o Jerobeam, koleskro dad o Nebat hi.

2. Familjakro liil 22:7

O Dewel kamas kowa jaake, te djal o Ahasja pash o Joram, te well lo kote maredo. Un har job koi was, djan kol dui, o Ahasja un o Joram pash o Jehu, koleskro dad o Nimshi hi. Koles rodas o baro Dewel win, te well lo baro rai un marell o Ahabeskri tseli familja.

2. Familjakro liil 25:16

Un har o Debleskro rakepaskro leha jaake rakras, penas o baro rai ap leste: “Tchiwom me tut dren, te peness mange, hoi te krap? Rike tiro mui, te kameh gar dawa te lell!” Un o Debleskro rakepaskro mukas tele un penas: “Kanna, kai dikau, hoi kral, un kameh gar te shunell, hoi tuke penom, haiwau me, kai hi an o Debleskro dji, te marell lo tut.”

2. Familjakro liil 25:20

O Amazja shunas gar koi pre. O baro Dewel kamas te dell lo i menshen dran Juda an o wast o baro rajestar Joash doleske, kai mangan le i debla an, kai an o them Edom an-mangedo wan.

Debleskri gili 5:10

Ap lengro lab nai dell jek tchi. An lende hi tchilatchepen. Lengro rakepen anell o merepen. Jon rakrenn dui tchipjentsa.

Amos 3:6

Phurdell jek an i kurepaskri trompeta an o foro, un i menshe lenn kek daar? Na-a! Well i bibacht pral o foro, hoi o baro Dewel bitchras gar? Na-a!

Bičepangre 2:23

Tumer dan o Jesuses an i wasta kolendar, kai gar ap o Debleste patsenna. Un kolla dan les ap o trushel, un kote meras job. Un hoi tumer leha kran, kowa his jaake glan-diklo o Deblestar.

Bičepangre 3:17

Me djinau, mire phrala, kai tumer djinan gar, hoi tumer koi kran o Jesuseha. Un tumare pralstune djinan kowa witar gar.

Bičepangre 4:28

Jaake kran jon kowa, hoi tu glan i rah tsiro penal, te well kowa lauter jaake.

5. Mose 2:30

O Sihon, ko baro rai an Heshbon, kamas men gar wergel leskro themestar te djal. Tumaro baro Dewel mukas leskro dji har bar te well, jaake te dikas lo tchi dren. Jaake das o baro Dewel les un leskro them an tumare wasta. Un kowa his gomme kau diwes jaake.

Čačepangre 14:4

Leskro dad un leskri dai haiwan gar, te was kowa o baro Deblestar, kai i drom rodas, te nai perell lo ap i Filistarja. Kolla his i raja pral o Israel an ko tsiro.

1. Samuel 15:29

Ko Dewel, koleha o Israel nai sharell pes, kowa chochella gar, un leskre laba khaitenn les gar. Job hi kek mensho, koles peskre laba nai khaitans.”