1. Rajengro liil 12:11 - O Debleskro Drom 2021 (Sinte)

¹¹ Un kanna, te tchiwas miro dad i pharo djipen ap tumende, me krau tumaro djipen gomme phareder! Miro dad das tumen i tchupnijah. Me dau tumen i tchupnijah, hoi saster pre hi.’”

O Debleskro Lab 2024 (Sinte-Manouche)

¹¹ Oun kanna, te čivas miro dad i pharo djipen ap t'mende, me krau t'maro djipen gomme phareder! Miro dad das t'men i čoupniyah. Me dau t'men i čoupniyah, hoy saster pre hi.”

1. Rajengro liil 12:11 ပူးပေါင်းရင်းမြစ်များ

1. Rajengro liil 12:10

Un kol terne mursha, kolla, kai wan leha bares, penan leske: “Jaake pen ap kol menshende, kai penan ap tute: ‘Tiro dad tchiwas i pharo budepen ap mende. Muk tu tchomone tele mendar!’ Pen kowa ap lende: ‘Miro tikno gushto hi pesseder har miro dadeskri heri.

1. Rajengro liil 12:12

Un o Jerobeam un i tsele menshe wan pal triin diwessa pash o Rehabeam, har job les lenge penas: “Awenn pal triin diwessa pale pash mande!”

1. Rajengro liil 12:14

Na-a, job rakras lentsa jaake, har i terne mursha kowa leske penan. Un penas: “Te tchiwas miro dad i pharo djipen ap tumende, me krau tumaro djipen gomme phareder! Miro dad das tumen i tchupnijah, me dau tumen i tchupnijah, hoi saster pre hi!”

2. Familjakro liil 16:10

O Asa choiras pes pral o dikepaskro, un an peskri bari choli mukas lo les an o stilepen te anell. An ko tsiro rikras job ninna wawar menshen an o them i dawentsa tele.

2. Mose 5:18

Kanna djan ap tumari budi! Kek phuss well tumende dino! Un jaake bud barra har glan kowa hunte krenna!”

Sikepaskro 10:16

Djungeles djal i menshenge an i them, koleskro baro rai i tchawo hi, un kai i pralstune taissarlakro chapangre hi!

Jesaja 58:6

Kanna penau tuke, hoi i diwes hi, hoi glan mire jaka mishto hi: I diwes, kai kreh tu kol shelle pre kolendar, kai pandlo wan, un kai kek tchilatchepen kran. Muk kolen te djan, ap kolende pharo koowa tchiwal! Le ko koowa krik, koleha len tele rikral! Un phage kol shelle, hoi trul lengre menja pandlo hi.

Jeremia 27:11

Kol menshe an wawar themma, kai mukenn o baro rajes dran Babilonia pengro rai te well, un krenn, hoi job kamell, kolla nai atchenn an pengre themma, un nai budrenn ap pengri phub un djiwenn kote. Kowa penell o baro Dewel.

Ezekiel 2:6

Un tu mensho, tu daress gar lendar, witar gar lengre labendar, hoi jon rakrenna. Tu djiweh mank lende har mank skorpione. Jon hi har subjengre burra trul tute. Ma muk len tuke daar te krell! Ma traash kolestar, hoi kolla rakrenna, kai mukenn pen tchi te penell!

1. Samuel 8:18

Palle te well ko diwes, kai denn tumer gole pral tumaro baro rajeste, koles tumenge win rodan, palle shunell tumen o baro Dewel gar an kol diwessa.”