1. Rajengro liil 12:13 - O Debleskro Drom 2021 (Sinte)

¹³ Un o baro rai das i menshenge tchilatche laba pale, un rakras gar jaake, har i phureder leske penan.

O Debleskro Lab 2024 (Sinte-Manouche)

¹³ Oun o baro ray das i menshenge čilače laba pale, oun rakras gar yaake, har i phoureder leske penan.

1. Rajengro liil 12:13 ပူးပေါင်းရင်းမြစ်များ

1. Mose 16:6

Koi penas o Abram ap i Sarai: “Tiri budepaskretsa hi an tiro wast. Kre tu lah, hoi an tire jaka mishto hi!” Un i Sarai his tchilatcho ap late. Un i Hagar nashas peske latar.

1. Mose 42:30

“Ko rom, kai hi o rai pral o them Egiptia, rakras soreles mentsa un kras, har te wams phukepangre, kai kamenn te dikenn, har sorelo leskro them hi.

1. Mose 42:7

O Josef dikas peskre phralen un prindjras len. Un job kras, har te prindjrell lo len gar, un rakras soreles ap lende un penas: “Kai wenn tumer?” Penan jon: “Dran o them Kanaan, te ginas djob.”

2. Samuel 19:43

Koi penan kol tsele mursha dran o them Juda ap kolende dran Israel: “O baro rai hi jek mare menshendar. Hoske han tumer koi pral chojedo? Mer cham an kek tsiro o baro rajeskro chapen. Un job was menge gar latcheder har tumenge?”

1. Rajengro liil 12:12

Un o Jerobeam un i tsele menshe wan pal triin diwessa pash o Rehabeam, har job les lenge penas: “Awenn pal triin diwessa pale pash mande!”

1. Rajengro liil 12:14

Na-a, job rakras lentsa jaake, har i terne mursha kowa leske penan. Un penas: “Te tchiwas miro dad i pharo djipen ap tumende, me krau tumaro djipen gomme phareder! Miro dad das tumen i tchupnijah, me dau tumen i tchupnijah, hoi saster pre hi!”

2. Mose 10:28

Un o Farao penas ap leste: “Dja tuke mandar! Un de tut jak, te wess buder gar glan mire jaka! Ap ko diwes, kai tu pale glan mire jaka weh, dau tut mulo.”

2. Mose 5:2

Un o Farao penas ap o Moseste un ap o Aroneste: “Hawo dewel hi kowa, kai me shunap ap leste? Hoske mukap me i Israelitarja te djal? Me prindjrau ko debles gar, un me mukau gar i Israelitarjen te djal.”

Gosewe laba 10:11

Har i brunna dran kolate djido pani nashell, jaake hi i laba kolestar, kai an o tchatchepen tardo hi. Pal i laba i tchilatchendar hi lengro djungelo koowa khatedo.

Gosewe laba 10:32

O rakepen kolestar, kai an o tchatchepen tardo hi, krell bachtelo. O rakepen i tchilatchendar dukrell.

Gosewe laba 13:20

Kowa, kai khetne hi kolentsa, kai gosewo hi, kowa well ninna gosewo. Kowa kai i maal hi i dinelentsa, kowa well bibachtelo.

Gosewe laba 15:1

I kamlo lab krell te djal o wawareskri choli pale. I lab, hoi o wawares dukrell, krell les chojedo.

Gosewe laba 18:23

O tchorwelo mangell o ropah, o brawelo rakrell pale i djijeha, hoi hi har i bar.

Sikepaskro 10:12

O rakepen hoi dran o goseweskro mui win wella, anell leske an-dikepen, o dineleskro rakepen chal les pre.

Sikepaskro 2:19

Koon djinell, koon kowa hi, kai pal mande well, i gosewo mursh oder i dinelo mursh? Well har wella! Job well o rai pral halauter, koleske man tele marom un gosewes pre tchiwom an miro djipen. Jaake hi kowa ninna tchitcheske.

Jakobo 3:17

Ko goswepen, hoi o Deblestar wella, hi wawartchandes. I mensho, kai hi les kau goswepen, kowa djiwell i djudjo djipen. Job kamell te djiwell lo latches i wawarentsa khetne. Job hi kamlo un latcho. Les hi i dji i wawarenge, un krell bud latcho koowa. Job mukell pes gar ap jekeskri rig te tserdell. Les hi gar dui tchipja.

1. Samuel 20:10

Un o David putchas o Jonatanestar: “Koon penell mange, te was tiro dad chojedo?”